Raja Raghuvanshi Murder Mystery : ਬੇਵਫ਼ਾ ਸੋਨਮ ਨੇ ਖੁਦ ਖਰੀਦਿਆਂ ਸਨ ਹਨੀਮੂਨ ਦੀਆਂ ਟਿਕਟਾਂ! ਪੜ੍ਹੋ ਮੇਘਾਲਿਆ ਕਤਲ ਕਾਂਡ ਦੇ 5 ਹੈਰਾਨੀਜਨਕ ਖੁਲਾਸੇ
Raja Raghuvanshi Murder Mystery : ਪੁੱਛਗਿੱਛ ਦੌਰਾਨ ਇਹ ਵੀ ਸਾਹਮਣੇ ਆਇਆ ਕਿ ਸੋਨਮ ਦਾ ਇੰਦੌਰ ਵਿੱਚ ਰਹਿਣ ਵਾਲੇ ਰਾਜ ਕੁਸ਼ਵਾਹਾ ਨਾਮ ਦੇ ਇੱਕ ਨੌਜਵਾਨ ਨਾਲ ਅਫੇਅਰ ਸੀ। ਦੋਵਾਂ ਦਾ ਲੰਬੇ ਸਮੇਂ ਤੋਂ ਸਬੰਧ ਸੀ ਅਤੇ ਇਸ ਕਾਰਨ ਦੋਵਾਂ ਨੇ ਰਾਜਾ ਨੂੰ ਕਤਲ ਕਰਨ ਦੀ ਸਾਜ਼ਿਸ਼ ਰਚੀ ਸੀ।
Meghalaya Honeymoon Murder : ਮੇਘਾਲਿਆ ਵਿੱਚ ਕਤਲ ਮਾਮਲੇ ਵਿੱਚ ਹਰ ਰੋਜ਼ ਨਵੇਂ ਖੁਲਾਸੇ ਹੋ ਰਹੇ ਹਨ। ਜਿਵੇਂ-ਜਿਵੇਂ ਪੁਲਿਸ ਜਾਂਚ ਅੱਗੇ ਵਧ ਰਹੀ ਹੈ, ਮਾਮਲੇ ਦੀਆਂ ਪਰਤਾਂ ਉਜਾਗਰ ਹੋ ਰਹੀਆਂ ਹਨ। ਹੁਣ ਪੁਲਿਸ ਸੂਤਰਾਂ ਤੋਂ ਸਾਹਮਣੇ ਆਈ ਜਾਣਕਾਰੀ ਨੇ ਇਸ ਪੂਰੇ ਕਤਲ ਰਹੱਸ ਨੂੰ ਹੋਰ ਵੀ ਹੈਰਾਨ ਕਰਨ ਵਾਲਾ ਬਣਾ ਦਿੱਤਾ ਹੈ।
ਸੋਨਮ ਨੇ ਖੁਦ ਬੁੱਕ ਕੀਤੀਆਂ ਸਨ ਹਨੀਮੂਨ ਦੀਆਂ ਟਿਕਟਾਂ
ਪੁਲਿਸ ਪੁੱਛਗਿੱਛ ਤੋਂ ਪਤਾ ਲੱਗਾ ਹੈ ਕਿ ਸੋਨਮ ਰਘੂਵੰਸ਼ੀ ਨੇ ਆਪਣੇ ਪਤੀ ਰਾਜਾ ਰਘੂਵੰਸ਼ੀ ਨਾਲ ਮੇਘਾਲਿਆ ਜਾਣ ਲਈ ਹਨੀਮੂਨ ਦੀਆਂ ਟਿਕਟਾਂ ਖੁਦ ਬੁੱਕ ਕੀਤੀਆਂ ਸਨ। ਇਹ ਯੋਜਨਾ ਪਹਿਲਾਂ ਹੀ ਇੱਕ ਡੂੰਘੀ ਸਾਜ਼ਿਸ਼ ਦੇ ਤਹਿਤ ਅੰਜਾਮ ਦਿੱਤੀ ਜਾ ਰਹੀ ਸੀ। ਇਹ ਪੂਰੀ ਯੋਜਨਾ ਹਨੀਮੂਨ ਦੇ ਨਾਮ 'ਤੇ ਤਿਆਰ ਕੀਤੀ ਗਈ ਸੀ ਤਾਂ ਜੋ ਕਤਲ ਨੂੰ ਕੁਦਰਤੀ ਹਾਦਸਾ ਦਿਖਾਇਆ ਜਾ ਸਕੇ।
ਰਾਜ ਕੁਸ਼ਵਾਹਾ ਨਾਲ ਸੀ ਸੋਨਮ ਦਾ ਅਫੇਅਰ
ਪੁੱਛਗਿੱਛ ਦੌਰਾਨ ਇਹ ਵੀ ਸਾਹਮਣੇ ਆਇਆ ਕਿ ਸੋਨਮ ਦਾ ਇੰਦੌਰ ਵਿੱਚ ਰਹਿਣ ਵਾਲੇ ਰਾਜ ਕੁਸ਼ਵਾਹਾ ਨਾਮ ਦੇ ਇੱਕ ਨੌਜਵਾਨ ਨਾਲ ਅਫੇਅਰ ਸੀ। ਦੋਵਾਂ ਦਾ ਲੰਬੇ ਸਮੇਂ ਤੋਂ ਸਬੰਧ ਸੀ ਅਤੇ ਇਸ ਕਾਰਨ ਦੋਵਾਂ ਨੇ ਰਾਜਾ ਨੂੰ ਕਤਲ ਕਰਨ ਦੀ ਸਾਜ਼ਿਸ਼ ਰਚੀ ਸੀ। ਪੁਲਿਸ ਨੇ ਰਾਜ ਕੁਸ਼ਵਾਹਾ ਨੂੰ ਵੀ ਗ੍ਰਿਫਤਾਰ ਕਰ ਲਿਆ ਹੈ। ਜਾਂਚ ਏਜੰਸੀਆਂ ਹੁਣ ਦੋਵਾਂ ਵਿਚਕਾਰ ਹੋਈ ਗੱਲਬਾਤ, ਫੋਨ ਕਾਲਾਂ ਅਤੇ ਚੈਟਾਂ ਦੀ ਜਾਂਚ ਕਰ ਰਹੀਆਂ ਹਨ।
ਸੋਨਮ 'ਤੇ ਸ਼ੱਕ ਕਰਨ ਦੇ ਕੀ ਹਨ 7 ਕਾਰਨ
ਉਸਨੇ ਰਾਜਾ ਦੇ ਪਰਿਵਾਰ ਨੂੰ ਰਾਜਾ ਬਾਰੇ ਜਾਣਕਾਰੀ ਨਹੀਂ ਦਿੱਤੀ। ਰਾਜਾ ਦੀ ਮੌਤ ਹੋ ਗਈ, ਪਰ ਉਹ ਪੂਰੀ ਤਰ੍ਹਾਂ ਸੁਰੱਖਿਅਤ ਰਹੀ। ਉਹ ਸ਼ੱਕੀ ਢੰਗ ਨਾਲ ਮੇਘਾਲਿਆ ਤੋਂ ਉੱਤਰ ਪ੍ਰਦੇਸ਼ ਆਈ। ਉਹ ਗਾਜ਼ੀਪੁਰ ਵਿੱਚ ਗੁਪਤ ਢੰਗ ਨਾਲ ਰਹਿੰਦੀ ਸੀ, ਆਪਣੀ ਪਛਾਣ ਲੁਕਾਉਂਦੀ ਸੀ। ਉਸਨੇ ਮੇਘਾਲਿਆ ਵਿੱਚ ਰਾਜਾ ਬਾਰੇ ਕਿਸੇ ਨੂੰ ਨਹੀਂ ਦੱਸਿਆ। ਮੀਡੀਆ ਵਿੱਚ ਬਹੁਤ ਕੁਝ ਚੱਲ ਰਿਹਾ ਸੀ, ਪਰ ਉਹ ਅੱਗੇ ਨਹੀਂ ਆਈ। ਮੱਧ ਪ੍ਰਦੇਸ਼ ਤੋਂ ਮੇਘਾਲਿਆ ਤੱਕ ਦੀਆਂ ਸਰਕਾਰਾਂ ਚਿੰਤਤ ਸਨ, ਪਰ ਉਹ ਚੁੱਪ ਰਹੀ।
ਕੰਟਰੈਕਟ ਕਿਲਿੰਗ ਦੀ ਪੂਰੀ ਯੋਜਨਾ
ਪੁਲਿਸ ਦੇ ਅਨੁਸਾਰ, ਇਸ ਕਤਲ ਕੇਸ ਵਿੱਚ ਕੁੱਲ ਚਾਰ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਸ਼ੱਕ ਹੈ ਕਿ ਸੋਨਮ ਨੇ ਆਪਣੇ ਪ੍ਰੇਮੀ ਰਾਜ ਕੁਸ਼ਵਾਹਾ ਅਤੇ ਹੋਰ ਭਾੜੇ ਦੇ ਕਾਤਲਾਂ ਦੀ ਮਦਦ ਨਾਲ ਰਾਜਾ ਦਾ ਕਤਲ ਕਰਵਾਇਆ।
ਗਾਈਡ ਦੇ ਖੁਲਾਸੇ ਨੇ ਭੇਤ ਖੋਲ੍ਹਿਆ
ਇਸ ਮਾਮਲੇ ਵਿੱਚ ਇੱਕ ਨਵਾਂ ਮੋੜ ਉਦੋਂ ਆਇਆ ਜਦੋਂ ਇੱਕ ਟੂਰਿਸਟ ਗਾਈਡ ਨੇ ਪੁਲਿਸ ਨੂੰ ਦੱਸਿਆ ਕਿ ਜਿਸ ਦਿਨ ਇਹ ਜੋੜਾ ਲਾਪਤਾ ਹੋਇਆ ਸੀ, ਉਸ ਦਿਨ ਉਨ੍ਹਾਂ ਦੇ ਨਾਲ ਤਿੰਨ ਹੋਰ ਨੌਜਵਾਨ ਸਨ। ਇਸ ਗਾਈਡ ਦੀ ਗਵਾਹੀ ਤੋਂ ਬਾਅਦ ਹੀ ਪੁਲਿਸ ਜਾਂਚ ਤੇਜ਼ੀ ਨਾਲ ਅੱਗੇ ਵਧੀ ਅਤੇ ਕਤਲ ਦੀ ਸਾਜ਼ਿਸ਼ ਦਾ ਪਰਦਾਫਾਸ਼ ਹੋਇਆ।
ਟੈਟੂ ਤੋਂ ਹੋਈ ਸੀ ਰਘੂਵੰਸ਼ੀ ਦੀ ਲਾਸ਼ ਦੀ ਪਛਾਣ
ਰਾਜਾ ਰਘੂਵੰਸ਼ੀ ਦੀ ਲਾਸ਼ 2 ਜੂਨ ਨੂੰ ਮੇਘਾਲਿਆ ਦੇ ਵੀਸਾਵਡੋਂਗ ਝਰਨੇ ਦੇ ਨੇੜੇ ਇੱਕ ਖਾਈ ਵਿੱਚੋਂ ਮਿਲੀ ਸੀ। ਪੋਸਟਮਾਰਟਮ ਵਿੱਚ ਕਤਲ ਦੀ ਪੁਸ਼ਟੀ ਹੋਈ ਸੀ। ਲਾਸ਼ ਦੀ ਪਛਾਣ ਰਾਜਾ ਦੇ ਹੱਥ 'ਤੇ 'ਰਾਜਾ' ਨਾਮ ਦੇ ਟੈਟੂ ਤੋਂ ਹੋਈ ਸੀ। ਲਾਸ਼ ਮਿਲਣ ਤੋਂ ਬਾਅਦ ਹੀ ਸ਼ੱਕ ਦੀ ਸੂਈ ਸੋਨਮ ਵੱਲ ਮੁੜਨ ਲੱਗੀ, ਕਿਉਂਕਿ ਉਹ ਲੋਕਾਂ ਨੂੰ ਗੁੰਮਰਾਹ ਕਰਦੀ ਰਹੀ।