ਰਾਮ ਰਹੀਮ ਦੇ 'ਭਗਤਾਂ' ਨੇ ਇੰਝ ਖੋਲ੍ਹਿਆ ਵਰਤ, ਦੇਖੋ ਤਸਵੀਰਾਂ,ਬਲਾਤਕਾਰ ਮਾਮਲੇ ਵਿੱਚ ਜੇਲ੍ਹ 'ਚ ਸਜ਼ਾ ਭੁਗਤ ਰਹੇ ਡੇਰਾ ਸਿਰਸਾ ਸਾਧ ਰਾਮ ਰਹੀਮ ਦੇ "ਭਗਤਾਂ" ਦੀ ਭਗਤੀ 'ਚ ਅਜੇ ਵੀ ਕੋਈ ਫਰਕ ਪੈਂਦਾ ਨਜ਼ਰ ਨਹੀਂ ਆ ਰਿਹਾ ਹੈ। ਜਿੱਥੇ ਇੱਕ ਵਾਰ ਰਾਮ ਰਹੀਮ ਨੂੰ ਉਸਦੇ ਭਗਤਾਂ ਵੱਲੋਂ ਜੇਲ੍ਹ ਤੋਂ ਸਤਿਸੰਗ ਕਰਵਾਏ ਦੀ ਮੰਗ ਦੀ ਖਬਰ ਆਈ ਸੀ, ਉਥੇ ਹੀ ਜੇਲ੍ਹ ਨੂੰ ਜਾਂਦੇ ਰਾਹ 'ਤੇ ਭਗਤਾਂ ਵੱਲੋਂ ਮੱਥਾ ਟੇਕੇ ਜਾਣ ਦੀਆਂ ਤਸਵੀਰਾਂ ਵੀ ਸਾਹਮਣੇ ਆਉਂਦੀਆਂ ਰਹੀਆਂ ਹਨ।
ਹੁਣ, ਰਾਮ ਰਹੀਮ ਦੇ ਜੇਲ੍ਹ ਜਾਣ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਉਸਦੀ ਕੋਈ ਨ ਕੋਈ ਖਬਰ ਵਾਇਰਲ ਹੋਣਾ ਆਮ ਗੱਲ ਹੋ ਗਈ ਹੈ।
ਪਰ ਹੁਣ ਆਲਮ ਇਹ ਹੋ ਚੁੱਕਾ ਹੈ ਕਿ ਕੱਲ੍ਹ ਕਰਵਾਚੌਥ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਕੁਝ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ, ਜਿੰਨ੍ਹਾਂ 'ਚ ਕੁਝ ਮਹਿਲਾਵਾਂ ਵੱਲੋਂ ਰਾਮ ਰਹੀਮ ਦੀ ਤਸਵੀਰ ਨੂੰ ਦੇਖ ਕੇ ਵਰਤ ਖੋਲ੍ਹਿਆ ਜਾ ਰਿਹਾ ਹੈ।ਸਿਰਫ ਇੰਨ੍ਹਾ ਹੀ ਨਹੀਂ, ਕਈ ਤਸਵੀਰਾਂ 'ਚ ਤਾਂ ਪਤੀ-ਪਤਨੀ ਦੋਵਾਂ ਵੱਲੋਂ ਹੀ ਰਾਮ ਰਹੀਮ ਦੀ ਤਸਵੀਰ ਦੇਖਣ ਤੋਂ ਬਾਅਦ ਵਰਤ ਖੋਲ੍ਹਿਆ ਗਿਆ ਹੈ। ਇਸ ਤਸਵੀਰਾਂ ਮੈਸੇਜ ਐਪ ਅਤੇ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ, ਹਾਂਲਾਕਿ ਇਹਨਾਂ 'ਚ ਕਿੰਨ੍ਹੀ ਕੁ ਸੱਚਾਈ ਹੈ, ਇਸ ਬਾਰੇ 'ਚ ਅਜੇ ਕੁਝ ਨਹੀਂ ਕਿਹਾ ਜਾ ਸਕਦਾ।
ਇੱਥੇ ਇਹ ਵੀ ਦੱਸਣਾ ਬਣਦਾ ਹੈ ਕਿ ਰਾਮ ਰਹੀਮ ਨੂੰ ਮੰਨਣ ਵਾਲੇ ਲੋਕਾਂ ਵੱਲੋਂ ਉਸ ਨੂੰ ਸਜ਼ਾ ਸੁਣਾਏ ਜਾਣ ਤੋਂ ਬਾਅਦ ਵੀ ਕਾਫੀ ਹੰਗਾਮਾ ਕੀਤਾ ਗਿਆ ਸੀ ਅਤੇ ਸੋਸ਼ਲ ਮੀਡੀਆ 'ਤੇ ਉਹਨਾਂ ਨੇ ਇਸ ਫੈਸਲੇ 'ਤੇ ਵੀ ਨਰਾਜ਼ਗੀ ਜਤਾਈ ਸੀ। ਰਾਮ ਰਹੀਮ ਨੂੰ ਸਜ਼ਾ ਸਣਾਉਣ ਸਮੇਂ ਉਹਨਾਂ ਦੇ ਭਗਤਾਂ ਵੱਲੋਂ ਪੰਚਕੁਲਾ 'ਚ ਕਾਫੀ ਹੰਗਾਮਾ ਕੀਤਾ ਗਿਆ ਸੀ, ਜਿਸ ਦੌਰਾਨ ਕਈ ਗੱਡੀਆਂ ਨੂੰ ਅੱਗ ਲਗਾ ਦਿੱਤੀ ਸੀ ਅਤੇ ਮਾਹੌਲ ਨੂੰ ਕਾਫੀ ਤਣਾਅਪੂਰਨ ਬਣਾ ਦਿੱਤਾ ਸੀ।
—PTC News