ਪਾਰਟੀ 'ਚ ਖਾਣੇ ਦੀ ਥਾਂ ਇਹ ਸ਼ਖਸ ਖਾ ਗਿਆ ਡੇਢ ਲੱਖ ਦੇ ਗਹਿਣੇ

ਨਵੀਂ ਦਿੱਲੀ: ਚੇਨਈ ਪੁਲਿਸ ਨੇ 3 ਮਈ ਨੂੰ ਇੱਕ ਦੋਸਤ ਦੇ ਘਰ ਈਦ ਮਨਾਉਣ ਦੌਰਾਨ ਬਿਰਆਨੀ ਦੇ ਨਾਲ ਗਹਿਣੇ ਖਾਣ ਵਾਲੇ 32 ਸਾਲਾ ਵਿਅਕਤੀ ਦੇ ਪੇਟ ਵਿੱਚੋਂ 1.45 ਲੱਖ ਰੁਪਏ ਦੇ ਗਹਿਣੇ ਬਰਾਮਦ ਕੀਤੇ ਹਨ। ਇਸ ਬਾਰੇ ਪੁਲਿਸ ਨੇ ਦੱਸਿਆ ਹੈ ਕਿ ਡਾਕਟਰਾਂ ਨੇ ਉਸ ਨੂੰ ਪੇਟ 'ਚੋਂ ਗਹਿਣੇ ਕੱਢਣ ਲਈ ਐਨੀਮਾ ਦਿੱਤਾ ਸੀ। ਵਿਅਕਤੀ ਨੂੰ ਇੱਕ ਦੋਸਤ ਨੇ ਆਪਣੀ ਪ੍ਰੇਮਿਕਾ ਦੇ ਨਾਲ ਆਪਣੇ ਘਰ ਈਦ ਮਨਾਉਣ ਲਈ ਬੁਲਾਇਆ ਸੀ।  ਮੇਜ਼ਬਾਨ ਨੇ ਵੇਖਿਆ ਕਿ ਉਸ ਦੇ ਘਰੋਂ ਹੀਰਿਆਂ ਦਾ ਹਾਰ, ਸੋਨੇ ਦੀ ਚੇਨ ਅਤੇ 1.45 ਲੱਖ ਰੁਪਏ ਦੀ ਕੀਮਤ ਦਾ ਇੱਕ ਹੀਰੇ ਦਾ ਪੈਂਡੈਂਟ ਸਮੇਤ ਗਹਿਣੇ ਗਾਇਬ ਸਨ। ਉਸ ਨੇ ਪੁਲੀਸ ਨੂੰ ਦੱਸਿਆ ਕਿ ਉਸ ਨੂੰ ਇਸ 32 ਸਾਲਾ ਵਿਅਕਤੀ ’ਤੇ ਸ਼ੱਕ ਸੀ। ਔਰਤ ਨੇ  ਪੁਲਿਸ ਸਟੇਸ਼ਨ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਅਤੇ ਵਿਅਕਤੀ ਤੋਂ ਪੁੱਛਗਿੱਛ ਕੀਤੀ ਗਈ। ਜਿਸ ਨੇ ਆਪਣਾ ਜੁਰਮ ਕਬੂਲ ਕਰ ਲਿਆ। ਇੱਕ ਪ੍ਰਾਈਵੇਟ ਮੈਡੀਕਲ ਸੈਂਟਰ ਵਿੱਚ ਸਕੈਨ ਕਰਨ 'ਤੇ ਡਾਕਟਰਾਂ ਨੇ ਉਸ ਦੇ ਪੇਟ ਵਿੱਚ ਗਹਿਣਿਆਂ ਦੀ ਪਛਾਣ ਕੀਤੀ ਅਤੇ ਖਾਧੇ ਹੋਏ ਗਹਿਣੇ ਬਰਾਮਦ ਕੀਤੇ। ਉਸ ਨੂੰ ਐਨੀਮਾ ਦੇਣ ਲਈ ਦਿੱਤਾ ਗਿਆ। ਪੁਲਿਸ ਨੇ ਦੱਸਿਆ ਹੈ ਕਿ ਗਹਿਣੇ ਵੀਰਵਾਰ ਨੂੰ ਬਰਾਮਦ ਕੀਤੇ ਗਏ ਸਨ। ਗਹਿਣੇ ਬਰਾਮਦ ਹੋਣ ਤੋਂ ਬਾਅਦ ਔਰਤ ਨੇ ਆਪਣੀ ਸ਼ਿਕਾਇਤ ਵਾਪਸ ਲੈ ਲਈ ਅਤੇ ਕਿਹਾ ਕਿ ਉਹ ਇਸ ਮਾਮਲੇ ਨੂੰ ਅੱਗੇ ਨਹੀਂ ਵਧਾਉਣਾ ਚਾਹੁੰਦੀ। ਪੁਲਿਸ ਨੇ ਦੱਸਿਆ ਹੈ ਕਿ ਵਿਅਕਤੀ ਈਦ ਪਾਰਟੀ ਦੌਰਾਨ ਸ਼ਰਾਬ ਦੇ ਨਸ਼ੇ ਵਿੱਚ ਸੀ। ਥਾਣੇ ਦੇ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਕਿਉਂਕਿ ਔਰਤ ਨੇ ਸ਼ਿਕਾਇਤ ਵਾਪਸ ਲੈ ਲਈ ਹੈ, ਇਸ ਲਈ ਅਪਰਾਧ ਵਿੱਚ ਸ਼ਾਮਲ ਵਿਅਕਤੀਆਂ ਅਤੇ ਸ਼ਿਕਾਇਤਕਰਤਾ ਦੀ ਪਛਾਣ ਨਹੀਂ ਦੱਸੀ ਜਾ ਸਕਦੀ ਹੈ। ਇਹ ਵੀ ਪੜ੍ਹੋ:ਈ ਰਿਕਸ਼ਾ ਯੂਨੀਅਨ ਵੱਲੋਂ ਡੀਸੀ ਹੁਸ਼ਿਆਰਪੁਰ ਰਾਹੀਂ ਸੂਬੇ ਦੇ ਮੁੱਖ ਮੰਤਰੀ ਨੂੰ ਭੇਜਿਆ ਮੰਗ ਪੱਤਰ -PTC News