ਲੁਧਿਆਣਾ 'ਚ ਲਗਜ਼ਰੀ ਹੋਟਲ ਦੇ ਮਾਲਕ ਖਿਲਾਫ ਬਲਾਤਕਾਰ ਦਾ ਮਾਮਲਾ ਦਰਜ਼,ਮੁਲਜ਼ਮ ਫਰਾਰ
ਉਸ ਦੀ ਪਤਨੀ ਰਾਣੀ ਤੇ ਪੁੱਤਰ ਜਾਵੇਦ ਨੂੰ ਵੀ ਲੜਕੀ ਦੀ ਕੁੱਟਮਾਰ ਕਰਨ ਤੇ ਪਿਸਤੌਲ ਦਿਖਾ ਕੇ ਧਮਕਾਉਣ ਦੇ ਦੋਸ਼ 'ਚ ਨਾਮਜ਼ਦ ਕੀਤਾ ਹੈ।ਪੁਲਿਸ ਸ਼ਿਕਾਇਤ ਵਿੱਚ ਪੀੜਤਾਂ ਨੇ ਦੱਸਿਆ ਕਿ ਉਸ ਨੇ ਐਮਬੀਏ ਕੀਤੀ ਹੈ ਤੇ ਉਹ ਆਈ.ਏ.ਐਸ. ਦੀ ਤਿਆਰੀ ਕਰ ਰਹੀ ਹੈ।ਫਰਵਰੀ 2016 'ਚ ਨੌਕਰੀ ਲਈ ਹੋਟਲ ਗਈ ਸੀ ਜਿੱਥੇ ਹੋਟਲ ਦੇ ਐਮ.ਡੀ. ਅਜੀਤ ਸਿੰਘ ਨੇ ਉਸ ਨੂੰ ਕਿਹਾ ਕਿ ਉਹ ਫ਼ਿਲਮ ਪ੍ਰੋਡਕਸ਼ਨ ਦਾ ਕੋਰਸ ਕਰ ਲਏ ਤਾਂ ਉਹ ਉਸ ਨੂੰ ਆਪਣੇ ਫ਼ਿਲਮ ਪ੍ਰੋਡਕਸ਼ਨ ਹਾਊਸ ਦੀ ਹਿੱਸੇਦਾਰੀ ਦੇ ਦੇਣਗੇ।
ਇਸ ਪਿੱਛੋਂ ਉਹ ਅਕਸਰ ਉਸ ਨੂੰ ਮਿਲਣ ਲੱਗਾ।ਜੂਨ 2016 ਵਿੱਚ ਅਜੀਤ ਸਿੰਘ ਉਸ ਨੂੰ ਦਿੱਲੀ ਲੈ ਗਿਆ ਤੇ ਉਸ ਨਾਲ ਬਲਾਤਕਾਰ ਕੀਤਾ ਤੇ ਵਿਆਹ ਦਾ ਝਾਂਸਾ ਦੇ ਕੇ ਉਸ ਨੂੰ ਚੁੱਪ ਕਰਾ ਦਿੱਤਾ। ਅਜੀਤ ਸਿੰਘ ਨੇ ਕਈ ਵਾਰ ਵੱਖ-ਵੱਖ ਥਾਈਂ ਉਸ ਨਾਲ ਸਬੰਧ ਬਣਾਏ।
7 ਮਾਰਚ ਨੂੰ ਮੁਲਜ਼ਮ ਨੇ ਲੜਕੀ ਨੂੰ ਵਿਆਹ ਕਰਵਾਉਣ ਤੋਂ ਇਨਕਾਰ ਕਰ ਦਿੱਤਾ ਤੇ ਆਪਣੀ ਪਤਨੀ ਤੇ ਪੁੱਤਰ ਨਾਲ ਮਿਲ ਕੇ ਉਸ ਦੀ ਕੁੱਟਮਾਰ ਕੀਤੀ।ਜਾਵੇਦ ਨੇ ਪਿਸਤੌਲ ਤਾਣ ਕੇ ਉਸ ਨੂੰ ਜਾਨੋਂ ਮਾਰਨ ਦੀ ਧਮਕੀ ਵੀ ਦਿੱਤੀ।ਫਿਲਹਾਲ ਮੁਲਜ਼ਮ ਅਜੇ ਫਰਾਰ ਹੈ।
-PTCNews
