ਨਾ ਹੀ Nykaa ਅਤੇ ਨਾ ਹੀ Zomato, ਇਸ ਸਾਲ IPO ਨੇ ਦਿੱਤਾ ਜ਼ਬਰਦਸਤ ਰਿਟਰਨ
Stock Market Upate: ਪੁਰਾਣਾ ਸਾਲ ਖਤਮ ਹੋ ਰਿਹਾ ਹੈ, ਨਵੇਂ ਸਾਲ ਦੇ ਇਸਤਕਬਾਲ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਬਾਈ-ਬਾਈ, 2021 ਦਾ ਹਿਸਾਬ-ਕਿਤਾਬ ਤਿਆਰ ਕੀਤਾ ਜਾ ਰਿਹਾ ਹੈ, ਇਸ ਸਾਲ ਕਿਸ ਚੀਜ਼ 'ਚ ਮੁਨਾਫਾ ਹੋਇਆ ਤੇ ਕਿੱਥੇ ਨੁਕਸਾਨ। ਸ਼ੇਅਰ ਬਾਜ਼ਾਰ ਦੀ ਗੱਲ ਕਰੀਏ ਤਾਂ ਇਹ ਸਾਲ ਕਾਫੀ ਉਤਰਾਅ-ਚੜ੍ਹਾਅ ਵਾਲਾ ਰਿਹਾ ਅਤੇ ਜੇਕਰ ਅਸੀਂ IPOs ਯਾਨੀ ਸ਼ੁਰੂਆਤੀ ਜਨਤਕ ਪੇਸ਼ਕਸ਼ਾਂ (IPOs) ਦੀ ਗੱਲ ਕਰੀਏ, ਤਾਂ 2021 ਇੱਕ ਰਿਕਾਰਡ ਸਾਲ ਰਿਹਾ ਹੈ।
ਕਈ ਕੰਪਨੀਆਂ ਦੇ ਆਈ.ਪੀ.ਓਜ਼, ਖਾਸ ਤੌਰ 'ਤੇ ਟੈਕਨਾਲੋਜੀ ਸਟਾਰਟਅੱਪਸ ਨੇ ਬਜ਼ਾਰ ਨੂੰ ਉੱਚਾ ਚੁੱਕਣ ਵਿੱਚ ਮੁੱਖ ਭੂਮਿਕਾ ਨਿਭਾਈ ਅਤੇ ਸਟਾਕ ਮਾਰਕੀਟ ਵਿੱਚ ਤੇਜ਼ੀ ਦੇ ਰੁਖ ਨੇ ਪ੍ਰਚੂਨ ਨਿਵੇਸ਼ਕਾਂ ਦੀ ਦਿਲਚਸਪੀ ਜਗਾਈ। ਐਮਟੀਏਆਰ ਟੈਕਨਾਲੋਜੀਜ਼ ਦੇ ਸ਼ੇਅਰਾਂ ਨੇ ਇਸ ਸਾਲ ਮਾਰਚ ਵਿੱਚ ਮਾਰਕੀਟ ਵਿੱਚ ਸ਼ਾਨਦਾਰ ਐਂਟਰੀ ਕੀਤੀ। MTAR ਟੈਕਨਾਲੋਜੀਜ਼ ਦਾ ਸਟਾਕ 575 ਰੁਪਏ ਦੀ ਜਾਰੀ ਕੀਮਤ ਤੋਂ 291 ਫੀਸਦੀ ਵੱਧ ਗਿਆ ਹੈ। ਫਿਲਹਾਲ ਇਹ ਸਟਾਕ 2,231 ਰੁਪਏ ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਖਾਸ ਤੌਰ 'ਤੇ ਮਲਟੀਬੈਗਰ ਸ਼ੇਅਰਾਂ 'ਚ ਚੰਗਾ ਰਿਸਪਾਂਸ ਦੇਖਣ ਨੂੰ ਮਿਲਿਆ ਹੈ। ਜੇਕਰ ਅਸੀਂ ਚੰਗਾ ਰਿਟਰਨ ਦੇਣ ਵਾਲੇ ਮਲਟੀਬੈਗਰ ਸ਼ੇਅਰਾਂ ਦੀ ਗੱਲ ਕਰੀਏ ਤਾਂ ਟਾਟਾ ਕੰਪਨੀ ਦੇ ਕੁਝ ਸ਼ੇਅਰ ਵੀ ਇਸ 'ਚ ਸ਼ਾਮਲ ਹਨ।
-PTC News
