ਹਮਾਸ ਦੀ ਕੈਦ ਤੋਂ 24 ਬੰਧਕ ਰਿਹਾਅ, ਕੀ ਜੰਗ ਖਤਮ ਹੋਣ ਦੀ ਕਗਾਰ 'ਤੇ ਜੰਗ? ਜਾਣੋ
Israel-Hamas Ceasefire Update: ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਚੱਲ ਰਹੀ ਜੰਗ ਵਿਚਕਾਰ ਸ਼ਾਂਤੀ ਦੀ ਉਮੀਦ ਜਾਪਦੀ ਲੱਗਦੀ ਹੈ। ਹਮਾਸ ਨੇ ਗਾਜ਼ਾ ਵਿੱਚ ਬੰਧਕ ਬਣਾਏ ਦੋ ਦਰਜਨ ਇਜ਼ਰਾਇਲੀ ਲੋਕਾਂ ਨੂੰ ਰਿਹਾਅ ਕਰ ਦਿੱਤਾ ਹੈ। ਇਸ ਦੇ ਬਦਲੇ ਇਜ਼ਰਾਈਲ ਨੇ ਫਲਸਤੀਨੀ ਕੈਦੀਆਂ ਨੂੰ ਵੀ ਰਿਹਾਅ ਕਰ ਦਿੱਤਾ ਹੈ।
ਗਾਜ਼ਾ ਵਿੱਚ ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ 7 ਅਕਤੂਬਰ ਤੋਂ ਜੰਗ ਚੱਲ ਰਹੀ ਹੈ। ਹਮਾਸ ਦੇ ਹਮਲੇ ਤੋਂ ਬਾਅਦ 250 ਇਜ਼ਰਾਈਲੀ ਨਾਗਰਿਕਾਂ ਨੂੰ ਬੰਧਕ ਬਣਾ ਲਿਆ ਗਿਆ ਸੀ। ਹੁਣ ਚਾਰ ਦਿਨਾਂ ਦੀ ਜੰਗਬੰਦੀ ਤੋਂ ਬਾਅਦ ਦੋਵਾਂ ਧਿਰਾਂ ਨੇ ਬੰਧਕਾਂ ਨੂੰ ਰਿਹਾਅ ਕਰ ਦਿੱਤਾ ਹੈ।
ਇਹ ਵੀ ਪੜ੍ਹੋ: ਗਾਜ਼ਾ 'ਚ 4 ਦਿਨਾਂ ਲਈ ਜੰਗਬੰਦੀ, 50 ਬੰਧਕਾਂ ਦੀ ਰਿਹਾਈ 'ਤੇ ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਸਮਝੌਤਾ: ਰਿਪੋਰਟ
ਉਦੋਂ ਤੋਂ ਮੱਧ ਪੂਰਬ ਵਿੱਚ ਚੱਲ ਰਿਹਾ ਤਣਾਅ ਘੱਟ ਹੁੰਦਾ ਨਜ਼ਰ ਆ ਰਿਹਾ ਹੈ। ਇਸ ਦੌਰਾਨ ਸ਼ੁੱਕਰਵਾਰ ਨੂੰ ਸੰਕਟਗ੍ਰਸਤ ਗਾਜ਼ਾ ਪੱਟੀ ਨੂੰ ਵੀ ਮਨੁੱਖੀ ਸਹਾਇਤਾ ਪਹੁੰਚਾਈ ਗਈ ਹੈ। ਇਸ ਸਮੇਂ ਦੁਨੀਆ ਭਰ ਵਿੱਚ ਇਸ ਸੰਘਰਸ਼ ਨੂੰ ਰੋਕਣ ਲਈ ਅਪੀਲਾਂ ਕੀਤੀਆਂ ਜਾ ਰਹੀਆਂ ਹਨ।
ਮੱਧ ਪੂਰਬ ਵਿੱਚ ਚੱਲ ਰਹੀ ਇਸ ਜੰਗ ਵਿੱਚ ਹੁਣ ਤੱਕ 15 ਹਜ਼ਾਰ ਤੋਂ ਵੱਧ ਲੋਕਾਂ ਦੇ ਮਾਰੇ ਜਾਣ ਦੀ ਖ਼ਬਰ ਹੈ। ਇਜ਼ਰਾਈਲ ਵਿੱਚ ਹਮਾਸ ਦੇ ਹਮਲੇ ਵਿੱਚ ਮਰਨ ਵਾਲਿਆਂ ਦੀ ਗਿਣਤੀ 1200 ਤੋਂ ਵੱਧ ਦੱਸੀ ਜਾ ਰਹੀ ਹੈ।
ਲਗਾਤਾਰ ਬੰਬਾਰੀ ਕਾਰਨ ਗਾਜ਼ਾ ਵਿੱਚ ਸਥਿਤੀ ਬਹੁਤ ਖਰਾਬ ਹੋ ਗਈ ਸੀ। ਹਸਪਤਾਲਾਂ ਵਿੱਚ ਬਿਜਲੀ ਅਤੇ ਪਾਣੀ ਦਾ ਸੰਕਟ ਸੀ। ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਐਲਾਨ ਕੀਤਾ ਸੀ ਕਿ ਹਮਾਸ ਦੇ ਖ਼ਾਤਮੇ ਤੱਕ ਜੰਗ ਜਾਰੀ ਰਹੇਗੀ। ਹਾਲਾਂਕਿ ਸ਼ੁੱਕਰਵਾਰ ਤੋਂ ਚਾਰ ਦਿਨਾਂ ਲਈ ਜੰਗਬੰਦੀ ਹੋ ਗਈ ਹੈ।
4 ਦਿਨਾਂ ਲਈ ਜੰਗਬੰਦੀ
ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਚਾਰ ਦਿਨਾਂ ਲਈ ਜੰਗਬੰਦੀ ਸਮਝੌਤਾ ਹੋਇਆ ਹੈ। ਇਸ ਸਮਝੌਤੇ ਤਹਿਤ ਸ਼ੁੱਕਰਵਾਰ, 24 ਨਵੰਬਰ ਤੋਂ ਚਾਰ ਦਿਨਾਂ ਤੱਕ ਗਾਜ਼ਾ ਵਿੱਚ ਕਿਸੇ ਵੀ ਪਾਸਿਓਂ ਬੰਬਾਰੀ ਨਹੀਂ ਹੋਵੇਗੀ।
ਇਸ ਤੋਂ ਇਲਾਵਾ ਹਮਾਸ ਬੰਧਕ ਇਜ਼ਰਾਈਲੀਆਂ ਨੂੰ ਰਿਹਾਅ ਕਰਨ ਲਈ ਸਹਿਮਤ ਹੋ ਗਿਆ ਹੈ ਜਦੋਂ ਕਿ ਨੇਤਨਯਾਹੂ ਸਰਕਾਰ ਇਜ਼ਰਾਈਲ ਦੀਆਂ ਜੇਲ੍ਹਾਂ ਵਿੱਚ ਬੰਦ ਫਲਸਤੀਨੀਆਂ ਨੂੰ ਰਿਹਾ ਕਰਨ ਲਈ ਸਹਿਮਤ ਹੋ ਗਈ ਹੈ। ਹਮਾਸ ਨੇ 50 ਬੰਧਕਾਂ ਨੂੰ ਰਿਹਾਅ ਕਰਨ ਦਾ ਵਾਅਦਾ ਕੀਤਾ ਹੈ। ਸ਼ੁੱਕਰਵਾਰ ਨੂੰ ਹਮਾਸ ਨੇ 24 ਬੰਧਕਾਂ ਨੂੰ ਰਿਹਾਅ ਕਰ ਦਿੱਤਾ।
???? WATCH: Armed and masked Hamas members escorted traumatized Israeli hostages, along with 12 Thai hostages, into a vehicle earlier today. All 25 hostages are now safely back in Israel.#IsraeliNewNazism #ceasefire #BBKingMunawar 13 Israeli pic.twitter.com/ekJjBJm0Dx — Forsige Breaking News (@ForsigeNews) November 24, 2023
ਇਸ ਵਿੱਚ 13 ਇਜ਼ਰਾਈਲੀ, 10 ਥਾਈ ਅਤੇ 1 ਫਿਲੀਪੀਨੋ ਨਾਗਰਿਕ ਸ਼ਾਮਲ ਹੈ। ਇਜ਼ਰਾਈਲ ਨੇ ਵੀ 39 ਫਲਸਤੀਨੀ ਔਰਤਾਂ ਅਤੇ ਬੱਚਿਆਂ ਨੂੰ ਰਿਹਾਅ ਕੀਤਾ ਹੈ।
ਇਹ ਵੀ ਪੜ੍ਹੋ: Explainer: ਹੂਤੀ ਬਾਗੀ ਕੌਣ? ਜਿਨ੍ਹਾਂ ਕਾਰਗੋ ਸਮੁੰਦਰੀ ਜਹਾਜ਼ ਨੂੰ ਕੀਤਾ ਹਾਈਜੈਕ, ਇਜ਼ਰਾਈਲ ਨੇ ਜਤਾਈ ਚਿੰਤਾ; ਵੇਖੋ ਵੀਡੀਓ
ਮਨੁੱਖੀ ਸਹਾਇਤਾ ਲਈ ਭੇਜੇ 137 ਟਰੱਕ
ਸੰਯੁਕਤ ਰਾਸ਼ਟਰ ਨੇ ਕਿਹਾ ਹੈ ਕਿ ਜੰਗ ਰੁਕਣ ਦੇ ਪਹਿਲੇ ਦਿਨ ਗਾਜ਼ਾ ਨੂੰ ਮਨੁੱਖੀ ਸਹਾਇਤਾ ਨਾਲ 137 ਟਰੱਕ ਭੇਜੇ ਗਏ ਹਨ। ਸੰਘਰਸ਼ ਸ਼ੁਰੂ ਹੋਣ ਤੋਂ ਬਾਅਦ ਇਹ ਸਭ ਤੋਂ ਵੱਡੀ ਮਾਨਵਤਾਵਾਦੀ ਸਹਾਇਤਾ ਹੈ। ਸ਼ੁੱਕਰਵਾਰ ਤੋਂ 1.3 ਲੱਖ ਲੀਟਰ ਡੀਜ਼ਲ ਅਤੇ ਗੈਸ ਦੇ ਚਾਰ ਟਰੱਕ ਵੀ ਗਾਜ਼ਾ ਆਉਣੇ ਸ਼ੁਰੂ ਹੋ ਗਏ।
ਇਜ਼ਰਾਈਲ ਡਿਫੈਂਸ ਫੋਰਸ ਨੇ ਦੱਖਣੀ ਗਾਜ਼ਾ ਦੇ ਲੋਕਾਂ ਨੂੰ ਉੱਤਰ ਵੱਲ ਨਾ ਜਾਣ ਲਈ ਕਿਹਾ ਹੈ। ਬੰਧਕਾਂ ਦੀ ਅਦਲਾ-ਬਦਲੀ ਤੋਂ ਬਾਅਦ ਉਮੀਦ ਕੀਤੀ ਜਾ ਰਹੀ ਹੈ ਕਿ ਜਲਦੀ ਹੀ ਮੁਕੰਮਲ ਤੌਰ 'ਤੇ ਜੰਗਬੰਦੀ ਹੋ ਸਕਦੀ ਹੈ।
- With inputs from agencies
