stubble burning: 22 ਸਤੰਬਰ ਤੱਕ ਪੰਜਾਬ ਵਿੱਚ ਪਰਾਲੀ ਸਾੜਨ ਦੇ 24 ਫਾਇਰ ਇੰਸੀਡੈਂਟ ਦਰਜ, 17 ਖੇਤਾਂ ਦਾ ਨਿਰੀਖਣ ਤੇ 5 ਮਾਮਲਿਆਂ ਵਿੱਚ ਵਾਤਾਵਰਣ ਮੁਆਵਜ਼ਾ
ਪਟਿਆਲਾ: ਪੰਜਾਬ ਵਿੱਚ ਫਸਲਾਂ ਦੀ ਰਹਿੰਦ-ਖੂੰਹਦ ਸਾੜਨ ਦੀਆਂ ਘਟਨਾਵਾਂ ਸਬੰਧੀ 22 ਸਤੰਬਰ 2026 ਤੱਕ ਦੀ CAQMS – Monitoring and Enforcement Actions ਰਿਪੋਰਟ ਸਾਹਮਣੇ ਆਈ ਹੈ। ਰਿਪੋਰਟ ਮੁਤਾਬਕ ਸੂਬੇ ਵਿੱਚ ਹੁਣ ਤੱਕ ਕੁੱਲ 24 ਫਾਇਰ ਇੰਸੀਡੈਂਟ ਦਰਜ ਕੀਤੇ ਗਏ ਹਨ। ਇਨ੍ਹਾਂ ਵਿੱਚੋਂ 17 ਖੇਤਾਂ ਦਾ ਨਿਰੀਖਣ ਕੀਤਾ ਗਿਆ, ਜਦਕਿ 8 ਥਾਵਾਂ ’ਤੇ ਫਸਲਾਂ ਦੀ ਰਹਿੰਦ-ਖੂੰਹਦ ਸਾੜਨ ਦੀ ਭੌਤਿਕ ਪੁਸ਼ਟੀ ਹੋਈ ਹੈ।
ਰਿਪੋਰਟ ਵਿੱਚ ਪਟਿਆਲਾ ਜ਼ਿਲ੍ਹੇ ਵਿੱਚ ਪਰਾਲੀ ਸਾੜਨ ਦੀ ਇੱਕ ਘਟਨਾ ਦਰਜ ਕੀਤੀ ਗਈ ਹੈ। ਹਾਲਾਂਕਿ, ਪਟਿਆਲਾ ਦੇ ਮਾਮਲੇ ਵਿੱਚ ਖੇਤ ਦੇ ਨਿਰੀਖਣ, ਪਰਾਲੀ ਸਾੜਨ ਦੀ ਭੌਤਿਕ ਪੁਸ਼ਟੀ, ਵਾਤਾਵਰਣ ਮੁਆਵਜ਼ਾ, ਰੈੱਡ ਐਂਟਰੀ, ਚਾਰਜਸ਼ੀਟ, ਮੁਅੱਤਲੀ ਜਾਂ ਨੋਟਿਸ ਨਾਲ ਸਬੰਧਤ ਕਾਰਵਾਈ ਵਾਲੇ ਕਾਲਮਾਂ ਵਿੱਚ ਸਿਫ਼ਰ ਦਰਜ ਹੈ।
ਪੰਜਾਬ ਵਿੱਚ 5 ਮਾਮਲਿਆਂ ’ਚ ਵਾਤਾਵਰਣ ਮੁਆਵਜ਼ਾ
ਰਿਪੋਰਟ ਮੁਤਾਬਕ ਪੰਜਾਬ ਵਿੱਚ ਹੁਣ ਤੱਕ 5 ਮਾਮਲਿਆਂ ਵਿੱਚ ਵਾਤਾਵਰਣ ਮੁਆਵਜ਼ਾ (EC) ਲਗਾਇਆ ਗਿਆ ਹੈ। ਇਸ ਤਹਿਤ ਕੁੱਲ 25 ਹਜ਼ਾਰ ਰੁਪਏ ਦਾ ਮੁਆਵਜ਼ਾ ਲਗਾਇਆ ਗਿਆ, ਜਿਸ ਵਿੱਚੋਂ 10 ਹਜ਼ਾਰ ਰੁਪਏ ਦੀ ਵਸੂਲੀ ਹੋ ਚੁੱਕੀ ਹੈ।
ਕਿਹੜੇ ਜ਼ਿਲ੍ਹਿਆਂ ਵਿੱਚ ਹੋਈ ਕਾਰਵਾਈ?
ਅੰਮ੍ਰਿਤਸਰ: 13 ਫਾਇਰ ਇੰਸੀਡੈਂਟ, 9 ਖੇਤਾਂ ਦਾ ਨਿਰੀਖਣ ਅਤੇ 3 ਥਾਵਾਂ ’ਤੇ ਪਰਾਲੀ ਸਾੜਨ ਦੀ ਪੁਸ਼ਟੀ। 1 EC ਮਾਮਲੇ ਵਿੱਚ 5 ਹਜ਼ਾਰ ਰੁਪਏ ਮੁਆਵਜ਼ਾ ਲਗਾਇਆ ਗਿਆ ਅਤੇ ਪੂਰੀ ਰਕਮ ਵਸੂਲ ਕੀਤੀ ਗਈ।
ਫਿਰੋਜ਼ਪੁਰ: 4 ਫਾਇਰ ਇੰਸੀਡੈਂਟ, 3 ਖੇਤਾਂ ਦਾ ਨਿਰੀਖਣ ਅਤੇ 3 ਥਾਵਾਂ ’ਤੇ ਪੁਸ਼ਟੀ। 3 EC ਮਾਮਲਿਆਂ ਵਿੱਚ 15 ਹਜ਼ਾਰ ਰੁਪਏ ਮੁਆਵਜ਼ਾ ਲਗਾਇਆ ਗਿਆ, ਜਿਸ ਵਿੱਚੋਂ 5 ਹਜ਼ਾਰ ਰੁਪਏ ਵਸੂਲ ਕੀਤੇ ਗਏ। ਇਸ ਤੋਂ ਇਲਾਵਾ 3 ਰੈੱਡ ਐਂਟਰੀਆਂ ਅਤੇ 4 ਚੇਤਾਵਨੀ ਨੋਟਿਸ ਦਰਜ ਹਨ।
ਗੁਰਦਾਸਪੁਰ: 2 ਫਾਇਰ ਇੰਸੀਡੈਂਟ ਅਤੇ 2 ਖੇਤਾਂ ਦਾ ਨਿਰੀਖਣ।
ਹੁਸ਼ਿਆਰਪੁਰ: 1 ਫਾਇਰ ਇੰਸੀਡੈਂਟ, 1 ਖੇਤ ਦਾ ਨਿਰੀਖਣ ਅਤੇ 1 ਥਾਂ ’ਤੇ ਪਰਾਲੀ ਸਾੜਨ ਦੀ ਪੁਸ਼ਟੀ। ਇੱਥੇ 5 ਹਜ਼ਾਰ ਰੁਪਏ ਦਾ ਵਾਤਾਵਰਣ ਮੁਆਵਜ਼ਾ ਲਗਾਇਆ ਗਿਆ।
ਪਟਿਆਲਾ: 1 ਫਾਇਰ ਇੰਸੀਡੈਂਟ ਦਰਜ, ਪਰ ਕਾਰਵਾਈ ਨਾਲ ਸਬੰਧਤ ਕਾਲਮਾਂ ਵਿੱਚ ਸਿਫ਼ਰ।
ਤਰਨਤਾਰਨ: 2 ਫਾਇਰ ਇੰਸੀਡੈਂਟ, 2 ਖੇਤਾਂ ਦਾ ਨਿਰੀਖਣ ਅਤੇ 1 ਥਾਂ ’ਤੇ ਪਰਾਲੀ ਸਾੜਨ ਦੀ ਪੁਸ਼ਟੀ। 1 ਰੈੱਡ ਐਂਟਰੀ ਦਰਜ।
ਐਸਬੀਐਸ ਨਗਰ: 1 ਫਾਇਰ ਇੰਸੀਡੈਂਟ ਦਰਜ।
ਰਿਪੋਰਟ ਦੇ ਕੁੱਲ ਅੰਕੜਿਆਂ ਮੁਤਾਬਕ ਪੰਜਾਬ ਵਿੱਚ 17 ਖੇਤਾਂ ਦਾ ਨਿਰੀਖਣ, 8 ਥਾਵਾਂ ’ਤੇ ਪਰਾਲੀ ਸਾੜਨ ਦੀ ਭੌਤਿਕ ਪੁਸ਼ਟੀ, 5 EC ਮਾਮਲੇ, 25 ਹਜ਼ਾਰ ਰੁਪਏ ਦਾ ਵਾਤਾਵਰਣ ਮੁਆਵਜ਼ਾ, 10 ਹਜ਼ਾਰ ਰੁਪਏ ਦੀ ਵਸੂਲੀ, 4 ਰੈੱਡ ਐਂਟਰੀਆਂ ਅਤੇ 4 ਚੇਤਾਵਨੀ ਨੋਟਿਸ ਦਰਜ ਕੀਤੇ ਗਏ ਹਨ।
- PTC NEWS
