Majithia Slams Kejriwal: ਕੇਜਰੀਵਾਲ ਦੇ ਹਵਾਈ ਸਫਰ ’ਤੇ ਬਿਕਰਮ ਸਿੰਘ ਮਜੀਠੀਆ ਨੇ ਸਾਧਿਆ ਨਿਸ਼ਾਨਾ, ਕਿਹਾ- ਆਮ ਆਦਮੀ ਬਣਿਆ 'ਖ਼ਾਸ'
Majithia Slam Kejriwal: ਸ਼੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਬਿਕਰਮ ਸਿੰਘ ਮਜੀਠੀਆ ਨੇ ਦਿੱਲੀ ਦੇ ਮੁੱਖ ਮੰਤਰੀ ਅਤੇ ਆਪ ਕਨਵੀਨਰ ਅਰਵਿੰਦ ਕੇਜਰੀਵਾਲ ਦੇ ਹਵਾਈ ਸਫਰ ’ਤੇ ਤੰਜ ਕੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਦਿੱਲੀ ਤੋਂ ਬਠਿੰਡਾ ਜਾਣ ਲਈ ਆਲੀਸ਼ਾਨ ਜੈੱਟ ’ਤੇ 400 ਕਰੋੜ ਰੁਪਏ ਖਰਚੇ ਹਨ। ਕੀ ਹੁਣ ਆਮ ਆਦਮੀ ਖ਼ਾਸ ਆਦਮੀ ਬਣ ਗਏ ਹਨ।
ਸ਼੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਬਿਕਰਮ ਸਿੰਘ ਮਜੀਠੀਆ ਨੇ ਸੋਸ਼ਲ ਮੀਡੀਆ ’ਤੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਘੇਰਦੇ ਹੋਏ ਕਿਹਾ ਕਿ ਅਰਵਿੰਦ ਕੇਜਰੀਵਾਲ ਨੇ ਬੀਤੇ ਕੱਲ੍ਹ ਇਹ 400 ਕਰੋੜ ਰੁਪਏ ਦਾ ਆਲੀਸ਼ਾਨ ਸਹੂਲਤਾਂ ਵਾਲਾ ਜੈਟ ਬਠਿੰਡਾ ਆਉਂਣ ਲਈ ਵਰਤਿਆ? ਆਮ ਆਦਮੀ ਹੁਣ ਖਾਸ ਆਦਮੀ ਬਣ ਗਿਆ ਹੈ ❗️ ਕੇਜਰੀਵਾਲ ਬਾਲੀਵੁੱਡ ਅਤੇ ਹਾਲੀਵੁੱਡ ਸਿਤਾਰਿਆਂ ਵਾਂਗ ਆਲੀਸ਼ਾਨ ਸਹੂਲਤਾਂ ਨਾਲ ਸਫ਼ਰ ਕਰਨਾ ਪਸੰਦ ਹੈ। ਵੈਸੇ ਬਠਿੰਡਾ ਤੱਕ ਕਾਰਾਂ, ਬੱਸਾਂ ਅਤੇ ਰੇਲ ਗੱਡੀਆਂ ਵੀ ਦਿੱਲੀ ਤੋਂ ਆਉਂਦੀਆਂ ਹਨ।
????????ਅਰਵਿੰਦ ਕੇਜਰੀਵਾਲ ਨੇ ਬੀਤੇ ਕੱਲ੍ਹ ਇਹ 400 ਕਰੋੜ ਰੁਪਏ ਦਾ ਆਲੀਸ਼ਾਨ ਸਹੂਲਤਾਂ ਵਾਲਾ ਜੈਟ ਬਠਿੰਡਾ ਆਉਂਣ ਲਈ ਵਰਤਿਆ??
????ਆਮ ਆਦਮੀ ਹੁਣ ਖਾਸ ਆਦਮੀ ਬਣ ਗਿਆ ਹੈ❗️
Kejriwal ਬਾਲੀਵੁੱਡ ਅਤੇ ਹਾਲੀਵੁਡ ਸਿਤਾਰਿਆਂ ਵਾਂਗ ਆਲੀਸ਼ਾਨ ਸਹੂਲਤਾਂ ਨਾਲ ਸਫ਼ਰ ਕਰਨਾ ਪਸੰਦ ਹੈ। ਵੈਸੇ ਬਠਿੰਡਾ ਤੱਕ ਕਾਰਾਂ, ਬੱਸਾਂ ਅਤੇ ਰੇਲ ਗੱਡੀਆਂ ਵੀ ਦਿੱਲੀ ਤੋਂ… pic.twitter.com/P1kv5A1VUh — Bikram Singh Majithia (@bsmajithia) December 19, 2023
ਕਾਬਿਲੇਗੌਰ ਹੈ ਕਿ ਬਠਿੰਡਾ ਵਿਖੇ ਇੱਕ ਰੈਲੀ ’ਚ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਪਹੁੰਚੇ ਸੀ। ਇਸ ਦੌਰਾਨ ਨਰੇਗਾ ਮਜ਼ਦੂਰਾਂ ਨੇ ਨਾਰਾਜ਼ਗੀ ਜਾਹਿਰ ਕੀਤੀ ਉੱਥੇ ਹੀ ਦੂਜੇ ਪਾਸੇ ਇਸ ਰੈਲੀ ’ਚ ਫਿਜੂਲ ਖਰਚੀ ਅਤੇ ਵੀਵੀਆਈਪੀ ਟ੍ਰੀਟਮੇਂਟ ਵੀ ਦੇਖਣ ਨੂੰ ਮਿਲੀ ਸੀ। ਜਿਸ ’ਚ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਪਤਨੀ ਡਾ. ਗੁਰਪ੍ਰੀਤ ਕੌਰ ਕਈ ਵੱਡੇ ਕਾਫਿਲੇ ਦੇ ਨਾਲ ਨਜ਼ਰ ਆਏ ਸੀ।
ਇਸ ਸਬੰਧੀ ਵੀਡੀਓ ਵੀ ਸਾਹਮਣੇ ਆਈ ਸੀ। ਜਿਸ ਦੇ ਕਾਰਨ ਵਿਰੋਧੀਆਂ ਨੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਘੇਰਿਆ ਸੀ। ਅਜੇ ਵੀ ਇਹ ਮਾਮਲਾ ਕਾਫੀ ਭਖਿਆ ਹੋਇਆ ਹੈ। ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਲਗਾਤਾਰ ਪੁੱਛਿਆ ਜਾ ਰਿਹਾ ਹੈ ਕਿ ਆਖਿਰ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਪਤਨੀ ਨੂੰ ਕਿਸ ਕਾਰਨ ਇੰਨ੍ਹੀ ਜਿਆਦਾ ਸੁਰੱਖਿਆ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ: ਨਾਜਾਇਜ਼ ਮਾਈਨਿੰਗ ਤੋਂ ਪ੍ਰੇਸ਼ਾਨ ਹੋਏ ਲੁਧਿਆਣਾ ਦੇ ਪਿੰਡ, ਹਾਈਕੋਰਟ ਨੇ ਪੰਜਾਬ ਸਰਕਾਰ ਨੂੰ ਕੱਢਿਆ ਨੋਟਿਸ
- PTC NEWS
