Raymond Group ਦੇ ਚੇਅਰਮੈਨ ਤੇ ਉਨ੍ਹਾਂ ਦੀ ਪਤਨੀ ਨੇ ਵੱਖ ਹੋਣ ਦਾ ਕੀਤਾ ਐਲਾਨ
Raymond Group: ਰੇਮੰਡ ਲਿਮਟਿਡ ਦੇ ਚੇਅਰਮੈਨ ਅਤੇ ਪ੍ਰਬੰਧ ਨਿਰਦੇਸ਼ਕ ਗੌਤਮ ਸਿੰਘਾਨੀਆ ਨੇ ਸੋਮਵਾਰ ਨੂੰ ਐਲਾਨ ਕੀਤਾ ਕਿ ਉਹ ਅਤੇ ਉਨ੍ਹਾਂ ਦੀ ਪਤਨੀ ਨਵਾਜ਼ ਮੋਦੀ ਸਿੰਘਾਨੀਆ 32 ਸਾਲ ਦੇ ਵਿਆਹ ਤੋਂ ਬਾਅਦ ਵੱਖ ਹੋ ਰਹੇ ਹਨ। ਗੌਤਮ ਸਿੰਘਾਨੀਆ ਨੇ ਕਿਹਾ ਕਿ ਇਸ ਵਾਰ ਦੀਵਾਲੀ ਪਹਿਲਾਂ ਵਰਗੀ ਨਹੀਂ ਹੋਵੇਗੀ। ਨਵਾਜ਼ ਅਤੇ ਮੈਂ ਇੱਥੋਂ ਵੱਖਰੇ ਰਸਤੇ ਲਵਾਂਗੇ… ਮੈਂ ਉਸ ਨਾਲ ਵੱਖ ਹੋ ਰਿਹਾ ਹਾਂ ਜਦੋਂ ਕਿ ਅਸੀਂ ਆਪਣੇ ਦੋ ਕੀਮਤੀ ਹੀਰਿਆਂ, ਨਿਹਾਰਿਕਾ ਅਤੇ ਨਿਆਸਾ ਲਈ ਸਭ ਤੋਂ ਵਧੀਆ ਕੰਮ ਕਰਨਾ ਜਾਰੀ ਰੱਖਦੇ ਹਾਂ।
ਮੀਡੀਆ ਰਿਪੋਰਟਾਂ ਮੁਤਾਬਿਕ ਨਵਾਜ਼ ਮੋਦੀ ਸਿੰਘਾਨੀਆ ਨੂੰ ਪਿਛਲੇ ਹਫ਼ਤੇ ਠਾਣੇ ਵਿੱਚ ਆਪਣੇ ਪਤੀ ਦੀ ਦੀਵਾਲੀ ਪਾਰਟੀ ਵਿੱਚ ਸ਼ਾਮਿਲ ਹੋਣ ਤੋਂ ਰੋਕ ਦਿੱਤਾ ਗਿਆ ਸੀ। ਪਿਛਲੇ ਮਹੀਨੇ ਗੌਤਮ ਨੇ ਨਵਾਜ਼ ‘ਤੇ ਉਨ੍ਹਾਂ ਦੇ ਬ੍ਰੀਚ ਕੈਂਡੀ ਘਰ ‘ਤੇ ਹਮਲਾ ਕਰਕੇ ਉਨ੍ਹਾਂ ਦੀ ਕਾਲਰ ਦੀ ਹੱਡੀ ਤੋੜ ਦਿੱਤੀ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਗਿਰਗਾਉਂ ਦੇ ਸਰ ਐੱਚ.ਐੱਨ. ਰਿਲਾਇੰਸ ਫਾਊਂਡੇਸ਼ਨ ਹਸਪਤਾਲ ਅਤੇ ਖੋਜ ਕੇਂਦਰ ਵਿੱਚ ਭਰਤੀ ਕਰਵਾਇਆ ਸੀ। ਹਾਲਾਂਕਿ ਇਸ ਮਾਮਲੇ ਵਿੱਚ ਪੁਲਿਸ ਕੋਲ ਕੋਈ ਸ਼ਿਕਾਇਤ ਦਰਜ ਨਹੀਂ ਕਰਵਾਈ ਗਈ।
- PTC NEWS
