Punjab ’ਚ ਅੱਤ ਦੀ ਗਰਮੀ ਦੇ ਵਿਚਾਲੇ ਬਿਜਲੀ ਦੀ ਮੰਗ ਨੇ ਤੋੜੇ ਸਾਰੇ ਰਿਕਾਰਡ; ਰੋਜ਼ਾਨਾ ਪੈ ਰਹੀ 900 ਮੈਗਾਵਾਟ ਬਿਜਲੀ ਦੀ ਲੋੜ
ਪੰਜਾਬ ਦੇ ਕਈ ਜ਼ਿਲ੍ਹੇ ਬਿਜਲੀ ਦੀ ਕਿੱਲਤ ਦਾ ਸਾਹਮਣਾ ਕਰਨ ਰਹੇ ਹਨ। ਉੱਥੇ ਹੀ ਦੂਜੇ ਪਾਸੇ ਸੂਬੇ ਭਰ ’ਚ ਅੱਤ ਦੀ ਗਰਮੀ ਦੇ ਵਿਚਾਲੇ ਲਗਾਤਾਰ ਬਿਜਲੀ ਦੀ ਮੰਗ ਵਧ ਰਹੀ ਹੈ। ਸੂਬੇ ਭਰ’ਚ ਅਪ੍ਰੈਲ ਮਹੀਨੇ ਵਿੱਚ ਗਰਮੀ ਵੱਧਣ ਕਾਰਨ ਬਿਜਲੀ ਦੀ ਮੰਗ ਕਾਫੀ ਵਧ ਗਈ ਹੈ। ਲੋਕ ਏਸੀ, ਕੂਲਰ ਜ਼ਿਆਦਾ ਵਰਤ ਰਹੇ ਹਨ, ਜਿਸ ਨਾਲ ਬਿਜਲੀ ਉੱਤੇ ਦਬਾਅ ਪੈ ਰਿਹਾ ਹੈ।
ਆਮ ਤੌਰ ‘ਤੇ ਅਪ੍ਰੈਲ ਵਿੱਚ ਬਿਜਲੀ ਦੀ ਮੰਗ ਇੰਨੀ ਨਹੀਂ ਹੁੰਦੀ, ਪਰ ਇਸ ਵਾਰੀ 28–30 ਅਪ੍ਰੈਲ ਦੇ ਆਸ-ਪਾਸ ਰਿਕਾਰਡ ਤੋੜ ਮੰਗ ਦਰਜ ਹੋਈ ਹੈ। ਬਿਜਲੀ ਦੀ ਮੰਗ ਲਗਭਗ 11,519 ਮੈਗਾਵਾਟ ਤੱਕ ਪਹੁੰਚ ਗਈ। ਰੋਜ਼ਾਨਾ ਲਗਭਗ 900 ਮੈਗਾਵਾਟ ਵੱਧ ਬਿਜਲੀ ਦੀ ਲੋੜ ਪੈ ਰਹੀ ਹੈ।
ਦੱਸਣਯੋਗ ਹੈ ਕਿ ਪੀਐਸਪੀਸੀਐਲ ਨੇ ਇੱਕ ਨੋਟੀਫਿਕੇਸ਼ਨ ਜਾਰੀ ਕਰਦੇ ਹੋਏ ਬਿਜਲੀ ਸਪਲਾਈ ਨੂੰ ਬਿਹਤਰ ਬਣਾਉਣ ਦਾ ਹਵਾਲਾ ਦਿੰਦੇ ਹੋਏ ਲੁਧਿਆਣਾ, ਜਲੰਧਰ, ਅੰਮ੍ਰਿਤਸਰ, ਬਠਿੰਡਾ ਅਤੇ ਪਟਿਆਲਾ ਸਮੇਤ ਵੱਡੇ ਸ਼ਹਿਰਾਂ ਵਿੱਚ 21 ਤੋਂ 28 ਅਪ੍ਰੈਲ ਤੱਕ ਬਿਜਲੀ ਬੰਦ ਰਹਿਣ ਦਾ ਐਲਾਨ ਕੀਤਾ ਸੀ।
ਇਸ ਸਬੰਧੀ ਪੀਐਸਪੀਸੀਐਲ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਪੇਂਡੂ ਖੇਤਰਾਂ ਵਿੱਚ ਬਿਜਲੀ ਕੱਟ ਲਗਭਗ 8-10 ਘੰਟੇ ਚੱਲਦੇ ਹਨ ਜਦੋਂ ਕਿ ਸ਼ਹਿਰੀ ਖੇਤਰਾਂ ਵਿੱਚ ਲਗਭਗ ਚਾਰ ਘੰਟੇ ਬਿਜਲੀ ਕੱਟ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਅਧਿਕਾਰੀ ਨੇ ਕਿਹਾ ਕਿ ਤਕਨੀਕੀ ਨੁਕਸ ਅਤੇ ਸਥਾਨਕ ਮੁੱਦਿਆਂ ਕਾਰਨ ਅਸਲ ਕੱਟ ਜ਼ਿਆਦਾ ਸਨ। ਸਾਡੀਆਂ ਟੀਮਾਂ ਮੌਕੇ 'ਤੇ ਸਨ, ਪਰ ਸਟਾਫ ਦੀ ਘਾਟ ਅਤੇ ਵਧਦੇ ਤਾਪਮਾਨ ਨੇ ਮੁਰੰਮਤ ਦਾ ਕੰਮ ਰਫਤਾਰ ਘੱਟ ਹੋ ਗਈ ਹੈ।
ਵਧਦੀ ਮੰਗ ਨੂੰ ਪੂਰਾ ਕਰਨ ਲਈ, ਪੀਐਸਪੀਸੀਐਲ ਨੇ ਸਰਕਾਰੀ ਥਰਮਲ ਪਲਾਂਟਾਂ ਤੋਂ 372.85 ਐਲਯੂ ਅਤੇ ਹਾਈਡਲ ਸਰੋਤਾਂ ਤੋਂ 96.71 ਐਲਯੂ ਬਿਜਲੀ ਖਰੀਦੀ। ਰਾਜਪੁਰਾ ਅਤੇ ਤਲਵੰਡੀ ਸਾਬੋ ਵਿਖੇ ਨਿੱਜੀ ਪਲਾਂਟਾਂ ਨੇ 297.64 ਐਲਯੂ ਅਤੇ 339.92 ਐਲਯੂ ਦਾ ਯੋਗਦਾਨ ਪਾਇਆ। ਇਸ ਤੋਂ ਇਲਾਵਾ, 324.50 ਐਲਯੂ ਥੋੜ੍ਹੇ ਸਮੇਂ ਦੀਆਂ ਖਰੀਦਾਂ ਰਾਹੀਂ ਖਰੀਦਿਆ ਗਿਆ ਸੀ, ਜਦਕਿ ਲਗਭਗ 230 ਐਲਯੂ ਬੈਂਕਿੰਗ ਪ੍ਰਬੰਧਾਂ ਅਧੀਨ ਨਿਰਯਾਤ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ : Punjab and Chandigarh ’ਚ ਗਰਮੀ ਦਾ ਕਹਿਰ ਜਾਰੀ, ਜਾਣੋ ਕਦੋਂ ਮਿਲੇਗੀ ਅੱਤ ਦੀ ਗਰਮੀ ਤੋਂ ਰਾਹਤ
- PTC NEWS
