Heavy Rain in Jammu : ਭਾਰੀ ਮੀਂਹ ਕਾਰਨ ਭਦਰਵਾਹ 'ਚ ਆਇਆ ਅਚਾਨਕ ਹੜ੍ਹ, ਜ਼ਮੀਨ ਖਿਸਕਣ ਕਾਰਨ ਜੰਮੂ-ਸ੍ਰੀਨਗਰ ਹਾਈਵੇਅ ਠੱਪ

Heavy Rain in Jammu : ਉਤਰ ਭਾਰਤ ਵਿੱਚ ਭਾਰੀ ਮੀਂਹ ਦਾ ਕਹਿਰ ਲਗਾਤਾਰ ਜਾਰੀ ਹੈ। ਜੰਮੂ ਵਿੱਚ ਭਾਰੀ ਮੀਂਹ ਕਾਰਨ ਡੋਡਾ ਜ਼ਿਲ੍ਹੇ ਦੇ ਭੱਦਰਵਾਹ 'ਚ ਅਚਾਨਕ ਹੜ੍ਹ (Flood in Bhaderwah) ਆ ਗਿਆ। ਨਤੀਜੇ ਵੱਜੋਂ ਕਈ ਥਾਂਵਾਂ 'ਤੇ ਜ਼ਮੀਨ ਵੀ ਖਿਸਕੀ। ਜੰਮੂ-ਸ਼੍ਰੀਨਗਰ ਰਾਸ਼ਟਰੀ ਰਾਜਮਾਰਗ (Jammu–Srinagar NH-44) 'ਤੇ ਮੰਗਲਵਾਰ ਸਵੇਰੇ ਆਵਾਜਾਈ ਠੱਪ ਹੋ ਗਈ, ਕਿਉਂਕਿ ਪੂਰੇ ਖੇਤਰ ਵਿੱਚ ਲਗਾਤਾਰ ਮੀਂਹ ਪੈਣ ਕਾਰਨ ਕਈ ਥਾਵਾਂ 'ਤੇ ਜ਼ਮੀਨ ਖਿਸਕਣ (Landslides) ਅਤੇ ਪੱਥਰ ਡਿੱਗਣ ਕਾਰਨ ਆਵਾਜਾਈ ਠੱਪ ਹੋ ਗਈ।

ਅਡਵਾਈਜ਼ਰੀ ਜਾਰੀ

ਅਧਿਕਾਰੀਆਂ ਨੇ ਕਿਹਾ ਕਿ ਯਾਤਰੀਆਂ ਨੂੰ ਮੌਸਮ ਵਿੱਚ ਸੁਧਾਰ ਹੋਣ ਅਤੇ ਸਫਾਈ ਕਾਰਜ ਪੂਰੇ ਹੋਣ ਤੱਕ NH-44 'ਤੇ ਯਾਤਰਾ ਕਰਨ ਤੋਂ ਬਚਣ ਦੀ ਸਖ਼ਤ ਸਲਾਹ ਦਿੱਤੀ ਗਈ ਹੈ। ਅਧਿਕਾਰੀਆਂ ਨੇ ਕਿਹਾ, "ਲੋਕਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਆਪਣੀ ਯਾਤਰਾ ਸ਼ੁਰੂ ਕਰਨ ਤੋਂ ਪਹਿਲਾਂ ਅਧਿਕਾਰਤ ਟ੍ਰੈਫਿਕ ਪੁਲਿਸ ਟਵਿੱਟਰ ਹੈਂਡਲ ਅਤੇ ਫੇਸਬੁੱਕ ਪੇਜ 'ਤੇ ਸੜਕ ਦੀ ਨਵੀਨਤਮ ਸਥਿਤੀ ਦੀ ਜਾਂਚ ਕਰਨ ਜਾਂ ਸਿੱਧੇ TCU ਨਾਲ ਸੰਪਰਕ ਕਰਨ।"

ਅਧਿਕਾਰੀਆਂ ਵੱਲੋਂ ਲੋਕਾਂ ਦੀ ਸਹੂਲਤ ਲਈ ਟ੍ਰੈਫਿਕ ਨੰਬਰ ਵੀ ਜਾਰੀ ਕੀਤੇ ਗਏ ਹਨ -

• TCU ਜੰਮੂ, 0191-2459048, 0191-2740550, 9419147732, 103।
• TCU ਸ਼੍ਰੀਨਗਰ - 0194-2450022, 2485396, 18001807091, 103। TCU ਰਾਮਬਨ: 9419993745, 1800-180-7043।

ਅਧਿਕਾਰੀਆਂ ਨੇ ਕਿਹਾ ਕਿ ਅਡਵਾਈਜ਼ਰੀ ਅਨੁਸਾਰ ਐਸਐਸਜੀ ਰੋਡ ਅਤੇ ਮੁਗਲ ਰੋਡ 'ਤੇ ਆਵਾਜਾਈ ਚੱਲ ਰਹੀ ਹੈ, ਜਦੋਂ ਕਿ ਸਿੰਥਨ ਰੋਡ ਬੰਦ ਹੈ। ਲੋਕਾਂ ਨੂੰ ਬੇਲੋੜੀ ਯਾਤਰਾ ਤੋਂ ਬਚਣ ਲਈ ਕਿਹਾ ਗਿਆ ਹੈ ਕਿਉਂਕਿ ਮੌਸਮ ਅਜੇ ਵੀ ਬਰਸਾਤ ਵਾਲਾ ਹੈ।

ਭਦਰਵਾਹ ਵਿੱਚ ਨੀਰੂ ਨਾਲੇ ਵਿੱਚ ਆਇਆ ਅਚਾਨਕ ਹੜ੍ਹ

ਅਧਿਕਾਰਤ ਅੰਕੜਿਆਂ ਅਨੁਸਾਰ, ਜੰਮੂ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ ਸਵੇਰੇ 8:30 ਵਜੇ ਤੱਕ 81.5 ਮਿਲੀਮੀਟਰ ਬਾਰਿਸ਼ ਦਰਜ ਕੀਤੀ ਗਈ, ਜਦੋਂ ਕਿ ਬਨਿਹਾਲ ਵਿੱਚ 28.3 ਮਿਲੀਮੀਟਰ, ਬਟੋਟ ਵਿੱਚ 36.9 ਮਿਲੀਮੀਟਰ, ਕਟੜਾ ਵਿੱਚ 68.8 ਮਿਲੀਮੀਟਰ, ਭਦਰਵਾਹ ਵਿੱਚ 99.8 ਮਿਲੀਮੀਟਰ, ਕਠੂਆ ਵਿੱਚ 155.6 ਮਿਲੀਮੀਟਰ, ਜੰਮੂ ਹਵਾਈ ਅੱਡੇ ਵਿੱਚ 81.4 ਮਿਲੀਮੀਟਰ, ਊਧਮਪੁਰ ਵਿੱਚ 92.4 ਮਿਲੀਮੀਟਰ, ਰਾਮਬਨ ਵਿੱਚ 29.5 ਮਿਲੀਮੀਟਰ, ਕਿਸ਼ਤਵਾੜ ਵਿੱਚ 34.0 ਮਿਲੀਮੀਟਰ, ਰਾਜੌਰੀ ਵਿੱਚ 0.4 ਮਿਲੀਮੀਟਰ, ਰਿਆਸੀ ਵਿੱਚ 67.0 ਮਿਲੀਮੀਟਰ, ਸਾਂਬਾ ਵਿੱਚ 99.5 ਮਿਲੀਮੀਟਰ ਅਤੇ ਬਰਮਾਲ ਵਿੱਚ 137.5 ਮਿਲੀਮੀਟਰ ਬਾਰਿਸ਼ ਹੋਈ, ਜਦੋਂ ਕਿ ਪੁੰਛ ਤੋਂ ਡਾਟਾ ਉਪਲਬਧ ਨਹੀਂ ਹੈ।

ਅਧਿਕਾਰੀਆਂ ਨੇ ਕਿਹਾ ਕਿ ਸਥਿਤੀ 'ਤੇ ਨੇੜਿਓਂ ਨਜ਼ਰ ਰੱਖੀ ਜਾ ਰਹੀ ਹੈ, ਅਤੇ ਇਸ ਅਨੁਸਾਰ ਹੋਰ ਅਪਡੇਟ ਸਾਂਝੇ ਕੀਤੇ ਜਾਣਗੇ।

- PTC NEWS

Join Whatsapp Channel