ਹੁਣ IPL ਖੇਡਣਗੇ ਆਰ ਅਸ਼ਵਿਨ ! ਭਾਰਤੀ ਸਟਾਰ ਗੇਂਦਬਾਜ ਨੇ ਇੰਡੀਅਨ ਪ੍ਰੀਮੀਅਰ ਲੀਗ ਤੋਂ ਲਿਆ ਸੰਨਿਆਸ
Ravichandran Ashwin retirement from IPL : ਭਾਰਤੀ ਸਟਾਰ ਗੇਂਦਬਾਜ ਰਵੀਚੰਦਰਨ ਅਸ਼ਵਿਨ ਨੇ ਇੰਡੀਅਨ ਪ੍ਰੀਮੀਅਰ ਲੀਗ (Indian Premier League) ਤੋਂ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ ਹੈ। ਭਾਰਤੀ ਟੀਮ ਦੇ ਤਜਰਬੇਕਾਰ ਆਫ ਸਪਿਨਰ ਅਸ਼ਵਿਨ ਨੇ ਇਹ ਵੀ ਸਪੱਸ਼ਟ ਕੀਤਾ ਹੈ ਕਿ ਦੁਨੀਆ ਭਰ ਦੀਆਂ ਵੱਖ-ਵੱਖ ਲੀਗਾਂ ਵਿੱਚ ਨਵੇਂ ਖੇਡ ਤਜ਼ਰਬਿਆਂ ਦਾ ਉਨ੍ਹਾਂ ਦਾ ਸਫ਼ਰ ਅੱਜ ਤੋਂ ਸ਼ੁਰੂ ਹੁੰਦਾ ਹੈ।
ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਪਹਿਲਾਂ ਹੀ ਲੈ ਚੁੱਕੇ ਹਨ ਰਿਟਾਇਰਮੈਂਟ
ਦੱਸ ਦਈਏ ਕਿ ਅਸ਼ਵਿਨ ਨੇ 18 ਦਸੰਬਰ 2024 ਨੂੰ ਆਸਟ੍ਰੇਲੀਆ ਵਿਰੁੱਧ ਗਾਬਾ ਟੈਸਟ ਤੋਂ ਬਾਅਦ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ ਸੀ, ਫਿਰ ਉਸਨੇ ਆਈਪੀਐਲ ਵਿੱਚ ਖੇਡਣਾ ਜਾਰੀ ਰੱਖਣ ਦੀ ਗੱਲ ਕੀਤੀ ਸੀ। ਉਹ ਆਈਪੀਐਲ 2025 ਵਿੱਚ ਚੇਨਈ ਸੁਪਰ ਕਿੰਗਜ਼ ਲਈ ਖੇਡਿਆ ਸੀ। ਜਿੱਥੇ ਉਸਨੇ 9 ਮੈਚਾਂ ਵਿੱਚ 7 ਵਿਕਟਾਂ ਲਈਆਂ ਅਤੇ 33 ਦੌੜਾਂ ਬਣਾਈਆਂ। ਅਸ਼ਵਿਨ 2025 ਵਿੱਚ ਸੀਐਸਕੇ ਦੇ ਸੰਘਰਸ਼ ਦੇ ਵਿਚਕਾਰ ਹੋਰ ਵਿਵਾਦਾਂ ਵਿੱਚ ਵੀ ਫਸਿਆ ਸੀ। ਹਾਲ ਹੀ ਵਿੱਚ ਉਸਨੇ ਡੇਵਾਲਡ ਬ੍ਰੇਵਿਸ 'ਤੇ ਵੀ ਟਿੱਪਣੀ ਕੀਤੀ, ਜਿੱਥੇ ਉਸਨੇ ਕਿਹਾ ਕਿ ਉਸਨੂੰ ਵਧੇਰੇ ਪੈਸੇ ਦਿੱਤੇ ਗਏ ਸਨ। ਬਾਅਦ ਵਿੱਚ ਉਸਨੇ ਇਸ ਮਾਮਲੇ ਵਿੱਚ ਸਪੱਸ਼ਟੀਕਰਨ ਦਿੱਤਾ।
ਅਸ਼ਵਿਨ ਨੇ ਆਈਪੀਐਲ ਕਰੀਅਰ 'ਚ ਝਟਕੀਆਂ 187 ਵਿਕਟਾਂ
38 ਸਾਲਾ ਆਫ ਸਪਿਨਰ ਅਸ਼ਵਿਨ ਨੇ 221 ਆਈਪੀਐਲ ਮੈਚਾਂ ਵਿੱਚ 187 ਵਿਕਟਾਂ ਲਈਆਂ। ਉਸਦਾ ਇਕਾਨਮੀ ਰੇਟ 7.20 ਸੀ। ਉਸਦੀ ਸਭ ਤੋਂ ਵਧੀਆ ਗੇਂਦਬਾਜ਼ੀ 4/34 ਸੀ। ਇਸ ਤੋਂ ਇਲਾਵਾ, ਉਸਨੇ 98 ਪਾਰੀਆਂ ਵਿੱਚ 833 ਦੌੜਾਂ ਬਣਾਈਆਂ। ਸਭ ਤੋਂ ਵੱਧ ਸਕੋਰ 50 ਸੀ। ਅਸ਼ਵਿਨ ਇੰਡੀਅਨ ਪ੍ਰੀਮੀਅਰ ਲੀਗ ਵਿੱਚ 5 ਟੀਮਾਂ ਲਈ ਖੇਡ ਚੁੱਕਾ ਹੈ। ਉਹ ਚੇਨਈ ਸੁਪਰ ਕਿੰਗਜ਼, ਪੰਜਾਬ ਕਿੰਗਜ਼, ਦਿੱਲੀ ਕੈਪੀਟਲਜ਼, ਰਾਜਸਥਾਨ ਰਾਇਲਜ਼ ਅਤੇ ਰਾਈਜ਼ਿੰਗ ਪੁਣੇ ਸੁਪਰਜਾਇੰਟਸ ਲਈ ਖੇਡਿਆ। ਉਸਨੇ ਟੂਰਨਾਮੈਂਟ ਵਿੱਚ ਪੰਜਾਬ ਦੀ ਕਪਤਾਨੀ ਵੀ ਕੀਤੀ।
ਅਸ਼ਵਿਨ ਨੇ ਆਪਣੀ ਆਈਪੀਐਲ ਰਿਟਾਇਰਮੈਂਟ ਪੋਸਟ ਵਿੱਚ ਕੀ ਲਿਖਿਆ?
ਚੇਨਈ ਸੁਪਰ ਕਿੰਗਜ਼ 'ਤੇ ਹਾਲ ਹੀ ਵਿੱਚ ਦਿੱਤੇ ਗਏ ਕਈ ਵਿਵਾਦਪੂਰਨ ਬਿਆਨਾਂ ਤੋਂ ਬਾਅਦ, ਇਹ ਮੰਨਿਆ ਜਾ ਰਿਹਾ ਸੀ ਕਿ ਅਸ਼ਵਿਨ ਦਾ ਕਰੀਅਰ ਆਈਪੀਐਲ ਵਿੱਚ ਜ਼ਿਆਦਾ ਦੇਰ ਨਹੀਂ ਚੱਲੇਗਾ। ਇਸ ਤੋਂ ਬਾਅਦ, ਅਸ਼ਵਿਨ ਨੇ ਬੁੱਧਵਾਰ (27 ਅਗਸਤ) ਨੂੰ ਸੋਸ਼ਲ ਮੀਡੀਆ 'ਤੇ ਇਸਦਾ ਐਲਾਨ ਕੀਤਾ। ਅਸ਼ਵਿਨ ਨੇ ਆਪਣੀ ਰਿਟਾਇਰਮੈਂਟ ਪੋਸਟ ਵਿੱਚ ਲਿਖਿਆ - ਅੱਜ ਮੇਰੇ ਲਈ ਇੱਕ ਖਾਸ ਦਿਨ ਹੈ ਅਤੇ ਇਸ ਲਈ ਇੱਕ ਨਵੀਂ ਸ਼ੁਰੂਆਤ ਵੀ, ਇਹ ਕਿਹਾ ਜਾਂਦਾ ਹੈ ਕਿ ਹਰ ਅੰਤ ਇੱਕ ਨਵੀਂ ਸ਼ੁਰੂਆਤ ਲਿਆਉਂਦਾ ਹੈ, ਮੇਰਾ ਆਈਪੀਐਲ ਕਰੀਅਰ ਹੁਣ ਖਤਮ ਹੋ ਰਿਹਾ ਹੈ, ਪਰ ਹੁਣ ਮੈਂ ਦੁਨੀਆ ਦੀਆਂ ਵੱਖ-ਵੱਖ ਲੀਗਾਂ ਵਿੱਚ ਕ੍ਰਿਕਟ ਦਾ ਇੱਕ ਨਵਾਂ ਸਫ਼ਰ ਸ਼ੁਰੂ ਕਰ ਰਿਹਾ ਹਾਂ ????।
ਮੈਂ ਸਾਰੀਆਂ ਫ੍ਰੈਂਚਾਇਜ਼ੀ ਦਾ ਧੰਨਵਾਦੀ ਹਾਂ, ਜਿਨ੍ਹਾਂ ਨੇ ਮੈਨੂੰ ਯਾਦਗਾਰੀ ਪਲ ਅਤੇ ਰਿਸ਼ਤੇ ਦਿੱਤੇ। ਸਭ ਤੋਂ ਵੱਧ @IPL ਅਤੇ @BCCI ਦਾ ਧੰਨਵਾਦ, ਜਿਨ੍ਹਾਂ ਨੇ ਮੈਨੂੰ ਹੁਣ ਤੱਕ ਬਹੁਤ ਕੁਝ ਦਿੱਤਾ ਹੈ। ਆਉਣ ਵਾਲੇ ਸਮੇਂ ਦਾ ਆਨੰਦ ਲੈਣ ਲਈ ਉਤਸੁਕ ਹਾਂ।
- PTC NEWS
