Silver Cleaning Tips: ਚਾਂਦੀ ਦੇ ਗਹਿਣਿਆਂ ਤੋਂ ਕਾਲੇਪਨ ਨੂੰ ਦੂਰ ਕਰਨ 'ਚ ਲਾਹੇਵੰਦ ਹਨ ਇਹ ਘਰੇਲੂ ਨੁਸਖੇ

Silver Cleaning Tips: ਕਈ ਵਾਰ ਘਰ ਵਿੱਚ ਰੱਖੇ ਚਾਂਦੀ ਦੇ ਗਹਿਣੇ, ਭਾਂਡੇ ਜਾਂ ਚਾਂਦੀ ਦੀਆਂ ਮੂਰਤੀਆਂ ਕਾਲੀਆਂ ਹੋ ਜਾਂਦੀਆਂ ਹਨ, ਜੋ ਕਿ ਬਹੁਤ ਹੀ ਬਦਸੂਰਤ ਲੱਗਦੀਆਂ ਹਨ। ਇਨ੍ਹਾਂ ਚੀਜ਼ਾਂ ਨੂੰ ਸਾਫ਼ ਕਰਨ ਲਈ ਲੋਕ ਕਈ ਤਰ੍ਹਾਂ ਦੇ ਉਪਾਅ ਅਪਣਾਉਂਦੇ ਹਨ। ਪਰ ਫਿਰ ਵੀ ਇਹ ਪਹਿਲਾਂ ਵਾਂਗ ਨਹੀਂ ਚਮਕਦਾ। 

ਅਜਿਹੇ 'ਚ ਲੋਕ ਉਨ੍ਹਾਂ ਨੂੰ ਚਮਕਾਉਣ ਲਈ ਸੁਨਿਆਰੇ ਕੋਲ ਲੈ ਜਾਂਦੇ ਹਨ। ਪਰ, ਸੋਨੇ ਅਤੇ ਚਾਂਦੀ ਦੀਆਂ ਵਸਤੂਆਂ ਨੂੰ ਪਾਲਿਸ਼ ਕਰਨ ਲਈ ਸੁਨਿਆਰੇ ਕੋਲ ਲੈ ਜਾਣ ਦਾ ਮਤਲਬ ਹੈ ਕਿ ਚਾਂਦੀ ਅਤੇ ਪੈਸਾ ਦੋਹਾਂ ਦੀ ਠੱਗੀ ਹੋਣਾ। ਅਜਿਹੇ 'ਚ ਜੇਕਰ ਤੁਸੀਂ ਚਾਹੋ ਤਾਂ ਘਰ 'ਚ ਹੀ ਕੁਝ ਆਸਾਨ ਨੁਸਖੇ ਦੀ ਮਦਦ ਨਾਲ ਆਪਣੇ ਚਾਂਦੀ ਦੇ ਗਹਿਣਿਆਂ, ਭਾਂਡੇ ਜਾਂ ਸਿੱਕਿਆਂ ਨੂੰ ਫਿਰ ਤੋਂ ਬਿਲਕੁਲ ਨਵੇਂ ਵਾਂਗ ਚਮਕਾ ਸਕਦੇ ਹੋ। ਇਸ ਦੇ ਲਈ ਤੁਹਾਨੂੰ ਜ਼ਿਆਦਾ ਮਿਹਨਤ ਨਹੀਂ ਕਰਨੀ ਪਵੇਗੀ। ਆਓ ਜਾਣਦੇ ਹਾਂ ਇਨ੍ਹਾਂ ਆਸਾਨ ਨੁਸਖ਼ਿਆਂ ਬਾਰੇ।

ਟੂੱਥਪੇਸਟ ਨਾਲ ਸਾਫ਼ ਕਰੋ : 

ਚਾਂਦੀ ਦੀਆਂ ਚੀਜ਼ਾਂ ਨੂੰ ਟੂਥਪੇਸਟ ਨਾਲ ਸਾਫ਼ ਕੀਤਾ ਜਾ ਸਕਦਾ ਹੈ, ਇਸ ਦੇ ਲਈ ਪਹਿਲਾਂ ਚਾਂਦੀ 'ਤੇ ਟੁੱਥਪੇਸਟ ਲਗਾਓ ਅਤੇ ਫਿਰ 15 ਮਿੰਟ ਲਈ ਰੱਖੋ। 15 ਮਿੰਟ ਬਾਅਦ, ਟੁੱਥਬ੍ਰਸ਼ ਦੀ ਮਦਦ ਨਾਲ ਚਾਂਦੀ ਦੇ ਬਰਤਨ ਨੂੰ ਰਗੜੋ ਅਤੇ ਅੰਤ ਵਿੱਚ ਚਾਂਦੀ ਦੇ ਬਰਤਨ ਨੂੰ ਸਾਫ਼ ਪਾਣੀ ਨਾਲ ਧੋਵੋ, ਫਿਰ ਸੁੱਕੇ ਕੱਪੜੇ ਨਾਲ ਪੂੰਝੋ। ਇਹ ਤੁਹਾਡੇ ਚਾਂਦੀ ਦੇ ਭਾਂਡਿਆਂ ਨੂੰ ਨਵੇਂ ਜਿੰਨਾ ਵਧੀਆ ਛੱਡ ਦੇਵੇਗਾ।

ਨਿੰਬੂ ਨਾਲ ਸਾਫ਼ ਕਰੋ : 

ਤੁਸੀਂ ਨਿੰਬੂ ਦੀ ਮਦਦ ਨਾਲ ਚਾਂਦੀ ਦੀਆਂ ਚੀਜ਼ਾਂ ਨੂੰ ਵੀ ਸਾਫ਼ ਕਰ ਸਕਦੇ ਹੋ, ਇਸ ਦੇ ਲਈ ਬੇਕਿੰਗ ਸੋਡੇ ਵਿੱਚ ਨਿੰਬੂ ਦਾ ਰਸ ਮਿਲਾ ਕੇ ਪੇਸਟ ਬਣਾ ਲਓ ਅਤੇ ਫਿਰ ਇਸ ਨੂੰ ਚਾਂਦੀ ਦੀਆਂ ਚੀਜ਼ਾਂ 'ਤੇ ਰਗੜੋ। ਅਜਿਹਾ ਕਰਨ ਨਾਲ ਚਾਂਦੀ ਦੀਆਂ ਚੀਜ਼ਾਂ ਪਹਿਲਾਂ ਵਾਂਗ ਚਮਕਣ ਲੱਗ ਜਾਣਗੀਆਂ।

ਚਿੱਟਾ ਸਿਰਕਾ : 

ਚਾਂਦੀ ਦੀਆਂ ਚੀਜ਼ਾਂ ਨੂੰ ਸਾਫ਼ ਕਰਨ ਲਈ ਚਿੱਟਾ ਸਿਰਕਾ ਇੱਕ ਵਧੀਆ ਕਲੀਜ਼ਰ ਹੈ। ਇਸ ਦੇ ਲਈ ਗਰਮ ਪਾਣੀ 'ਚ ਸਫੇਦ ਸਿਰਕਾ ਪਾਓ ਅਤੇ ਉਸ 'ਚ ਨਮਕ ਪਾਓ ਅਤੇ ਚਾਂਦੀ ਦੇ ਸਮਾਨ ਪਾ ਦਿਓ। ਫਿਰ 15 ਮਿੰਟ ਇੰਤਜ਼ਾਰ ਕਰੋ ਅਤੇ ਇਸ ਤੋਂ ਬਾਅਦ ਚਾਂਦੀ ਦੀਆਂ ਚੀਜ਼ਾਂ ਨੂੰ ਬਾਹਰ ਕੱਢ ਕੇ ਕੱਪੜੇ ਦੀ ਮਦਦ ਨਾਲ ਸਾਫ਼ ਕਰੋ ਅਤੇ ਸਾਫ਼ ਪਾਣੀ ਨਾਲ ਧੋ ਲਓ। ਇਸ ਨਾਲ ਚਾਂਦੀ ਚਮਕਦਾਰ ਹੋ ਜਾਵੇਗੀ।

ਬੇਕਿੰਗ ਸੋਡੇ ਨਾਲ ਸਾਫ਼ ਕਰੋ : 

ਇਸ ਦੇ ਲਈ ਪਹਿਲਾਂ ਬੇਕਿੰਗ ਸੋਡੇ 'ਚ ਚਿੱਟੇ ਸਿਰਕੇ ਨੂੰ ਮਿਲਾ ਕੇ ਪੇਸਟ ਤਿਆਰ ਕਰੋ ਅਤੇ ਫਿਰ ਇਸ ਨੂੰ ਨਰਮ ਕੱਪੜੇ ਨਾਲ ਚਾਂਦੀ 'ਤੇ ਲਗਾਓ। ਫਿਰ ਇਸ ਨੂੰ ਸਾਫ਼ ਕਰਨ ਲਈ ਚਾਂਦੀ ਨੂੰ ਹੌਲੀ-ਹੌਲੀ ਰਗੜੋ। ਅਜਿਹੇ 'ਚ ਤੁਸੀਂ ਦੇਖੋਗੇ ਕਿ ਚਾਂਦੀ ਦੀ ਚੀਜ਼ ਸਾਫ਼ ਹੋ ਰਹੀ ਹੈ ਅਤੇ ਉਸ ਤੋਂ ਬਾਅਦ ਉਸ ਨੂੰ ਸਾਫ਼ ਪਾਣੀ ਨਾਲ ਧੋ ਲਓ।

ਸਾਬਣ ਨਾਲ ਸਾਫ਼ ਕਰੋ : 

ਚਾਂਦੀ ਦੀਆਂ ਚੀਜ਼ਾਂ ਦੇ ਕਾਲੇਪਨ ਨੂੰ ਸਾਫ਼ ਕਰਨ ਲਈ ਤੁਸੀਂ ਸ਼ੈਂਪੂ ਜਾਂ ਡਿਸ਼ ਸਾਬਣ ਦੀ ਵੀ ਵਰਤੋਂ ਕਰ ਸਕਦੇ ਹੋ। ਇਸ ਦੇ ਲਈ 2 ਕੱਪ ਗਰਮ ਪਾਣੀ 'ਚ 2 ਚਮਚ ਡਿਸ਼ ਸਾਬਣ ਤਰਲ ਪਦਾਰਥ ਪਾਓ ਅਤੇ ਫਿਰ ਇਸ 'ਚ ਪਈ ਚਾਂਦੀ ਦੀ ਚੀਜ਼ ਨੂੰ 10 ਮਿੰਟ ਲਈ ਛੱਡ ਦਿਓ ਅਤੇ 10 ਮਿੰਟ ਬਾਅਦ ਟੂੱਥਬਰਸ਼ ਦੀ ਮਦਦ ਨਾਲ ਰਗੜ ਕੇ ਚਾਂਦੀ ਨੂੰ ਸਾਫ ਕਰੋ। ਅਜਿਹੇ 'ਚ ਤੁਸੀਂ ਦੇਖੋਗੇ ਕਿ ਚਾਂਦੀ ਦਾ ਕਾਲਾਪਨ ਦੂਰ ਹੋ ਗਿਆ ਹੈ।

-ਲੇਖਕ ਸਚਿਨ ਜਿੰਦਲ ਦੇ ਸਹਿਯੋਗ ਨਾਲ

ਇਹ ਵੀ ਪੜ੍ਹੋ: Tips for Diabetes Patients: ਹਰ ਰੋਜ਼ ਕਰੋ ਇਹ 10 ਕੰਮ ਤੁਹਾਡਾ ਕੰਟਰੋਲ ’ਚ ਰਹੇਗਾ Blood Sugar

- PTC NEWS