ਇਸ਼ਨਾਨ ਵੇਲੇ ਪਾਣੀ 'ਚ ਮਿਲਾਉ ਨਿੰਬੂ ਦਾ ਰਸ, ਕਰੇਗਾ ਕੁਦਰਤੀ ਕਲੀਜ਼ਰ ਦਾ ਕੰਮ
ਪੀਟੀਸੀ ਨਿਊਜ਼ ਡੈਸਕ: ਨਿੰਬੂ ਦਾ ਰਸ (Lemon Juice) ਕਈ ਤਰੀਕਿਆਂ ਨਾਲ ਵਰਤਿਆ ਜਾਂਦਾ ਹੈ। ਤੁਸੀਂ ਇਸ ਦਾ ਰਸ ਪੀ ਸਕਦੇ ਹੋ, ਚਿਹਰੇ ਅਤੇ ਵਾਲਾਂ 'ਤੇ ਲਗਾ ਸਕਦੇ ਹੋ। ਸਰਦੀਆਂ ਵਿੱਚ ਇਸ ਦੀ ਵਰਤੋਂ ਕਰਨ ਨਾਲ ਤੁਸੀਂ ਡੈਂਡਰਫ ਅਤੇ ਖਾਰਸ਼ ਤੋਂ ਬਚ ਸਕਦੇ ਹੋ। ਇਸ ਦੀ ਵਰਤੋਂ ਇਸ ਤੱਕ ਸੀਮਤ ਨਹੀਂ ਹੈ।
ਨਿੰਬੂ ਦੇ ਰਸ ਦੀ ਵਰਤੋਂ ਤੁਸੀਂ ਨਹਾਉਣ ਵਾਲੇ ਪਾਣੀ 'ਚ ਵੀ ਕਰ ਸਕਦੇ ਹੋ। ਸਰੀਰ ਵਿੱਚ ਵਧੇ ਹੋਏ ਯੂਰਿਕ ਐਸਿਡ ਨੂੰ ਸੰਤੁਲਿਤ ਕਰਨ ਲਈ ਇਸ ਦੇ ਬੀਜਾਂ ਦਾ ਸੇਵਨ ਕਰਨ ਦੀ ਵੀ ਸਲਾਹ ਦਿੱਤੀ ਜਾਂਦੀ ਹੈ।
/ptc-news/media/media_files/kUfsngwF9wXfcenbS6NO.jpg)
ਜੇਕਰ ਤੁਸੀਂ ਨਹਾਉਣ ਵਾਲੇ ਪਾਣੀ 'ਚ ਨਿੰਬੂ ਦੇ ਰਸ ਦੀ ਵਰਤੋਂ ਕਰਦੇ ਹੋ ਤਾਂ ਇਸ ਨਾਲ ਸਰੀਰ ਅਤੇ ਚਿਹਰੇ 'ਤੇ ਮੁਹਾਸੇ ਘੱਟ ਹੋਣਗੇ। ਇਹ ਦਾਦ ਅਤੇ ਖੁਜਲੀ ਤੋਂ ਬਚਾਉਣ ਵਿੱਚ ਮਦਦ ਕਰਦਾ ਹੈ। ਜੇਕਰ ਤੁਸੀਂ ਇਸ ਦੇ ਰਸ ਨੂੰ ਪਾਣੀ 'ਚ ਮਿਲਾ ਕੇ ਇਸ਼ਨਾਨ ਕਰੋਗੇ ਤਾਂ ਤੁਸੀਂ ਹੋਣ ਵਾਲਿਆਂ ਅਨੇਕਾਂ ਚਮੜੀ ਦੀ ਸਮੱਸਿਆ ਤੋਂ ਬੱਚ ਸਕਦੇ ਹੋ।
ਇਹ ਰਸ ਕਲੀਨਜ਼ਰ ਦੀ ਤਰ੍ਹਾਂ ਕੰਮ ਕਰਦਾ ਹੈ। ਇਸ 'ਚ ਵਿਟਾਮਿਨ ਸੀ ਹੁੰਦਾ ਹੈ, ਜੋ ਚਮੜੀ ਨੂੰ ਗਹਿਰਾਈ 'ਚ ਜਾ ਕੇ ਸਾਫ਼ ਕਰਦਾ ਹੈ। ਨਿੰਬੂ ਦਾ ਰਸ ਖੁੱਲ੍ਹੇ ਪੋਰਸ ਨੂੰ ਸਾਫ਼ ਕਰਨ ਵਿੱਚ ਮਦਦ ਕਰਦਾ ਹੈ। ਇਸ ਨਾਲ ਨਹਾਉਣ ਨਾਲ ਸਰੀਰ ਦੀ ਬਦਬੂ ਵੀ ਦੂਰ ਰਹਿੰਦੀ ਹੈ।
/ptc-news/media/media_files/v9rpDcVFebUbDmKSqBfv.jpg)
ਨਿੰਬੂ ਵਿੱਚ ਏ, ਬੀ ਅਤੇ ਸੀ ਵਿਟਾਮਿਨ ਭਰਪੂਰ ਮਾਤਰਾ ਵਿੱਚ ਹੁੰਦੇ ਹਨ। ਇਸ ਵਿੱਚ ਪੋਟਾਸ਼ੀਅਮ, ਆਇਰਨ, ਸੋਡੀਅਮ, ਮੈਗਨੀਸ਼ੀਅਮ, ਤਾਂਬਾ, ਫਾਸਫੋਰਸ ਅਤੇ ਕਲੋਰੀਨ ਹੁੰਦਾ ਹੈ। ਇਸ ਤੋਂ ਇਲਾਵਾ ਪ੍ਰੋਟੀਨ, ਫੈਟ ਅਤੇ ਕਾਰਬੋਹਾਈਡਰੇਟ ਵੀ ਕਾਫੀ ਮਾਤਰਾ 'ਚ ਮੌਜੂਦ ਹੁੰਦੇ ਹਨ।
ਬੇਦਾਅਵਾ: ਇਹ ਸਮੱਗਰੀ, ਸਲਾਹ ਸਮੇਤ, ਸਿਰਫ਼ ਆਮ ਜਾਣਕਾਰੀ ਪ੍ਰਦਾਨ ਕਰਦੀ ਹੈ। ਇਹ ਕਿਸੇ ਵੀ ਤਰ੍ਹਾਂ ਯੋਗ ਡਾਕਟਰੀ ਰਾਏ ਦਾ ਬਦਲ ਨਹੀਂ ਹੈ। ਵਧੇਰੇ ਜਾਣਕਾਰੀ ਲਈ ਹਮੇਸ਼ਾਂ ਕਿਸੇ ਮਾਹਰ ਜਾਂ ਆਪਣੇ ਡਾਕਟਰ ਨਾਲ ਸਲਾਹ ਕਰੋ।
-
