ਮਾਂ ਸ਼ੈਲਪੁੱਤਰੀ ਦੀ ਪੂਜਾ ਨਾਲ ਸ਼ੁਰੂ ਹੋਏ ਨਰਾਤੇ, ਜਾਣੋ ਕਲਸ਼ ਸਥਾਪਨਾ ਦਾ ਸ਼ੁਭ ਮਹੂਰਤ, ਪੂਜਾ ਵਿਧੀ ਤੇ ਮੰਤਰ
Maa Shelputri pooja: ਨਰਾਤੇ ਸ਼ੁਰੂ (Chaitra Navratri 2024 1st Day) ਹੋ ਗਏ ਹਨ, ਜਿਨ੍ਹਾਂ ਦਾ ਹਿੰਦੂ ਧਰਮ ਵਿੱਚ ਆਪਣਾ ਹੀ ਵਿਸ਼ੇਸ਼ ਮਹੱਤਵ ਹੈ। ਇਨ੍ਹਾਂ ਦਿਨਾਂ ਦੌਰਾਨ ਆਦਿਸ਼ਕਤੀ ਮਾਂ ਦੁਰਗਾ ਦੇ ਵੱਖ-ਵੱਖ ਰੂਪਾਂ ਦੀ ਪੂਜਾ ਕੀਤੀ ਜਾਂਦੀ ਹੈ। ਅੱਜ ਪਹਿਲੇ ਦਿਨ ਦੇਵੀ ਦੇ ਸ਼ੈਲਪੁਤਰੀ ਅਵਤਾਰ ਦੀ ਪੂਜਾ ਕੀਤੀ ਜਾਂਦੀ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਰੀਤੀ-ਰਿਵਾਜਾਂ ਅਨੁਸਾਰ ਮਾਂ ਆਦਿਸ਼ਕਤੀ ਦੀ ਪੂਜਾ ਕਰਨ ਨਾਲ ਸਾਡੇ ਦੁੱਖ ਦੂਰ ਹੁੰਦੇ ਹਨ ਅਤੇ ਮਾਤਾ ਦਾ ਵਿਸ਼ੇਸ਼ ਆਸ਼ੀਰਵਾਦ ਵੀ ਬਰਕਰਾਰ ਰਹਿੰਦਾ ਹੈ। ਤੁਸੀ ਮਾਂ ਸ਼ੈਲਪੁਤਰੀ ਦੀ ਪੂਜਾ ਕਦੋਂ ਅਤੇ ਕਿਵੇਂ ਕਰਨੀ ਹੈ ਅਤੇ ਕਲਸ਼ ਦੀ ਸਥਾਪਨਾ ਲਈ ਮੰਤਰ ਅਤੇ ਸ਼ੁਭ ਸਮਾਂ ਦੀ ਜਾਣਕਾਰੀ ਇਥੇ ਪੜ੍ਹ ਸਕਦੇ ਹੋ।
ਮਾਂ ਸ਼ੈਲਪੁਤਰੀ: ਇੱਕ ਕਥਾ ਅਨੁਸਾਰ ਮਾਂ ਸ਼ੈਲਪੁਤਰੀ ਦਾ ਜਨਮ ਪਹਾੜੀ ਰਾਜੇ ਹਿਮਾਲਿਆ ਦੇ ਘਰ ਹੋਇਆ ਸੀ, ਜਿਸ ਕਾਰਨ ਉਨ੍ਹਾਂ ਦਾ ਨਾਂ ਸ਼ੈਲਪੁਤਰੀ ਰੱਖਿਆ ਗਿਆ। ਸ਼ੈਲਪੁਤਰੀ ਨੇ ਭਗਵਾਨ ਸ਼ਿਵ ਨੂੰ ਆਪਣੇ ਪਤੀ ਵਜੋਂ ਪ੍ਰਾਪਤ ਕਰਨ ਲਈ ਕਠੋਰ ਤਪੱਸਿਆ ਕੀਤੀ ਸੀ। ਸਖ਼ਤ ਤਪੱਸਿਆ ਤੋਂ ਬਾਅਦ ਭਗਵਾਨ ਸ਼ਿਵ ਪ੍ਰਗਟ ਹੋਏ ਅਤੇ ਉਨ੍ਹਾਂ ਨੂੰ ਵਰਦਾਨ ਦਿੱਤਾ। ਮਾਂ ਦੇ ਇਸ ਰੂਪ ਨੂੰ ਦਇਆ, ਧੀਰਜ ਅਤੇ ਪਿਆਰ ਦਾ ਪ੍ਰਤੀਕ ਮੰਨਿਆ ਗਿਆ ਹੈ। ਮਾਂ ਸ਼ੈਲਪਤਰੀ ਦੀ ਪੂਜਾ ਕਰਨ ਨਾਲ ਕੁੜੀਆਂ ਨੂੰ ਉਨ੍ਹਾਂ ਦੀ ਇੱਛਾ ਅਨੁਸਾਰ ਪਤੀ ਮਿਲਦਾ ਹੈ ਅਤੇ ਉਨ੍ਹਾਂ ਦਾ ਵਿਆਹੁਤਾ ਜੀਵਨ ਵੀ ਸਫਲ ਰਹਿੰਦਾ ਹੈ।
ਨਰਾਤਿਆਂ ਦੇ ਪਹਿਲੇ ਦਿਨ ਕਲਸ਼ ਦੀ ਸਥਾਪਨਾ ਕੀਤੀ ਜਾਂਦੀ ਹੈ। ਕਲਸ਼ ਸਥਾਪਿਤ ਕਰਨ ਦਾ ਸ਼ੁਭ ਸਮਾਂ ਸਵੇਰ ਦਾ ਹੈ। ਪਹਿਲਾ ਸ਼ੁਭ ਸਮਾਂ 9 ਅਪ੍ਰੈਲ, 2024 ਨੂੰ ਸਵੇਰੇ 06:11 ਤੋਂ ਸਵੇਰੇ 10:23 ਤੱਕ ਹੋਵੇਗਾ।
ਦੂਜਾ ਸ਼ੁਭ ਸਮਾਂ 9 ਅਪ੍ਰੈਲ, 2024 ਨੂੰ ਸਵੇਰੇ 11:57 ਤੋਂ 12:48 ਤੱਕ ਅਭਿਜੀਤ ਮੁਹੂਰਤ ਹੋਵੇਗਾ। ਮੰਨਿਆ ਜਾਂਦਾ ਹੈ ਕਿ ਪਹਿਲੇ ਦਿਨ ਅਭਿਜੀਤ ਮੁਹੂਰਤ ਵਿੱਚ ਕਲਸ਼ ਦੀ ਸਥਾਪਨਾ ਕਰਨਾ ਬਹੁਤ ਸ਼ੁਭ ਹੈ।
ਮਾਂ ਸ਼ੈਲਪੁੱਤਰੀ ਨੂੰ ਖੁਸ਼ ਕਰਨ ਲਈ ਇਸ ਮੰਤਰ ਦਾ ਜਾਪ ਕਰੋ
ਓਮ ਦੇਵੀ ਸ਼ੈਲਪੁਤ੍ਰ੍ਯੈ ਨਮਹ ਹ੍ਰੀਂ ਸ਼ਿਵਾਯ ਨਮ: ਵਨ੍ਦੇ ਵਂਚਿਤ੍ਲਭਯ ਚਨ੍ਦ੍ਰਾਰ੍ਧਕ੍ਰਿਤਸ਼ੇਖਰਮ੍ ।
ਵਰਸ਼ਾਰੂੜਾਂ ਸ਼ੂਲਧਰਾਂ ਸ਼ੈਲਪੁੱਤਰੀ ਯਸ਼ਸਿਵਨੀਮ੍ ॥
-
