PM ਮੋਦੀ ਨੇ ਵਰਲਡ ਫੂਡ ਇੰਡੀਆ ਦਾ ਕੀਤਾ ਉਦਘਾਟਨ
ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਨਵੀਂ ਦਿੱਲੀ ਦੇ ਪ੍ਰਗਤੀ ਮੈਦਾਨ ਵਿੱਚ ਭਾਰਤ ਮੰਡਪਮ ਵਿੱਚ ਇੱਕ ਪ੍ਰਮੁੱਖ ਭੋਜਨ ਪ੍ਰੋਗਰਾਮ ‘ਵਰਲਡ ਫੂਡ ਇੰਡੀਆ-2023’ (World Food India-2023) ਦੇ ਦੂਜੇ ਸੰਸਕਰਨ ਦਾ ਉਦਘਾਟਨ ਕੀਤਾ। ਪ੍ਰਧਾਨ ਮੰਤਰੀ ਮੋਦੀ ਨੇ ਸਵੈ-ਸਹਾਇਤਾ ਸਮੂਹਾਂ (Self Help Groups) ਨੂੰ ਮਜ਼ਬੂਤ ਕਰਨ ਦੇ ਉਦੇਸ਼ ਨਾਲ ਇੱਕ ਲੱਖ ਤੋਂ ਵੱਧ SHG ਮੈਂਬਰਾਂ ਨੂੰ ਬੀਜ ਪੂੰਜੀ ਸਹਾਇਤਾ ਪ੍ਰਦਾਨ ਕਰਨਾ ਵੀ ਸ਼ੁਰੂ ਕੀਤਾ। ਪੀ.ਐੱਮ ਮੋਦੀ ਦੁਆਰਾ ਦਿੱਤੀ ਗਈ ਇਹ ਸਹਾਇਤਾ SHGs ਨੂੰ ਬਿਹਤਰ ਪੈਕੇਜਿੰਗ ਅਤੇ ਗੁਣਵੱਤਾ ਵਾਲੇ ਉਤਪਾਦਾਂ ਦੇ ਮਾਧਿਅਮ ਨਾਲ ਬਾਜ਼ਾਰ ਵਿੱਚ ਬਿਹਤਰ ਕੀਮਤਾਂ ਪ੍ਰਾਪਤ ਕਰਨ ਵਿੱਚ ਮਦਦ ਕਰੇਗੀ। ਪ੍ਰਧਾਨ ਮੰਤਰੀ ਮੋਦੀ ਨੇ ਵਰਲਡ ਫੂਡ ਇੰਡੀਆ 2023 ਦੇ ਹਿੱਸੇ ਵਜੋਂ ਫੂਡ ਸਟਰੀਟ ਦਾ ਉਦਘਾਟਨ ਵੀ ਕੀਤਾ।
_fb8350e8a2d08ec661aa334baedc4838_1280X720_798761a511710e8ad157a2fc6898f008_1280X720.webp)
ਪ੍ਰਧਾਨ ਮੰਤਰੀ ਮੋਦੀ ਨੇ ਦਿੱਲੀ ਵਿੱਚ ‘ਵਰਲਡ ਫੂਡ ਇੰਡੀਆ 2023’ ਦੇ ਉਦਘਾਟਨ ਮੌਕੇ 1 ਲੱਖ ਤੋਂ ਵੱਧ SHG ਮੈਂਬਰਾਂ ਨੂੰ 380 ਕਰੋੜ ਰੁਪਏ ਦੀ ਸ਼ੁਰੂਆਤੀ ਪੂੰਜੀ ਸਹਾਇਤਾ ਦੀ ਵੰਡ ਦੀ ਪ੍ਰਕਿਰਿਆ ਵੀ ਸ਼ੁਰੂ ਕੀਤੀ। ਉਨ੍ਹਾਂ ਕਿਹਾ ਕਿ ਟੈਸਟ ਅਤੇ ਤਕਨਾਲੋਜੀ ਦਾ ਇਹ ਸੰਯੋਜਨ ਇੱਕ ਨਵੇਂ ਭਵਿੱਖ ਨੂੰ ਜਨਮ ਦੇਵੇਗਾ ਅਤੇ ਇੱਕ ਨਵੀਂ ਆਰਥਿਕਤਾ ਨੂੰ ਹੁਲਾਰਾ ਦੇਵੇਗਾ। ਅੱਜ ਦੇ ਬਦਲਦੇ ਸੰਸਾਰ ਵਿੱਚ ਭੋਜਨ ਸੁਰੱਖਿਆ 21ਵੀਂ ਸਦੀ ਦੀਆਂ ਸਭ ਤੋਂ ਮਹੱਤਵਪੂਰਨ ਚੁਣੌਤੀਆਂ ਵਿੱਚੋਂ ਇੱਕ ਹੈ। ਇਸ ਲਈ ਵਰਲਡ ਫੂਡ ਇੰਡੀਆ ਦਾ ਇਹ ਸਮਾਗਮ ਹੋਰ ਵੀ ਅਹਿਮ ਹੋ ਗਿਆ ਹੈ।
ਇਸ ਵਿੱਚ ਖੇਤਰੀ ਪਕਵਾਨ ਅਤੇ ਸ਼ਾਹੀ ਭੋਜਨ ਦੀ ਵਿਰਾਸਤ ਨੂੰ ਦਿਖਾਇਆ ਜਾਵੇਗਾ। 200 ਤੋਂ ਵੱਧ ਸ਼ੈੱਫ ਇਸ ਵਿੱਚ ਹਿੱਸਾ ਲੈਣਗੇ ਅਤੇ ਰਵਾਇਤੀ ਭਾਰਤੀ ਪਕਵਾਨ ਪੇਸ਼ ਕਰਨਗੇ, ਜੋ ਲੋਕਾਂ ਨੂੰ ਵਧੀਆ ਰਸੋਈ ਕਲਾ ਦਾ ਅਨੁਭਵ ਪ੍ਰਦਾਨ ਕਰਨਗੇ। ‘ਵਰਲਡ ਫੂਡ ਇੰਡੀਆ 2023’ ਪ੍ਰੋਗਰਾਮ ਦਾ ਉਦੇਸ਼ ਭਾਰਤ ਨੂੰ ‘ਵਿਸ਼ਵ ਦੀ ਭੋਜਨ ਟੋਕਰੀ’ ਵਜੋਂ ਪੇਸ਼ ਕਰਨਾ ਅਤੇ 2023 ਨੂੰ ‘ਬਾਜਰੇ ਦੇ ਅੰਤਰਰਾਸ਼ਟਰੀ ਸਾਲ’ ਵਜੋਂ ਮਨਾਉਣਾ ਹੈ। ਇਹ ਇਵੈਂਟ ਸਰਕਾਰੀ ਸੰਸਥਾਵਾਂ, ਉਦਯੋਗ ਪੇਸ਼ੇਵਰਾਂ, ਕਿਸਾਨਾਂ, ਉੱਦਮੀਆਂ ਅਤੇ ਹੋਰ ਹਿੱਸੇਦਾਰਾਂ ਨੂੰ ਵਿਚਾਰ ਵਟਾਂਦਰੇ ਵਿੱਚ ਸ਼ਾਮਲ ਹੋਣ, ਭਾਈਵਾਲੀ ਸਥਾਪਤ ਕਰਨ ਅਤੇ ਖੇਤੀ-ਭੋਜਨ ਖੇਤਰ ਵਿੱਚ ਨਿਵੇਸ਼ ਦੇ ਮੌਕਿਆਂ ਦੀ ਖੋਜ ਕਰਨ ਲਈ ਇੱਕ ਨੈਟਵਰਕਿੰਗ ਅਤੇ ਵਪਾਰਕ ਪਲੇਟਫਾਰਮ ਪ੍ਰਦਾਨ ਕਰੇਗਾ। ਇਸ ਇਵੈਂਟ ਵਿੱਚ ਨਿਵੇਸ਼ ਅਤੇ ਭੋਜਨ ਖੇਤਰ ਵਿੱਚ ਕਾਰੋਬਾਰ ਸ਼ੁਰੂ ਕਰਨ ਦੀ ਸੌਖ ‘ਤੇ ਧਿਆਨ ਕੇਂਦ੍ਰਤ ਕਰਦੇ ਹੋਏ ਸੀਈਓ ਗੋਲਮੇਜ਼ ਮੀਟਿੰਗਾਂ ਸ਼ਾਮਲ ਹੋਣਗੀਆਂ।
- PTC NEWS
