Vulgar Content : ''ਮੈਂ ਅੰਮ੍ਰਿਤਪਾਲ ਸਿੰਘ ਮਹਿਰੋਂ ਦੇ ਨਾਲ...'' ਸ਼ਹੀਦ ਭਾਈ ਸਤਵੰਤ ਸਿੰਘ ਦਾ ਭਤੀਜੇ ਨੇ ਕਿਹਾ - ਅਸੀਂ Violation ਦੇ ਹੱਕ 'ਚ ਨਹੀਂ ਪਰ...
Vulgar Content : ਭਾਬੀ ਕਮਲ ਕੌਰ ਉਰਫ਼ ਕੰਚਨ ਕੁਮਾਰੀ ਦੇ ਕਤਲ ਮਾਮਲੇ 'ਚ ਪੰਜਾਬ ਪੁਲਿਸ ਵੱਲੋਂ ਅੰਮ੍ਰਿਤਪਾਲ ਸਿੰਘ ਮਹਿਰੋਂ ਦੇ ਦੋ ਸਾਥੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ, ਜਦਕਿ ਅੰਮ੍ਰਿਤਪਾਲ ਸਿੰਘ ਮਹਿਰੋਂ ਅਜੇ ਪੁਲਿਸ ਦੀ ਗ੍ਰਿਫ਼ਤ ਤੋਂ ਬਾਹਰ ਹੈ। ਉਧਰ, ਅਸ਼ਲੀਲ ਕੰਟੈਂਟ ਨਾਲ ਸਬੰਧਤ ਇਸ ਕਤਲ ਮਾਮਲੇ 'ਚ ਹੁਣ ਸ਼ਹੀਦ ਭਾਈ ਸਤਵੰਤ ਸਿੰਘ ਦੇ ਭਤੀਜੇ ਅਤੇ ਸੁਖਵਿੰਦਰ ਸਿੰਘ ਅਗਵਾਨ, ਮੁੱਖ ਸੇਵਾਦਾਰ ਗੁਰੂਦੁਆਰਾ ਯਾਦਗਾਰੀ ਸ਼ਹੀਦਾਂ ਨੇ ਅੰਮ੍ਰਿਤਪਾਲ ਸਿੰਘ ਮਹਿਰੋਂ ਦੀ ਅਸ਼ਲੀਲ ਕੰਟੈਂਟ ਖਿਲਾਫ਼ ਹਮਾਇਤ ਕੀਤੀ ਹੈ।
''ਅਸੀਂ ਵਾਇਓਲੇਸ਼ਨ ਦੇ ਹੱਕ ਵਿੱਚ ਨਹੀਂ...ਪਰ''
ਸੁਖਵਿੰਦਰ ਅਗਵਾਨ ਨੇ ਕਿਹਾ, ''ਕੱਲ ਇੱਕ ਔਰਤ ਜਿਸ ਦਾ ਨਾਮ ਕੰਚਨ ਕੁਮਾਰੀ ਉਰਫ ਕਮਲ ਕੌਰ ਸੀ ਉਸਦਾ ਕਤਲ ਸਿੰਘਾਂ ਦੁਆਰਾ ਕੀਤਾ ਗਿਐ। ਬੇਸ਼ੱਕ ਅਸੀਂ ਕਿਸੇ ਵੀ ਤਰ੍ਹਾਂ ਦੀ ਵੋਇਲੇਸ਼ਨ ਦੇ ਹੱਕ ਵਿੱਚ ਨਹੀਂ ਪਰ ਜਦੋਂ ਗੰਦ ਨੂੰ ਸਾਫ ਕਰਨਾ ਹੋਵੇ ਤਾਂ ਥੋੜੇ ਬਹੁਤੇ ਛਿੱਟੇ ਖੁਦ 'ਤੇ ਵੀ ਪੈ ਹੀ ਜਾਂਦੇ ਨੇ। ਜੇਕਰ ਅੱਜ ਸਿੰਘਾਂ ਨੂੰ ਇਹ ਕਦਮ ਚੁੱਕਣਾ ਪਿਆ ਤਾਂ ਉਹਦੇ ਲਈ ਜ਼ਿੰਮੇਵਾਰ ਸਮਾਜ ਦੇ ਕੁੱਝ ਲੱਚਰਬਿਰਤੀ ਦੇ ਲੋਕ ਹਨ ਤੇ ਜਾਂ ਫਿਰ ਸਭ ਤੋਂ ਵੱਡੀ ਜ਼ਿੰਮੇਵਾਰੀ ਪ੍ਰਸ਼ਾਸਨ ਦੀ ਬਣਦੀ ਏ। ਕਿਓਂਕਿ ਅਸਲ ਵਿੱਚ ਇਹਨਾਂ ਲੱਚਰ ਬਿਰਤੀ ਦੇ ਲੋਕਾਂ ਨੂੰ ਨੱਥ ਪਾਉਣ ਦਾ ਕੰਮ ਸਰਕਾਰ ਦਾ ਸੀ। ਪਰ ਸਰਕਾਰਾਂ ਇਸ ਪਾਸੇ ਵੱਲ ਧਿਆਨ ਹੀ ਨਹੀਂ ਦਿੰਦੀਆਂ।''
'ਅਸਲ ਕਰਾਈਮ ਲੱਚਰ ਮਾਨਸਿਕਤਾ ਵਿਚੋਂ ਹੀ ਪੈਦਾ ਹੁੰਦਾ'
ਉਸ ਨੇ ਅੱਗੇ ਕਿਹਾ, ''ਅਸਲ ਕਰਾਈਮ ਤਾਂ ਲੱਚਰ ਮਾਨਸਿਕਤਾ ਵਿੱਚੋਂ ਹੀ ਪੈਦਾ ਹੁੰਦਾ। ਇਸ ਘਟਨਾ ਤੋਂ ਉਹਨਾਂ ਲੋਕਾਂ ਨੂੰ ਸੇਧ ਲੈਣੀ ਚਾਹੀਦੀ ਏ ਜਿਹੜੇ ਇਹਨਾਂ ਲੋਕਾਂ ਨੂੰ ਸਮਾਗਮਾਂ ਵਿੱਚ ਬੁਲਾਉਂਦੇ ਨੇ ਅਤੇ ਸਾਡੇ ਬੱਚੇ ਬੱਚੀਆਂ ਦੇ ਸਿਰ ਤੇ ਐਹੋ ਜਿਹੇ ਕਿਰਦਾਰ ਮੜ੍ਹਦੇ ਨੇ, ਜੋ ਇਹਨਾਂ ਨੂੰ ਅੱਗੇ ਜਾ ਕੇ ਜਾਂ ਤਾਂ ਨਚਾਰ ਬਣਾਉਂਦਾ ਜਾ ਫਿਰ ਦੇਹ ਵਪਾਰ ਵੱਲ ਧੱਕਾ ਦਿੰਦਾ।''
''ਅੰਮ੍ਰਿਤਪਾਲ ਸਿੰਘ ਮਹਿਰੋਂ ਦੀ ਕੀਤੀ ਹਮਾਇਤ''
ਸੁਖਵਿੰਦਰ ਸਿੰਘ ਅਗਵਾਨ ਨੇ ਕਿਹਾ, ''ਮੈਂ ਅੰਮ੍ਰਿਤਪਾਲ ਸਿੰਘ ਮੇਹਰੋਂ ਦੇ ਨਾਲ ਹਾਂ ਤੇ ਮੈਨੂੰ ਲੱਗਦਾ ਕਿ ਉਹ ਸਾਰੇ ਲੋਕ ਮੇਹਰੋਂ ਦੇ ਨਾਲ ਹਨ, ਜਿਨ੍ਹਾਂ ਨੂੰ ਆਪਣੀਆਂ ਇੱਜ਼ਤਾਂ ਨਾਲ ਪਿਆਰ ਏ। ਧੀਆਂ ਭੈਣਾਂ ਸਭ ਦੇ ਆ ਪੁਲਿਸ ਮੁਲਾਜ਼ਮਾਂ ਦੇ ਵੀ ਹਨ ਤੇ ਉਹਨਾਂ ਨੂੰ ਵੀ ਭਾਈ ਸਾਬ ਦੇ ਅਹਿਸਾਨਮੰਦ ਹੋਣਾ ਚਾਹੀਦਾ।ਜਿੱਥੋਂ ਤੱਕ ਇੱਕ ਔਰਤ ਦੀ ਗੱਲ ਏ, ਤਾਂ ਅਡੈਂਟੀਕਾਰਡ ਸਿੱਖਾਂ ਨੇ ਨਾ ਇੰਦਰਾ ਵੇਲੇ ਵੇਖਿਆ ਸੀ ਤੇ ਨਾ ਅੱਗੇ ਵੇਖਣੇ ਆ। ਸਮਾਜ ਪ੍ਰਤੀ ਸੁਹਿਰਦ ਲੋਕੋ, ਤੁਹਾਡੇ ਅੱਗੇ ਹੱਥ ਜੋੜ ਕੇ ਬੇਨਤੀ ਏ ਕਿ ਤੁਸੀਂ ਆਪਣੇ ਪੰਜਾਬ ਰੂਪੀ ਵੇਹੜੇ ਅੰਦਰ ਕੰਡੇ ਨਾ ਬੀਜੋ। ਇਸ ਧਰਤੀ 'ਤੇ ਜੋ ਬੀਜੋਗੇ ਉਹੀ ਉੱਗੇਗਾ।''
- PTC NEWS
