Spotify layoffs: ਸਪੋਟੀਫਾਈ ਤੀਜੀ ਛਾਂਟੀ 'ਚ ਆਪਣੇ ਕਿੰਨ੍ਹੇ ਕਰਮਚਾਰੀਆਂ ਨੂੰ ਕੱਢੇਗੀ ਬਾਹਰ, ਇੱਥੇ ਜਾਣੋ
Spotify layoffs: ਜਿਵੇ ਤੁਸੀਂ ਜਾਣਦੇ ਹੋ ਕਿ ਅੱਜਕਲ ਕਰਮਚਾਰੀਆਂ ਦੀ ਛਾਂਟੀ ਦਾ ਦੌਰ ਚਲ ਰਿਹਾ ਹੈ ਅਜਿਹੇ 'ਚ ਹੁਣ ਮਿਊਜ਼ਿਕ ਸਟ੍ਰੀਮਿੰਗ ਵਾਲੀ ਕੰਪਨੀ ਸਪੋਟੀਫਾਈ ਆਪਣੀਆਂ ਲਾਗਤਾਂ ਨੂੰ ਘਟਾਉਣ ਅਤੇ ਮੁਨਾਫੇ ਨੂੰ ਵਧਾਉਣ ਲਈ ਦੁਨੀਆ ਭਰ ਦੇ ਲਗਭਗ 1,500 ਕਰਮਚਾਰੀਆਂ ਦੀ ਛਾਂਟੀ ਕਰੇਗੀ। ਤੁਹਾਨੂੰ ਦਸ ਦਈਏ ਕਿ ਇਸ ਸਾਲ ਸਪੋਟੀਫਾਈ ਦੀ ਇਹ ਤੀਜੀ ਛਾਂਟੀ ਹੋਵੇਗੀ। ਇਸ ਤੋਂ ਪਹਿਲਾਂ ਇਸ ਨੇ ਜਨਵਰੀ 'ਚ ਕੰਪਨੀ ਨੇ ਲਗਭਗ 6 ਫੀਸਦੀ ਕਰਮਚਾਰੀਆਂ ਦੀ ਛਾਂਟੀ ਦਾ ਐਲਾਨ ਕੀਤਾ ਸੀ ਅਤੇ ਜੂਨ 'ਚ ਦੋ ਫੀਸਦੀ ਕਰਮਚਾਰੀਆਂ ਦੀ ਛਾਂਟੀ ਕੀਤੀ ਗਈ ਸੀ। ਪਰ Spotify ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਨੇ ਸੋਮਵਾਰ ਨੂੰ ਕੰਪਨੀ ਦੇ ਬਲਾਗ 'ਤੇ 17 ਫੀਸਦੀ ਕਰਮਚਾਰੀਆਂ ਨੂੰ ਹਟਾਉਣ ਦੀ ਜਾਣਕਾਰੀ ਦਿੱਤੀ। ਅਤੇ ਉਨ੍ਹਾਂ ਨੇ ਕਿਹਾ ਕਿ ਨੌਕਰੀਆਂ 'ਚ ਇਹ ਕਟੌਤੀ ਇੱਕ ‘ਰਣਨੀਤੀ’ ਦੇ ਹਿੱਸੇ ਵਜੋਂ ਕੀਤੀ ਜਾ ਰਹੀ ਹੈ ਜਿਸ ਨਾਲ ਘੱਟ ਕਰਮਚਾਰੀਆਂ ਨਾਲ ਮੁਨਾਫੇ ’ਤੇ ਜ਼ੋਰ ਦਿੱਤਾ ਜਾਵੇਗਾ।
ਕੰਪਨੀ ਨੂੰ ਭਾਰੀ ਘਾਟਾ ਪੈ ਰਿਹਾ ਹੈ?
ਇਕ ਰਿਪਰੋਟ 'ਚ ਪਤਾ ਲੱਗਿਆ ਹੈ ਕਿ ਆਈਕੇ ਨੇ ਆਪਣੇ ਅਹੁਦੇ ਤੋਂ ਹਟਾਏ ਜਾਣ ਵਾਲੇ ਕਰਮਚਾਰੀਆਂ ਦੀ ਗਿਣਤੀ ਦਾ ਖੁਲਾਸਾ ਨਹੀਂ ਕੀਤਾ। ਪਰ ਕੰਪਨੀ ਦੇ ਬੁਲਾਰੇ ਨੇ ਪੁਸ਼ਟੀ ਕੀਤੀ ਕਿ ਦੁਨੀਆ ਭਰ ਵਿੱਚ ਲਗਭਗ 1,500 ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢਿਆ ਜਾ ਰਿਹਾ ਹੈ। ਸਟਾਕਹੋਮ-ਅਧਾਰਤ ਕੰਪਨੀ ਨੂੰ ਸਤੰਬਰ 2023 ਤੱਕ 462 ਮਿਲੀਅਨ ਯੂਰੋ, ਜਾਂ ਲਗਭਗ $500 ਮਿਲੀਅਨ ਦਾ ਸ਼ੁੱਧ ਘਾਟਾ ਹੋਇਆ ਹੈ।
ਤੁਹਾਨੂੰ ਦਸ ਦਈਏ ਕਿ Spotify ਨੇ COVID-19 ਮਹਾਂਮਾਰੀ ਦੌਰਾਨ 2020 ਅਤੇ 2021 ਵਿੱਚ ਸਟਾਫ, ਸਮੱਗਰੀ ਅਤੇ ਮਾਰਕੀਟਿੰਗ ਵਿੱਚ ਵੱਡੇ ਪੱਧਰ 'ਤੇ ਨਿਵੇਸ਼ ਕੀਤਾ। ਜਿਸ ਲਈ ਕੰਪਨੀ ਨੇ ਸਸਤੀਆਂ ਦਰਾਂ 'ਤੇ ਕਰਜ਼ਾ ਲਿਆ ਸੀ ਪਰ ਬਾਅਦ 'ਚ ਵਿਆਜ ਦਰਾਂ ਵਧਣ ਕਾਰਨ ਕੰਪਨੀ ਦੀਆਂ ਮੁਸ਼ਕਲਾਂ ਵਧਣ ਲੱਗੀਆਂ। ਇਸ ਤੋਂ ਬਾਅਦ ਜੂਨ 'ਚ ਕੰਪਨੀ ਨੇ ਇੱਕ ਕਾਰਪੋਰੇਟ ਪੁਨਰਗਠਨ ਦੇ ਹਿੱਸੇ ਵਜੋਂ ਆਪਣੇ ਪੋਡਕਾਸਟ ਡਿਵੀਜ਼ਨ ਤੋਂ 200 ਕਰਮਚਾਰੀਆਂ, ਜਾਂ ਇਸਦੇ ਕਰਮਚਾਰੀਆਂ ਦੇ 2 ਪ੍ਰਤੀਸ਼ਤ ਨੂੰ ਕੱਢ ਦਿੱਤਾ, ਜਦੋਂ ਕਿ ਜਨਵਰੀ 'ਚ ਇਸਨੇ ਆਪਣੇ ਕਰਮਚਾਰੀਆਂ ਦੇ 6 ਪ੍ਰਤੀਸ਼ਤ, ਜਾਂ ਵਿਸ਼ਵ ਪੱਧਰ 'ਤੇ ਲਗਭਗ 600 ਕਰਮਚਾਰੀਆਂ ਨੂੰ ਕੱਢ ਦਿੱਤਾ।
ਬੈਂਕਾਂ ਦੇ ਵਧਦੇ ਵਿਆਜ ਦਾ ਮਾੜਾ ਅਸਰ :
ਤੁਹਾਨੂੰ ਦਸ ਦਈਏ ਕਿ ਡੈਨੀਅਲ ਇੱਕ ਨੇ ਆਪਣੀ ਪੋਸਟ 'ਚ ਜ਼ਿਕਰ ਕਰਦੇ ਹੋਏ ਕਿਹਾ, ਕਿ "ਪਿਛਲੇ ਸਾਲ, ਦੁਨੀਆ ਭਰ ਦੇ ਕੇਂਦਰੀ ਬੈਂਕਾਂ ਨੇ ਵਿਆਜ ਦਰਾਂ ਵਿੱਚ ਵਾਧਾ ਕਰਨਾ ਸ਼ੁਰੂ ਕਰ ਦਿੱਤਾ ਸੀ। ਹੁਣ ਅਸੀਂ ਆਪਣੇ ਆਪ ਨੂੰ ਬਹੁਤ ਮੁਸ਼ਕਲ ਸਥਿਤੀ 'ਚ ਪਾਉਂਦੇ ਹਾਂ। ਪਿਛਲੇ ਸਾਲ ਲਾਗਤਾਂ ਨੂੰ ਘਟਾਉਣ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ, "ਇਸ ਦੇ ਬਾਵਜੂਦ ਸਾਨੂੰ ਲਾਗਤ ਢਾਂਚੇ 'ਤੇ ਵਿਸ਼ੇਸ਼ ਧਿਆਨ ਦੇਣ ਦੀ ਲੋੜ ਹੈ।''
ਦੱਸਿਆ ਜਾ ਰਿਹਾ ਹੈ ਕਿ ਕਈ ਹੋਰ ਤਕਨਾਲੋਜੀ-ਅਧਾਰਿਤ ਕੰਪਨੀਆਂ - ਐਮਾਜ਼ਾਨ, ਗੂਗਲ, ਮਾਈਕ੍ਰੋਸਾਫਟ, ਮੈਟਾ ਅਤੇ ਆਈਬੀਐਮ - ਜਿਨ੍ਹਾਂ ਨੇ ਮਹਾਂਮਾਰੀ ਦੇ ਦੌਰਾਨ ਤੇਜ਼ੀ ਨਾਲ ਕਾਰੋਬਾਰ ਦਾ ਵਿਸਥਾਰ ਕੀਤਾ ਸੀ ਉਨ੍ਹਾਂ ਨੇ ਵੀ ਇਸ ਸਾਲ ਹਜ਼ਾਰਾਂ ਕਰਮਚਾਰੀਆਂ ਦੀ ਛੁੱਟੀ ਕਰ ਦਿੱਤੀ ਹੈ। ਕੰਪਨੀ ਕਰਮਚਾਰੀਆਂ ਨੂੰ ਉਨ੍ਹਾਂ ਦੀ ਸੇਵਾਮੁਕਤੀ ਦੇ ਸਮੇਂ ਦੌਰਾਨ ਸਿਹਤ ਦੇਖਭਾਲ ਪ੍ਰਦਾਨ ਕਰਨਾ ਜਾਰੀ ਰੱਖੇਗੀ। ਸਾਰੇ ਕਰਮਚਾਰੀ ਦੋ ਮਹੀਨਿਆਂ ਲਈ ਆਊਟਪਲੇਸਮੈਂਟ ਸੇਵਾ ਲਈ ਯੋਗ ਹੋਣਗੇ।
- PTC NEWS
