ਰੀਅਲ ਲਾਈਫ ਹੀਰੋ ਬਣੇ ਅਦਾਕਾਰ ਗੁਰਮੀਤ ਚੌਧਰੀ, ਪੰਜਾਬ ਦੇ ਇਸ ਜਿਲ੍ਹੇ ਨਾਲ ਵੀ ਹੈ ਖ਼ਾਸ ਰਿਸ਼ਤਾ
Gurmeet Choudhary Viral Video : ਟੀਵੀ ਜਗਤ ਦੇ ਦਿੱਗਜ ਸਿਤਾਰਿਆਂ ਵਿੱਚੋਂ ਇੱਕ ਗੁਰਮੀਤ ਚੌਧਰੀ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਹੋ ਰਿਹਾ ਹੈ। ਇਸ 'ਚ ਅਭਿਨੇਤਾ ਜ਼ਮੀਨ 'ਤੇ ਡਿੱਗੇ ਇਕ ਵਿਅਕਤੀ ਨੂੰ ਸੀਪੀਆਰ ਦਿੰਦੇ ਨਜ਼ਰ ਆ ਰਹੇ ਹਨ। ਅਭਿਨੇਤਾ ਹੋਰ ਲੋਕਾਂ ਦੀ ਮਦਦ ਲਈ ਬੋਲਦੇ ਵੀ ਨਜ਼ਰ ਆ ਰਹੇ ਹਨ। ਹਰ ਕੋਈ ਗੁਰਮੀਤ ਦੇ ਇਸ ਕੰਮ ਨੂੰ ਦੇਖ ਕੇ ਤਾਰੀਫ ਕਰ ਰਿਹਾ ਹੈ।
ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਗੁਰਮੀਤ ਚੌਧਰੀ ਨੇ ਅੰਧੇਰੀ ਦੀ ਸੜਕ 'ਤੇ ਡਿੱਗੇ ਇਕ ਵਿਅਕਤੀ ਨੂੰ ਸੀ.ਪੀ.ਆਰ. ਇਸ ਵੀਡੀਓ ਨੂੰ ਦੇਖਣਾ ਸਿਰਫ਼ ਇੱਕ ਯਾਦ ਦਿਵਾਉਂਦਾ ਹੈ ਕਿ CPR ਨੂੰ ਜਾਣਨਾ ਕਿੰਨਾ ਮਹੱਤਵਪੂਰਨ ਹੈ, ਜਿਸ ਨੂੰ ਸਾਡੇ ਵਿੱਚੋਂ ਕਈ ਲੋਕ ਫਾਲਤੂ ਸਮਝਦੇ ਹਨ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਗੁਰਮੀਤ ਲਗਾਤਾਰ ਇਸ ਵਿਅਕਤੀ ਨੂੰ ਸੀਪੀਆਰ ਦੇ ਰਿਹਾ ਹੈ, ਜਿਸ ਤੋਂ ਬਾਅਦ ਲੋਕਾਂ ਦੀ ਭਾਰੀ ਭੀੜ ਇਕੱਠੀ ਹੋ ਜਾਂਦੀ ਹੈ। ਫਿਰ ਕੁਝ ਲੋਕ ਇਕੱਠੇ ਹੋ ਕੇ ਉਸ ਵਿਅਕਤੀ ਨੂੰ ਉੱਪਰ ਚੁੱਕ ਲੈਂਦੇ ਹਨ।
ਗੁਰਮੀਤ ਚੌਧਰੀ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਪ੍ਰਸ਼ੰਸਕ ਵੀ ਅਦਾਕਾਰ ਦੀ ਕਾਫੀ ਤਾਰੀਫ ਕਰ ਰਹੇ ਹਨ। ਕਮੈਂਟ ਕਰਦੇ ਹੋਏ ਇਕ ਯੂਜ਼ਰ ਨੇ ਲਿਖਿਆ- 'ਬਹੁਤ ਵਧੀਆ ਗੁਰਮੀਤ ਬਾਈ', ਜਦਕਿ ਇਕ ਹੋਰ ਯੂਜ਼ਰ ਨੇ ਕਮੈਂਟ ਕਰਦੇ ਹੋਏ ਲਿਖਿਆ- 'ਹਰ ਐਕਟਰ ਨੂੰ ਪਹਿਲਾਂ ਇਨਸਾਨ ਹੋਣਾ ਚਾਹੀਦਾ ਹੈ ਅਤੇ ਫਿਰ ਐਕਟਰ'।
ਤੁਹਾਨੂੰ ਦੱਸ ਦਈਏ ਕਿ ਗੁਰਮੀਤ ਚੌਧਰੀ ਪੰਜਾਬ ਦੇ ਮਲੇਰਕੋਟਲਾ ਜ਼ਿਲ੍ਹੇ ਤੋਂ ਸਬੰਧ ਰਖਦੇ ਹਨ ਉਹ ਰਾਮਾਇਣ ਵਿੱਚ ਸ਼੍ਰੀ ਰਾਮ ਦੀ ਅਦਾਕਾਰੀ ਕਰਕੇ ਮਸ਼ਹੂਰ ਹੋਏ ਸਨ। ਇਸ ਤੋਂ ਬਾਅਦ ਉਸ ਨੇ ਗੀਤ ਹੋਇ ਸਬਸੇ ਪਰਾਈ ਵਿੱਚ ਮਾਨ ਸਿੰਘ ਖੁਰਾਣਾ ਦਾ ਕਿਰਦਾਰ ਨਿਭਾਇਆ। ਉਸਨੇ ਕ੍ਰਿਤਿਕਾ ਸੇਂਗਰ ਨਾਲ ਪੁਨਰ ਵਿਵਾਹ ਵਿੱਚ ਵੀ ਕੰਮ ਕੀਤਾ। ਉਹ ਝਲਕ ਦਿਖਲਾ ਜਾ 5, ਨੱਚ ਬਲੀਏ 6 ਅਤੇ ਖਤਰੋਂ ਕੇ ਖਿਲਾੜੀ 5 ਵਰਗੇ ਰਿਐਲਿਟੀ ਸ਼ੋਅ ਦਾ ਹਿੱਸਾ ਸੀ।
- PTC NEWS