New Update
ਚੰਡੀਗੜ੍ਹ: ਕੇਂਦਰੀ ਮਨੁੱਖੀ ਸਰੋਤ ਵਿਕਾਸ ਮੰਤਰਾਲੇ ਨੇ ਸੰਸਥਾਗਤ ਰੈਂਕਿੰਗ ਫਰੇਮਵਰਕ (ਐਨਆਈਆਰਐਫ) ਵਿੱਚ ਅਧਿਆਪਨ ਅਤੇ ਮੈਡੀਕਲ ਕਾਲਜਾਂ ਦੀ ਰੈਂਕਿੰਗ ਜਾਰੀ ਕੀਤੀ ਗਈ ਹੈ। ਇਸ ਰੈੰਕਿੰਗ ਦੇ ਮੁਤਾਬਿਕ 800 ਤੋਂ ਵੱਧ ਇੰਸਟੀਚਿਊਟਾਂ ਅਤੇ ਹਸਪਤਾਲਾਂ ਵਿੱਚ ਪੀਜੀਆਈ ਨੇ ਲਗਾਤਾਰ ਚੌਥੀ ਵਾਰ ਥਾਂ ਬਣਾਈ ਹੈ। NIRF ਦੀ ਰੈਂਕਿੰਗ ਵਿੱਚ ਪੀਜੀਆਈ ਨੇ ਦੇਸ਼ ਭਰ 'ਚ ਦੂਜਾ ਸਥਾਨ ਹਾਸਿਲ ਕੀਤਾ ਹੈ।
ਦੱਸ ਦੇਈਏ ਕਿ ਇਲਾਜ, ਰਿਸਰਚ ਅਤੇ ਪੜ੍ਹਾਈ ਵਜੋਂ ਪੀਜੀਆਈ ਨੇ ਥਾਂ ਬਣਾਈ ਹੈ। ਕੋਰੋਨਾ ਦੀ ਤੀਜੀ ਲਹਿਰ ਵਿਚ ਅਸੀਂ ਦਾਖ਼ਲ ਹੋ ਚੁੱਕੇ ਹਾਂ ਅਤੇ ਅਕਤੂਬਰ ਵਿੱਚ ਤੀਜੀ ਵੇਵ ਪੀਕ 'ਤੇ ਹੋਵੇਗੀ। ਤੀਜੀ ਵੇਵ ਬੱਚਿਆਂ ਤੋਂ ਇਲਾਵਾ ਹੋਰਨਾਂ ਨੂੰ ਵੀ ਲੈ ਸਕਦੀ ਹੈ ਪਰ ਪਹਿਲੀ ਅਤੇ ਦੂਜੀ ਵੇਵ ਨਾਲੋਂ ਘੱਟ ਪ੍ਰਭਾਵਿਤ ਹੋਵੇਗੀ। ਬੱਚਿਆਂ ਵਿੱਚ ਪਹਿਲਾਂ ਤੋਂ ਹੀ ਕੋਰੋਨਾ ਪ੍ਰਭਾਵਿਤ ਐਂਟੀਬੌਡੀਜ਼ ਮੌਜੂਦ ਹੋ ਚੁੱਕੇ ਹਨ। ਪੀਜੀਆਈ ਨੇ ਇਹ ਰਿਸਰਚ ਕੀਤੀ ਹੈ।
ਸਪੇਨ ਵਾਂਗ ਚੌਥੀ ਵੇਵ ਆਉਣ ਦਾ ਵੀ ਡਾਇਰੈਕਟਰ ਜਗਤ ਰਾਮ ਨੇ ਖ਼ਦਸ਼ਾ ਜਤਾਇਆ ਹੈ। ਬਚਾਅ ਲਈ ਮਾਸਕ ,ਸਮਾਜਿਕ ਦੂਰੀ, ਸਹੀ ਖਾਨਪਾਨ ਕਸਰਤ ਅਤੇ ਟੀਕਾਕਰਨ ਲਾਜ਼ਮੀ ਹੋਵੇਗਾ। 5 ਹਜ਼ਾਰ ਤੋਂ ਵੱਧ ਮਰੀਜ਼ ਹਰ ਰੋਜ਼ ਪੀਜੀਆਈ ਆ ਕੇ ਇਲਾਜ ਕਰਵਾ ਰਹੇ ਹਨ। ਹਰ ਓਪੀਡੀ ਮੁਕੰਮਲ ਤੌਰ ਤੇ ਖੁੱਲ੍ਹੀ ਆਨਲਾਈਨ ਸੁਵਿਧਾ ਉਪਲੱਬਧ ਹੈ।
-PTC News-