ਓਡੀਸ਼ਾ ਦੇ ਇਸ ਇਲਾਕੇ 'ਚ ਮਿਲੇ ਕੱਟੇ ਹੋਏ ਹੱਥ, ਲੋਕਾਂ 'ਚ ਸਹਿਮ ਦਾ ਮਾਹੌਲ
ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਇਲਾਕੇ ਵਿੱਚ ਭਾਰੀ ਮਾਤਰਾ ਵਿੱਚ ਪੁਲਸਕਰਮੀਆਂ ਦੀ ਨਿਯੁਕਤੀ ਕੀਤੀ ਗਈ ਹੈ। ਪੁਲਿਸ ਨੇ ਦੱਸਿਆ ਕਿ ਕਾਲਿੰਗਾ ਨਗਰ ਵਿੱਚ ਸਟੀਲ ਪਲਾਂਟ ਲਈ ਭੂਮੀ ਅਧਿਗਰਹਣ ਦੇ ਖਿਲਾਫ ਆਦਿਵਾਸੀਆਂ ਨੇ ਜਨਵਰੀ 2006 ਵਿੱਚ ਪ੍ਰਦਰਸ਼ਨਮ ਕੀਤਾ ਸੀ। ਇਸ ਮਾਮਲੇ ਪ੍ਰਦਰਸ਼ਨਕਾਰੀਆ 'ਤੇ ਕਾਬੂ ਪਾਉਣ ਲਈ ਪੁਲਿਸ ਨੂੰ ਫਾਇਰਿੰਗ ਕਰਨੀ ਪਈ ਸੀ। ਇਸ ਘਟਨਾ ਵਿੱਚ 13 ਤੋਂ ਜ਼ਿਆਦਾ ਆਦਿਵਾਸੀ ਮਾਰੇ ਗਏ ਸਨ।
ਮਿਲੀ ਜਾਣਕਾਰੀ ਅਨੁਸਾਰ ਮਾਰੇ ਗਏ ਆਦਿਵਾਸੀਆਂ ਦਾ ਪੋਸਟਮਾਰਟਮ ਕੀਤਾ ਗਿਆ। ਪੰਜ ਲਾਸ਼ਾਂ ਦੀ ਸ਼ਨਾਖਤ ਨਹੀਂ ਹੋ ਪਾਈ ਸੀ ਇਸ ਲਈ ਉਨ੍ਹਾਂ ਦੇ ਹੱਥ ਕੱਟ ਕੇ ਉਸਦੀ ਉਂਗਲੀਆਂ ਦੇ ਨਿਸ਼ਾਨ ਲਏ ਗਏ ਸਨ। ਪ੍ਰੀਕਿਆ ਪੂਰੀ ਹੋਣ ਤੋਂ ਬਾਅਦ ਆਦਿਵਾਸੀਆਂ ਦੇ ਪਰਵਾਰਾਂ ਨੂੰ ਇਹ ਹੱਥ ਦੋ ਸਾਲ ਪਹਿਲਾਂ ਸੌਂਪੇ ਗਏ ਸਨ, ਪਰ ਉਨ੍ਹਾਂ ਨੇ ਇਨ੍ਹਾਂ ਨੂੰ ਲੈਣ ਤੋਂ ਮਨ੍ਹਾ ਕਰ ਦਿੱਤਾ ਸੀ। ਉਨ੍ਹਾਂ ਨੇ ਹੱਥਾਂ ਦੇ ਡੀਐਨਏ ਟੈਸਟ ਕਰਾਉਣ ਦੀ ਮੰਗ ਕੀਤੀ ਸੀ।ਇਸ ਲਈ ਇਹਨਾਂ ਹੱਥਾਂ ਨੂੰ ਇੱਕ ਮੈਡੀਕਲ ਬਾਕਸ ਵਿੱਚ ਕਲੱਬ ਦੇ ਅੰਦਰ ਰੱਖਿਆ ਗਿਆ ਸੀ।
—PTC News
