ਬੀਤੇ ਕੁਝ ਦਿਨਾਂ ਤੋਂ ਕਿਸਾਨੀ ਅੰਦੋਲਨ ਨੂੰ ਫਿੱਕਾ ਪਾਉਣ ਦੇ ਲਈ ਕਈ ਅਜਿਹੀਆਂ ਖਬਰਾਂ ਸਾਹਮਣੇ ਆਈਆਂ ਜਿੰਨਾ ਨਾਲ ਕਿਸਾਨ ਜਥੇਬੰਦੀਆਂ ਵਿਚ ਤਕਰਾਰ ਪੈਦਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ , ਇਸ ਤਹਿਤ ਗੁਰਨਾਮ ਸਿੰਘ ਚੜੂਨੀ ਤੇ ਸੰਯੁਕਤ ਕਿਸਾਨ ਮੋਰਚੇ ਦੀ ਤਾਲਮੇਲ ਕਮੇਟੀ ਨੇ ਸ਼ਿਵ ਕੁਮਾਰ ਕੱਕਾ ਵੱਲੋਂ ਬਿਆਨਬਾਜ਼ੀ ਸਾਹਮਣੇ ਆਈ , ਜਿਥੇ ਉਹਨਾਂ ਵੱਲੋਂ ਸਿਆਸੀ ਆਗੂਆਂ ਨਾਲ ਗੱਲਬਾਤ ਕਰਨ 'ਤੇ ਮੁਲਾਕਾਤ ਕਰਨ ਤੇ ਗੁਰਨਾਮ ਸਿੰਘ ਚੜੂਨੀ ਨੂੰ ਸਸਪੈਂਡ ਤੱਕ ਕੀਤਾ ਗਿਆ , ਹਾਲਾਂਕਿ ਸਪਸ਼ਟੀਕਰਨ ਤੋਂ ਬਾਅਦ ਉਹਨਾਂ ਦਾ ਸਸਪੈਂਸ਼ਨ ਵਾਪਿਸ ਲੈ ਲਿਆ ਗਿਆ। ਉਥੇ ਹੀ ਹੁਣ ਕਿਸਾਨ ਅੰਦੋਲਨ ਨਾਲ ਜੁੜੀ ਵੱਡੀ ਖਬਰ ਸਾਹਮਣੇ ਆਈ ਹੈ
ਦਰਅਸਲ ਇੱਕ ਅਖਬਾਰ ਵਿੱਚ ਛਪੇ ਉਸ ਬਿਆਨ ਬਾਰੇ ਚਰਚਾ ਕੀਤੀ ਜਿਸ ਵਿੱਚ ਉਹਨਾਂ ਨੇ ਗੁਰਨਾਮ ਸਿੰਘ ਚਡੂਨੀ ਵਾਰੇ ਟਿੱਪਣੀ ਕੀਤੀ ਸੀ। ਕਿਸਾਨ ਆਗੂ ਸ਼ਿਵ ਕੁਮਾਰ ਕੱਕਾ ਨੇ ਕਮੇਟੀ ਦੇ ਸਾਹਮਣੇ ਸਵੀਕਾਰ ਕੀਤਾ ਕਿ ਉਹਨਾਂ ਦੀਆਂ ਟਿੱਪਣੀਆਂ ਅਨੁਚਿਤ ਹਨ। ਇਹਦਾ ਅਹਿਸਾਸ ਕਰਦਿਆਂ ਹੋਇਆਂ ਕੱਕਾਜੀ ਨੇ ਗੁਰਨਾਮ ਸਿੰਘ 'ਤੇ ਲਾਏ ਸਾਰੇ ਦੋਸ਼ ਵਾਪਸ ਲੈ ਲਏ ਹਨ. ਉਹਨਾਂ ਨੇ ਕਿਹਾ ਕਿ ਕਿਸਾਨ ਅੰਦੋਲਨ ਦਾ ਹਿੱਤ ਸਭਤੋਂ ਉਤੇ ਹੈ।
ਕੱਕਾ ਨੇ ਇਹ ਸਪੱਸ਼ਟ ਕੀਤਾ ਕਿ ਉਹ ਕਦੇ ਵੀ ਆਰਏਸਏਸ ਦੇ ਮੈਂਬਰ ਨਹੀਂ ਰਹੇ. ਉਹ ਭਾਰਤੀ ਕਿਸਾਨ ਸੰਘ ਨਾਲ ਜੁੜੇ ਰਹੇ, ਪਰ ਸਾਲ 2012 ਵਿੱਚ ਸਸ੍ਪੇੰਡ ਕਰਕੇ ਭਾਜਪਾ ਸਰਕਾਰ ਨੇ ਉਹਨਾਂ ਨੂੰ ਜੇਲ ਭੇਜ ਦਿੱਤਾ ਸੀ. ਉਸ ਤੋਂ ਬਾਅਦ ਵਿੱਚ ਭਾਰਤੀ ਕਿਸਾਨ ਸੰਘ ਨਾਲ ਵੀ ਕੋਈ ਸੰਬੰਧ ਨਹੀਂ ਰਿਹਾ। ਉਹਨਾਂ ਦੇ ਸਪਿਸ਼ਟੀਕਰਨ ਦਾ ਸਵਾਗਤ ਕਰਦਿਆਂ ਹੋਇਆਂ ਕਮੇਟੀ ਨੇ ਇਸ ਮਸਲੇ ਨੂੰ ਖਤਮ ਕਰਨ ਦਾ ਫੈਸਲਾ ਕੀਤਾ ਅਤੇ ਸਾਰੇ ਅੰਦੋਲਨਕਾਰੀਆਂ ਨੂੰ ਅਪੀਲ ਕੀਤੀ ਹੈ ਕਿ ਕਿਸੇ ਵੀ ਦੋਸ਼ ਲਾਉਣ ਤੋਂ ਪ੍ਰਹੇਜ਼ ਕਰੋ।
ਇਸ ਦੇ ਨਾਲ ਹੀ 26 ਜਨਵਰੀ ਦੀ "ਕਿਸਾਨ ਗਣਤੰਤਰ ਪਰੇਡ'' ਸੰਬਧੀ ਦਿੱਲੀ, ਹਰਿਆਣਾ ਅਤੇ ਯੂਪੀ ਪੁਲਿਸ ਨਾਲ ਗੱਲਬਾਤ ਚੱਲ ਰਹੀ ਹੈ। ਸਯੁੰਕਤ ਮੋਰਚੇ ਨੇ ਉਮੀਦ ਜਤਾਈ ਕਿ ਸਰਕਾਰ ਨਾਲ ਕੱਲ੍ਹ ਦੀ ਗੱਲਬਾਤ ਵਿੱਚ ਕਿਸਾਨਾਂ ਦੀਆਂ ਮੰਗਾਂ 'ਤੇ ਸਹਿਮਤੀ ਬਣ ਸਕਦੀ ਹੈ। ਝਾਰਖੰਡ, ਓਡਿਸ਼ਾ, ਗੁਜਰਾਤ ਅਤੇ ਹੋਰ ਥਾਵਾਂ ਤੋਂ ਕਲ, 'ਮਹਿਲਾ ਕਿਸਾਨ ਦਿਵਸ' ਵਾਰੇ ਪ੍ਰੋਗਰਾਮ ਦੀਆਂ ਰਿਪੋਰਟ ਆ ਰਹੀ ਹੈ।
ਨੌਜਵਾਨਾਂ ਦੀ ਭਾਗੀਦਾਰੀ ਦੇ ਨਾਲ ਨੈਸ਼ਨਲ ਅਲਾਇੰਸ ਫੋਰ ਪੀਪਲਜ ਮੂਵਮੈਂਟ ਦੁਆਰਾ "ਕਿਸਾਨ ਜਯੋਤੀ ਯਾਤਰਾ" ਆਵਦੇ ਅੱਠਵੇਂ ਦਿਨ ਗੁਜਰਾਤ ਵਿਚੋਂ ਹੁੰਦੀ ਹੋਇ ਰਾਜਸਥਾਨ ਵਿੱਚ ਦਾਖਲ ਹੋ ਗਈ ਹੈ। ਨਵ ਨਿਰਮਾਣ ਸੰਗਠਨ ਦੀ ਅਗੁਵਾਈ ਹੇਠ ਕਿਸਾਨਾਂ ਦਾ ਇਕ ਜੱਥਾ ਬਿਹਾਰ ਨੂੰ ਪਾਰ ਕਰਨ ਤੋਂ ਬਾਅਦ ਉੱਤਰ ਪ੍ਰਦੇਸ਼ ਵਿਚ ਦਾਖਲ ਹੋਇਆ। ਟਿਕਰੀ, ਸਿੰਘੂ, ਗਾਜੀਪੁਰ ਅਤੇ ਵੱਖ ਵੱਖ ਸਰਹੱਦਾਂ 'ਤੇ ਕਿਸਾਨਾਂ ਦੀ ਲਗਾਤਾਰ ਭੁੱਖ ਹੜਤਾਲ ਚਲ ਰਹੀ ਹੈ। 
