ਥਾਈਲੈਂਡ ਦੀ ਗੁਫਾ 'ਚ ਫੁੱਟਬਾਲ ਟੀਮ ਨੂੰ ਬਚਾਉਣ ਦੌਰਾਨ ਵਾਪਰਿਆ ਹਾਦਸਾ, 1 ਦੀ ਮੌਤ
ਥਾਈਲੈਂਡ ਦੀ ਗੁਫਾ 'ਚ ਫੁੱਟਬਾਲ ਟੀਮ ਨੂੰ ਬਚਾਉਣ ਦੌਰਾਨ ਵਾਪਰਿਆ ਹਾਦਸਾ, 1 ਦੀ ਮੌਤ:ਥਾਈਲੈਂਡ ਦੀ ਗੁਫਾ ਵਿਚ ਫਸੀ ਫੁੱਟਬਾਲ ਦੀ ਟੀਮ ਨੂੰ ਬਚਾਉਣ ਲੱਗਿਆਂ ਇਕ ਗੋਤਾਖੋਰ ਦੀ ਮੌਤ ਹੋ ਗਈ ਹੈ।ਸਰਕਾਰੀ ਅਧਿਾਕਰੀਆਂ ਅਨੁਸਾਰ ਸਾਬਕਾ ਸਾਰਜੈਂਟ ਸਾਮਾਰਨ ਕੁਨਨ ਸ਼ੁੱਕਰਵਾਰ ਸਵੇਰੇ ਕਰੀਬ 2 ਵਜੇ (ਲੋਕਲ ਸਮਾਂ) ਜਦੋਂ ਕਮਾਂਡ ਸੈਂਟਰ ਵੱਲ੍ਹ ਨੂੰ ਆ ਰਿਹਾ ਸੀ ਤਾਂ ਗੁਫਾ ਵਿਚ ਆਕਸੀਜਨ ਦੀ ਕਮੀ ਕਾਰਨ ਉਸਦੀ ਮੌਤ ਹੋ ਗਈ।ਕਮਾਂਡ ਸੈਂਟਰ ਗੁਫਾ ਵਿਚ ਕਰੀਬ 2 ਕਿਲੋਮੀਟਰ ਦੀ ਦੂਰੀ 'ਤੇ ਹੈ।ਮਿਲੀ ਜਾਣਕਾਰੀ ਅਨੁਸਾਰ ਕੁਨਾਨ ਗੁਫਾ ਵਿਚ ਬੱਚਿਆਂ ਨੂੰ ਆਕਸੀਜਨ ਦੇ ਸਿਲੰਡਰ ਦੇ ਕੇ ਵਾਪਸ ਆ ਰਿਹਾ ਸੀ।ਹਾਲਾਂਕਿ,ਰਾਹਤ ਬਚਾਅ ਕਾਰਜ ਜਾਰੀ ਹੈ।ਬਚਾਅ ਦਲ ਨੂੰ ਖ਼ਰਾਬ ਮੌਸਮ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।ਮੌਸਮ ਵਿਭਾਗ ਨੇ 2 ਦਿਨ ਬਾਅਦ ਉੱਥੇ ਇੱਕ ਹਫ਼ਤੇ ਤੱਕ ਭਾਰੀ ਮੀਂਹ ਦੀ ਚੇਤਾਵਨੀ ਜਾਰੀ ਕੀਤੀ ਹੈ। -PTCNews