Kaun Banega Crorepati 14: ਕੌਨ ਬਣੇਗਾ ਕਰੋੜਪਤੀ (KBC-14) ਦੇ ਸੀਜ਼ਨ 14 ਵਿੱਚ ਮਹਾਰਾਸ਼ਟਰ ਦੀ ਕਵਿਤਾ ਚਾਵਲਾ ਨੇ ਸ਼ਾਨਦਾਰ ਖੇਡ ਖੇਡਦਿਆਂ 1 ਕਰੋੜ ਦੀ ਰਕਮ ਜਿੱਤੀ ਹੈ। ਹਾਲਾਂਕਿ ਕਵਿਤਾ 7.5 ਕਰੋੜ ਲਈ ਵੀ ਖੇਡੀ ਪਰ ਉਹ ਸਵਾਲ ਦਾ ਜਵਾਬ ਨਹੀਂ ਦੇ ਸਕੀ ਅਤੇ ਉਸਨੇ ਸ਼ੋਅ ਛੱਡਣ ਦਾ ਫੈਸਲਾ ਕੀਤਾ। ਕਵਿਤਾ ਚਾਵਲਾ ਨੇ ਦੱਸਿਆ ਕਿ ਸਾਲ 2000 'ਚ 'ਕੌਨ ਬਣੇਗਾ ਕਰੋੜਪਤੀ' ਦੀ ਸ਼ੁਰੂਆਤ ਤੋਂ ਹੀ ਉਸ ਦਾ ਇਸ ਸ਼ੋਅ 'ਚ ਹਿੱਸਾ ਲੈਣ ਦਾ ਸੁਪਨਾ ਸੀ ਅਤੇ 21 ਸਾਲ 10 ਮਹੀਨਿਆਂ ਬਾਅਦ ਉਸ ਨੂੰ ਬਾਲੀਵੁੱਡ ਦੇ ਮੈਗਾਸਟਾਰ ਅਮਿਤਾਭ ਬੱਚਨ ਦੇ ਸਾਹਮਣੇ ਹੌਟ ਸੀਟ 'ਤੇ ਬੈਠਣ ਦਾ ਮੌਕਾ ਮਿਲਿਆ।
1 ਕਰੋੜ ਲਈ ਪੁੱਛਿਆ ਗਿਆ ਸਵਾਲ
ਪੁਲਾੜ ਯਾਨ ਵਿਚ ਚੰਦਰਮਾ 'ਤੇ ਜਾਣ ਅਤੇ ਧਰਤੀ 'ਤੇ ਵਾਪਸ ਆਉਣ ਵਾਲਾ ਪਹਿਲਾ ਜਾਨਵਰ ਕਿਹੜਾ ਸੀ?
ਏ - ਚੂਹਾ
ਬੀ - ਖਰਗੋਸ਼
ਸੀ - ਕੱਛੂ
ਡੀ - ਚਿੰਪੈਂਜ਼ੀ
ਸਹੀ ਜਵਾਬ ਕੱਛੂ ਸੀ. ਇਸ ਸਵਾਲ ਦੇ ਜਵਾਬ 'ਤੇ ਪਹਿਲਾਂ ਕਵਿਤਾ ਥੋੜ੍ਹਾ ਅਟਕ ਗਈ ਸੀ। ਇਸ ਲਈ ਕਵਿਤਾ ਨੇ ਆਪਣੀ ਬਾਕੀ ਬਚੀ ਜੀਵਨ ਰੇਖਾ ਦੀ ਵਰਤੋਂ ਕਰਨ ਦਾ ਫੈਸਲਾ ਕੀਤਾ। ਕਵਿਤਾ ਨੇ ਸਭ ਤੋਂ ਪਹਿਲਾਂ ਆਡੀਅੰਸ ਪੋਲ ਦੀ ਵਰਤੋਂ ਕੀਤੀ। ਇਸ ਤੋਂ ਬਾਅਦ ਕਵਿਤਾ ਨੇ ਇੱਕ ਦੋਸਤ ਨੂੰ ਵੀਡੀਓ ਕਾਲ ਕਰਕੇ ਜਵਾਬ ਜਾਣਨ ਦੀ ਕੋਸ਼ਿਸ਼ ਕੀਤੀ। ਕਵਿਤਾ ਨੇ ਆਪਣੇ ਉੱਤਰ ਵਿੱਚ ਤੀਜੇ ਆਪਸ਼ਨ ਨੂੰ ਚੁਣਿਆ, ਜੋ ਕੱਛੂਆ ਸੀ। ਜੋ ਕਿ ਸਹੀ ਜਵਾਬ ਨਿਕਲਿਆ ਅਤੇ ਅਮਿਤਾਭ ਵੀ ਉਸਦੀ ਚਤੁਰਾਈ ਦੇਖ ਕੇ ਹੈਰਾਨ ਰਹਿ ਗਏ। ਇਸ ਤੋਂ ਬਾਅਦ ਅਮਿਤਾਭ ਨੂੰ 7.5 ਕਰੋੜ ਦਾ ਸਵਾਲ ਪੁੱਛਣ ਦਾ ਮੌਕਾ ਮਿਲਿਆ।
7.5 ਕਰੋੜ ਲਈ ਪੁੱਛਿਆ ਗਿਆ ਸਵਾਲ
ਆਪਣੇ ਪਹਿਲੇ ਦਰਜੇ ਦੇ ਡੈਬਿਊ 'ਤੇ ਦੋਹਰਾ ਸੈਂਕੜਾ ਲਗਾਉਣ ਵਾਲੇ ਪਹਿਲੇ ਭਾਰਤੀ, ਗੁੰਡੱਪਾ ਵਿਸ਼ਵਨਾਥ ਨੇ ਕਿਸ ਟੀਮ ਦੇ ਖਿਲਾਫ ਇਹ ਉਪਲਬਧੀ ਹਾਸਲ ਕੀਤੀ?
ਏ - ਸਰਵਿਸਿਜ਼
ਬੀ- ਆਂਧਰਾ
ਸੀ- ਮਹਾਰਾਸ਼ਟਰ
ਡੀ- ਸੌਰਾਸ਼ਟਰ
ਸਹੀ ਜਵਾਬ ਆਂਧਰਾ ਸੀ। ਸੰਸਾ ਵਿੱਚ ਆਈ ਕਵਿਤਾ ਨੇ ਇਸੀ ਸਵਾਲ 'ਤੇ ਖੇਡ ਛੱਡਣ ਦਾ ਫੈਸਲਾ ਕਰ ਲਿਆ।
-PTC News