ਕੈਨੇਡਾ 'ਚ ਨਵੀਂ ਬੀਮਾਰੀ ਨੇ ਦਿੱਤੀ ਦਸਤਕ, ਪਿਆਜ਼ ਖਾਣ ਨਾਲ 300 ਤੋਂ ਵੱਧ ਲੋਕ ਹੋਏ ਬਿਮਾਰ
ਕੈਨੇਡਾ 'ਚ ਨਵੀਂ ਬੀਮਾਰੀ ਨੇ ਦਿੱਤੀ ਦਸਤਕ, ਪਿਆਜ਼ ਖਾਣ ਨਾਲ 300 ਤੋਂ ਵੱਧ ਲੋਕ ਹੋਏ ਬਿਮਾਰ:ਟੋਰਾਂਟੋ: ਕੋਰੋਨਾ ਮਹਾਂਮਾਰੀ ਦਰਮਿਆਨ ਕੈਨੇਡਾ 'ਚ ਲੋਕ ਇੱਕ ਨਵੇਂ ਬੈਕਟੀਰੀਆ ਤੋਂ ਸੰਕ੍ਰਮਿਤ ਹੋ ਰਹੇ ਹਨ। ਕੈਨੇਡਾ 'ਚ ਅਮਰੀਕੀ ਪਿਆਜ਼ਾਂ ਨਾਲ ਫੈਲੇ ਸੈਲਮੋਨੇਲਾ ਬੈਕਟੀਰੀਆ ਨਾਲ 300 ਤੋਂ ਵੱਧ ਲੋਕਇੰਫੈਕਟਿਡ ਹੋ ਚੁੱਕੇ ਹਨ ਅਤੇ ਪੀੜਤ ਲੋਕਾਂ ਨੂੰ ਹਸਪਤਾਲ ਦਾਖ਼ਲ ਕਰਾਇਆ ਗਿਆ ਹੈ।
ਕੈਨੇਡਾ 'ਚ ਨਵੀਂ ਬੀਮਾਰੀ ਨੇ ਦਿੱਤੀ ਦਸਤਕ, ਪਿਆਜ਼ ਖਾਣ ਨਾਲ 300 ਤੋਂ ਵੱਧ ਲੋਕ ਹੋਏ ਬਿਮਾਰ
ਜਾਣਕਾਰੀ ਅਨੁਸਾਰ ਸ਼ੁੱਕਰਵਾਰ ਨੂੰ ਜਾਰੀ ਕੀਤੇ ਆਪਣੇ ਤਾਜ਼ਾ ਅਪਡੇਟ 'ਚ ਕੈਨੇਡਾ ਦੀ ਪਬਲਿਕ ਹੈਲਥ ਏਜੰਸੀ (ਪੀ.ਐੱਚ.ਏ. ਸੀ.) ਨੇ ਕਿਹਾ ਹੈ ਕਿ ਦੇਸ਼ 'ਚ 339 ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ। ਇਨ੍ਹਾਂ 'ਚੋਂ ਸੌ ਮਾਮਲਿਆਂ ਦੀ ਪੁਸ਼ਟੀ ਪਿਛਲੇ ਹਫ਼ਤੇ ਹੋਈ ਸੀ।
ਕੈਨੇਡਾ 'ਚ ਨਵੀਂ ਬੀਮਾਰੀ ਨੇ ਦਿੱਤੀ ਦਸਤਕ, ਪਿਆਜ਼ ਖਾਣ ਨਾਲ 300 ਤੋਂ ਵੱਧ ਲੋਕ ਹੋਏ ਬਿਮਾਰ
ਪੀ.ਐੱਚ.ਏ.ਸੀ. ਨੇ ਲੋਕਾਂ ਨੂੰ ਚਿਤਾਵਨੀ ਦਿੱਤੀ ਕਿ ਉਹ ਬੈੱਕਰਸਫੀਲਡ, ਕੈਲੀਫੋਰਨੀਆ ਦੇ ਥੌਮਸਨ ਇੰਟਰਨੈਸ਼ਨਲ ਇੰਕ. ਦਾ ਕੋਈ ਵੀ ਪਿਆਜ਼ ਨਾ ਖਾਣ ਅਤੇ ਨਾ ਵੇਚਣ। ਇਸ ਦੇ ਨਾਲ ਹੀ ਏਜੰਸੀ ਨੇ ਕਿਹਾ ਕਿ ਜੇਕਰ ਤੁਹਾਨੂੰ ਪਤਾ ਨਹੀਂ ਲੱਗਦਾ ਕਿ ਲਾਲ, ਪੀਲਾ, ਚਿੱਟਾ, ਜਾਂ ਮਿੱਠਾ ਪੀਲਾ ਪਿਆਜ਼ ਕਿੱਥੋਂ ਦਾ ਹੈ ਤਾਂ ਉਸ ਨੂੰ ਨਾ ਖਾਓ।
ਕੈਨੇਡਾ 'ਚ ਨਵੀਂ ਬੀਮਾਰੀ ਨੇ ਦਿੱਤੀ ਦਸਤਕ, ਪਿਆਜ਼ ਖਾਣ ਨਾਲ 300 ਤੋਂ ਵੱਧ ਲੋਕ ਹੋਏ ਬਿਮਾਰ
ਪੀ.ਐੱਚ.ਏ.ਸੀ. ਦਾ ਕਹਿਣਾ ਹੈ ਕਿ ਲੋਕ ਜੂਨ ਦੇ ਅੱਧ ਅਤੇ ਜੁਲਾਈ ਦੇ ਅਖੀਰ 'ਚ ਬਿਮਾਰ ਹੋਣਾ ਸ਼ੁਰੂ ਹੋਏ ਸਨ। ਹੁਣ ਤੱਕ 48 ਲੋਕਾਂ ਨੂੰ ਹਸਪਤਾਲ ਦਾਖ਼ਲ ਕਰਾਇਆ ਗਿਆ ਹੈ ,ਜਿਹੜੇ ਇਸ ਬਿਮਾਰੀ ਤੋਂ ਪੀੜਤ ਹੋਏ ਹਨ। ਉਨ੍ਹਾਂ ਨੇ ਘਰ, ਰੈਸਟੋਰੈਂਟਾਂ ਅਤੇ ਰਿਹਾਇਸ਼ੀ ਦੇਖਭਾਲ ਸਹੂਲਤਾਂ 'ਚ ਲਾਲ ਪਿਆਜ਼ ਖਾਣ ਦੀ ਜਾਣਕਾਰੀ ਦਿੱਤੀ ਹੈ।
ਕੈਨੇਡਾ 'ਚ ਨਵੀਂ ਬੀਮਾਰੀ ਨੇ ਦਿੱਤੀ ਦਸਤਕ, ਪਿਆਜ਼ ਖਾਣ ਨਾਲ 300 ਤੋਂ ਵੱਧ ਲੋਕ ਹੋਏ ਬਿਮਾਰ
ਦੱਸ ਦੇਈਏ ਕਿ ਹੁਣ ਤੱਕ ਇਸ ਦੇ 208 ਮਾਮਲੇ ਅਲਬਰਟਾ 'ਚ, ਬ੍ਰਿਟਿਸ਼ਿ ਕੋਲੰਬੀਆ 'ਚ 78, ਸਸਕੈਚਵਾਨ 'ਚ 19, ਮੈਨੀਟੋਬਾ 'ਚ 19, ਓਂਟਾਰੀਓ 'ਚ 8, ਕਿਊਬਿਕ 'ਚ 6 ਅਤੇ ਪ੍ਰਿੰਸ ਐਡਵਰਡ ਆਈਲੈਂਡ 'ਚ 1 ਮਾਮਲਾ ਸਾਹਮਣੇ ਆਇਆ ਹੈ। ਸੈਲਮੋਨੇਲਾ ਸੰਕਰਮਣ ਕਾਰਨ ਬੁਖ਼ਾਰ, ਠੰਡ ਲੱਗਣਾ, ਦਸਤ, ਸਿਰਦਰਦ, ਉਲਟੀ ਵਰਗੇ ਲੱਛਣ ਦਿਸਦੇ ਹਨ।
-PTCNews