ਟਰੇਨ ਹੇਠਾਂ ਆਉਣ ਕਾਰਨ ਵਿਅਕਤੀ ਦੀ ਮੌਤ, ਫੈਲੀ ਸਨਸਨੀ
ਅੰਮ੍ਰਿਤਸਰ: ਅੰਮ੍ਰਿਤਸਰ ਦੇ ਸਿਵਲ ਹਸਪਤਾਲ ਫਾਟਕ ਦੇ ਕੋਲ ਬਿਆਸ ਵਲੋਂ ਆ ਰਹੀ ਅਜਮੇਰ ਐਕਸਪ੍ਰੈੱਸ ਗੱਡੀ ਦੇ ਹੇਠਾਂ ਆਉਣ ਕਾਰਨਮੌਤ ਹੋ ਗਈ। ਜਿਸ ਤੋਂ ਬਾਅਦ ਇਲਾਕੇ 'ਚ ਸਨਸਨੀ ਫੈਲੀ ਹੋਈ ਹੈ। ਪੁਲਿਸ ਅਧਿਕਾਰੀ ਵੀ ਮੌਕੇ 'ਤੇ ਪੁਜੇ ਲਾਸ਼ ਨੂੰ ਕਬਜੇ ਵਿਚ ਲੈਕੇ ਜਾਂਚ ਸ਼ੁਰੂ ਕੀਤੀ।
ਪੁਲਿਸ ਅਧਿਕਾਰੀ ਨੇ ਗੱਲਬਾਤ ਕਰਦੇ ਹੋਏ ਮੀਡੀਆ ਨੂੰ ਦੱਸਿਆ ਕਿ ਮੁਖਤਿਆਰ ਸਿੰਘ ਨਾਮ ਦਾ ਇਹ ਵਿਅਕਤੀ ਬਿਆਸ ਤੋਂ ਅਜਮੇਰ ਐਕਸਪ੍ਰੈਸ ਗੱਡੀ ਵਿਚ ਆ ਰਿਹਾ ਸੀ।
ਹੋਰ ਪੜ੍ਹੋ: ਸਿਹਤ ਅਧਿਕਾਰੀਆਂ ਦੀ ਪਹੁੰਚ ਤੋਂ ਦੂਰ ਵਿਦੇਸ਼ ਤੋਂ ਆਏ 335 ਵਿਅਕਤੀ?
ਅੰਮ੍ਰਿਤਸਰ ਸਿਵਲ ਹਸਪਤਾਲ ਕੋਲ ਆ ਕੇ ਗੱਡੀ ਦੀ ਸਪੀਡ ਘਟੀ ਤੇ ਇਸ ਨੇ ਗੱਡੀ ਵਿੱਚੋ ਸ਼ਾਲ ਮਾਰ ਕੇ ਉਤਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਇਸਦੀਆਂ ਲੱਤਾਂ ਗੱਡੀ ਦੇ ਹੇਠਾਂ ਆ ਗਈਆਂ ਤੇ ਦੋਵੇ ਲੱਤਾਂ ਵੱਡੀਆਂ ਗਈਆਂ। ਜਿਸ ਤੋਂ ਬਾਅਦ ਉਸ ਨੂੰ ਹਸਪਤਾਲ ਲੈ ਕੇ ਜਾਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਨੇ ਰਸਤੇ ਵਿਚ ਹੀ ਦਮ ਤੋੜ ਦਿੱਤਾ।
ਪੁਲਿਸ ਨੇ ਅਧਿਕਾਰੀ ਨੇ ਕਿਹਾ ਕਿ ਇਸ ਦੀ ਜੇਬ ਵਿੱਚੋ ਇਕ ਆਈ ਕਾਰਡ ਮਿਲਿਆ ਹੈ, ਜਿਸ ਵਿਚ ਇਸਦਾ ਨਾਮ ਮੁਖਤਿਆਰ ਸਿੰਘ ਵਾਸੀ ਬਿਆਸ ਟਰਾਲੀ ਚਾਲਕ ਹੈ ਤੇ ਬਿਆਸ ਦੀ ਪੁਲਿਸ ਨਾਲ ਗੱਲਬਾਤ ਕਰਕੇ ਇਸ ਦੇ ਵਾਰਸਾਂ ਨੂੰ ਬੁਲਾ ਕੇ ਲਾਸ਼ ਉਨ੍ਹਾਂ ਦੇ ਹਵਾਲੇ ਕਰ ਦਿੱਤੀ ਜਾਵੇਗੀ।
-PTC News