ਰੇਲਗੱਡੀ 'ਚ ਸੀਟਾਂ ਖਾਲੀ ਹਨ ਜਾਂ ਨਹੀਂ, IRCTC ਦੀ ਵੈਬਸਾਈਟ ਤੇ ਐਪ ਰਾਹੀਂ ਵੇਖਣ ਦਾ ਆਸਾਨ ਤਰੀਕਾ, ਇੱਥੇ ਜਾਣੋ

How To Check Seat Availability In Train: ਜਿਵੇਂ ਤੁਸੀਂ ਜਾਣਦੇ ਹੋ ਕਿ ਬਹੁਤੇ ਲੋਕ ਰੇਲਗੱਡੀ 'ਚ ਸਫ਼ਰ ਕਰਦੇ ਹਨ ਪਰ ਹੁਣ ਅੱਜ ਕਲ ਉਹ ਦਿਨ ਚਲੇ ਗਏ ਜਦੋਂ ਤੁਹਾਨੂੰ ਇਹ ਜਾਣਨ ਲਈ ਟਿਕਟ ਬੁੱਕ ਕਰਨ ਦੇ ਪਿੱਛੇ ਭੱਜਣਾ ਪੈਂਦਾ ਸੀ ਕਿ ਰੇਲਗੱਡੀ 'ਚ ਸੀਟ ਖਾਲੀ ਹੈ ਜਾਂ ਨਹੀਂ। ਹੁਣ ਤੁਸੀਂ ਬਿਨਾਂ ਲੌਗਇਨ ਕੀਤੇ IRCTC ਐਪ ਜਾਂ ਵੈੱਬਸਾਈਟ ਦੀ ਵਰਤੋਂ ਕਰਕੇ ਆਸਾਨੀ ਨਾਲ ਚੈੱਕ ਕਰ ਸਕਦੇ ਹੋ ਕਿ ਚਲਦੀ ਰੇਲਗੱਡੀ 'ਚ ਸੀਟਾਂ ਖਾਲੀ ਹਨ ਜਾਂ ਨਹੀਂ।

ਤੁਹਾਨੂੰ ਦਸ ਦਈਏ ਕਿ ਚਲਦੀ ਰੇਲਗੱਡੀ 'ਚ ਖਾਲੀ ਸੀਟਾਂ ਲੱਭਣ ਦਾ ਇੱਕ ਬਹੁਤ ਹੀ ਆਸਾਨ ਤਰੀਕਾ ਹੈ। ਭਾਵੇਂ ਤੁਹਾਡੇ ਕੋਲ ਪੱਕੀ ਟਿਕਟ ਨਹੀਂ ਹੈ, ਤਾਂ ਆਓ ਜਾਣਦੇ ਹਾਂ, ਰੇਲਗੱਡੀ 'ਚ ਖਾਲੀ ਸੀਟ ਪ੍ਰਾਪਤ ਕਰਨ ਦਾ ਆਸਾਨ ਤਰੀਕਾ...

IRCTC ਦੀ ਵੈੱਬਸਾਈਟ ਤੋਂ ਰੇਲਗੱਡੀ 'ਚ ਖਾਲੀ ਸੀਟ ਲੱਭਣ ਦਾ ਤਰੀਕਾ : ਦਸ ਦਈਏ ਕਿ ਸਭ ਤੋਂ ਪਹਿਲਾਂ IRCTC ਦੀ ਵੈੱਬਸਾਈਟ 'ਤੇ ਜਾਣਾ ਹੋਵੇਗਾ ਅਤੇ ਇਸਤੋਂ ਬਾਅਦ ਤੁਹਾਨੂੰ ਮੁੱਖ ਪੰਨੇ 'ਤੇ, ਬੁੱਕ ਟਿਕਟ ਬਾਕਸ ਦੇ ਬਿਲਕੁਲ ਉੱਪਰ, ਚਾਰਟਸ/ਵੇਕੈਂਸੀ ਵਿਕਲਪ ਦੇਖਣ ਨੂੰ ਮਿਲੇਗਾ। ਉਸ ਉਪਰ ਕਲਿੱਕ ਕਰਨ ਤੋਂ ਬਾਅਦ ਤੁਹਾਡੇ ਸਾਹਮਣੇ ਇੱਕ ਰਿਜ਼ਰਵੇਸ਼ਨ ਚਾਰਟ ਨਾਮ ਦਾ ਇੱਕ ਨਵਾਂ ਟੈਬ ਖੁਲ੍ਹੇਗਾ, ਜਿਸ 'ਚ ਪਹਿਲੇ ਡੱਬੇ 'ਚ ਰੇਲ ਦਾ ਨਾਮ/ਨੰਬਰ ਅਤੇ ਦੂਜੇ ਡੱਬੇ 'ਚ ਬੋਰਡਿੰਗ ਸਟੇਸ਼ਨ ਦਰਜ ਕਰਨਾ ਹੋਵੇਗਾ, ਫਿਰ ਤੁਹਾਨੂੰ Get Train Chart Now 'ਤੇ ਕਲਿੱਕ ਕਰਨਾ ਹੋਵੇਗਾ, ਜੋ ਖਾਲੀ ਸੀਟਾਂ ਦੇ ਵੇਰਵਿਆਂ ਦੇ ਨਾਲ ਰਿਜ਼ਰਵੇਸ਼ਨ ਚਾਰਟ ਨੂੰ ਪ੍ਰਗਟ ਕਰੇਗਾ, ਤੁਸੀਂ ਵੱਖ-ਵੱਖ ਕਲਾਸਾਂ ਅਤੇ ਵੱਖ-ਵੱਖ ਕੋਚਾਂ 'ਚ ਖਾਲੀ ਸੀਟਾਂ ਲੱਭ ਸਕਦੇ ਹੋ, ਇੱਥੋਂ ਤੱਕ ਕਿ ਬਰਥ ਅਨੁਸਾਰ ਵੀ।

IRCTC ਐਪ ਦੀ ਵਰਤੋਂ ਕਰਕੇ ਰੇਲਗੱਡੀ 'ਚ ਖਾਲੀ ਸੀਟ ਲੱਭਣ ਦਾ ਤਰੀਕਾ: ਤੁਸੀਂ ਮੋਬਾਈਲ ਫੋਨ 'ਤੇ ਅਧਿਕਾਰਤ IRCTC ਐਪ ਦੀ ਵਰਤੋਂ ਕਰ ਸਕਦੇ ਹੋ। ਇਹ ਐਂਡਰਾਇਡ ਅਤੇ iOS ਐਪ ਸਟੋਰਾਂ 'ਤੇ ਉਪਲਬਧ ਹੈ। ਇੱਕ ਵਾਰ ਇਸਨੂੰ ਡਾਊਨਲੋਡ ਅਤੇ ਸਥਾਪਿਤ ਕਰਨ ਤੋਂ ਬਾਅਦ, ਤੁਸੀਂ ਆਪਣੇ ਲਈ ਇੱਕ ਖਾਲੀ ਸੀਟ ਬੁੱਕ ਕਰਨ ਲਈ ਹੇਠਾਂ ਦਿੱਤੇ ਕਦਮਾਂ ਦੀ ਪਾਲਣਾ ਕਰ ਸਕਦੇ ਹੋ....

• ਤੁਹਾਨੂੰ ਸਭ ਤੋਂ ਪਹਿਲਾਂ IRCTC ਐਪ ਖੋਲ੍ਹਣਾ ਪਵੇਗਾ।
• ਇਸਤੋਂ ਬਾਅਦ ਤੁਹਾਨੂੰ ਗੱਡੀ ਆਈਕਨ 'ਤੇ ਟੈਪ ਕਰਨਾ ਹੋਵੇਗਾ।
• ਇਸਤੋਂ ਬਾਅਦ ਚਾਰਟ ਖਾਲੀ ਥਾਂ 'ਤੇ ਕਲਿੱਕ ਕਰਨਾ ਹੋਵੇਗਾ, ਜੋ ਇਹ ਮੋਬਾਈਲ ਵੈੱਬ ਬ੍ਰਾਊਜ਼ਰ 'ਤੇ ਰਿਜ਼ਰਵੇਸ਼ਨ ਚਾਰਟ ਪੇਜ ਨੂੰ ਖੋਲ੍ਹਦਾ ਹੈ।
• ਇਥੇ ਤੁਹਾਨੂੰ ਰੇਲਗੱਡੀ ਦਾ ਨਾਮ/ਨੰਬਰ ਦੇ ਨਾਲ-ਨਾਲ ਬੋਰਡਿੰਗ ਸਟੇਸ਼ਨ ਵਰਗੇ ਯਾਤਰਾ ਦੇ ਵੇਰਵੇ ਦਰਜ ਕਰਨੇ ਹੋਣਗੇ।
• ਤੁਸੀਂ ਸਕਰੀਨ 'ਤੇ ਉਪਲਬਧ ਖਾਲੀ ਬਰਥਾਂ ਦੀ ਸੰਖਿਆ ਦੇ ਨਾਲ-ਨਾਲ ਖਾਲੀ ਬਰਥਾਂ ਦੀ ਗਿਣਤੀ ਦੇਖਣਗੇ।
• ਇਨ੍ਹਾਂ ਸਾਰੇ ਵੇਰਵਿਆਂ ਨੂੰ ਦੇਖਣ ਲਈ ਤੁਹਾਨੂੰ IRCTC ਐਪ 'ਚ ਲੌਗਇਨ ਕਰਨ ਦੀ ਲੋੜ ਨਹੀਂ ਹੋਵੇਗੀ।

- PTC NEWS

Join Whatsapp Channel