ਡੀਟੀਪੀ ਵਿਭਾਗ ਵੱਲੋਂ ਰਾਮ ਰਹੀਮ ਦੀ ਗੁਫ਼ਾ ਸਮੇਤ 23 ਭਵਨਾਂ ਨੂੰ ਡੇਗਣ ਦੀ ਤਿਆਰੀ,7 ਦਿਨ ਦਾ ਦਿੱਤਾ ਸਮਾਂ

ਡੀਟੀਪੀ ਵਿਭਾਗ ਵੱਲੋਂ ਰਾਮ ਰਹੀਮ ਦੀ ਗੁਫ਼ਾ ਸਮੇਤ 23 ਭਵਨਾਂ ਨੂੰ ਡੇਗਣ ਦੀ ਤਿਆਰੀ,7 ਦਿਨ ਦਾ ਦਿੱਤਾ ਸਮਾਂ:ਸਾਧਵੀ ਬਲਾਤਕਾਰ ਮਾਮਲੇ ਵਿਚ 20 ਸਾਲ ਦੀ ਸਜ਼ਾ ਕੱਟ ਰਹੇ ਡੇਰਾ ਮੁਖੀ ਰਾਮ ਰਹੀਮ ਦਾ ਪੂਰਨ ਤੌਰ 'ਤੇ ਸਫ਼ਾਇਆ ਕਰਨ ਦੀਆਂ ਤਿਆਰੀਆਂ ਚੱਲ ਹਨ।ਰਾਮ ਰਹੀਮ ਇਸ ਸਮੇਂ ਸੁਨਾਰੀਆ ਜੇਲ੍ਹ ਦੇ ਵਿੱਚ ਸਜ਼ਾ ਕੱਟ ਰਿਹਾ ਹੈ।ਡੀਟੀਪੀ ਵਿਭਾਗ ਵੱਲੋਂ ਰਾਮ ਰਹੀਮ ਦੀ ਗੁਫ਼ਾ ਸਮੇਤ 23 ਭਵਨਾਂ ਨੂੰ ਡੇਗਣ ਦੀ ਤਿਆਰੀ ਕਰ ਲਈ ਹੈ।ਡੀਟੀਪੀ ਦਾ ਕਹਿਣਾ ਹੈ ਕਿ ਇਹ ਭਵਨ ਗੈਰ ਕਾਨੂੰਨੀ ਕਰਾਰ ਦਿੱਤੇ ਜਾ ਚੁੱਕੇ ਹਨ ਅਤੇ ਇਨ੍ਹਾਂ ਨੂੰ ਡੇਗਣ ਦੇ ਲਈ ਡੇਰਾ ਪ੍ਰਬੰਧਨ ਨੂੰ ਨੋਟਿਸ ਵੀ ਜਾਰੀ ਕਰ ਦਿੱਤੇ ਹਨ।ਨੋਟਿਸ ਦਾ ਜਵਾਬ ਦੇਣ ਦੇ ਲਈ 7 ਦਿਨ ਦੀ ਮੋਹਲਤ ਦਿੱਤੀ ਗਈ ਹੈ।ਡੇਰਾ ਪ੍ਰਬੰਧਨ ਨੇ ਇਨ੍ਹਾਂ ਸਾਰੇ 23 ਭਵਨਾਂ ਨੂੰ ਬਚਾਈ ਰੱਖਣ ਦੇ ਲਈ ਹਰਿਆਣਾ ਸਰਕਾਰ ਦੇ ਟਾਊਨ ਐਂਡ ਕੰਟਰੀ ਪਲਾਨਿੰਗ ਵਿਭਾਗ ਦੇ ਪ੍ਰਧਾਨ ਸਕੱਤਰ ਅਰੁਣ ਗੁਪਤਾ ਦੇ ਕੋਲ ਅਪੀਲ ਵੀ ਦਾਇਰ ਕੀਤੀ ਹੈ।ਡੇਰੇ ਦੇ 23 ਭਵਨ ਵਿਵਾਦਾਂ ਦੇ ਘੇਰੇ ਵਿਚ ਇਸ ਲਈ ਵੀ ਆਏ ਹਨ ਕਿਉਂਕਿ ਉਨ੍ਹਾਂ ਦੇ ਨਿਰਮਾਣ ਦੇ ਲਈ ਸੀਐਲਓ ਪ੍ਰਮਾਣ ਪੱਤਰ ਨਹੀਂ ਲੈਣ ਵਿਚ ਦਿੱਤੀ ਗਈ ਛੋਟ ਖਤਮ ਹੋ ਚੁੱਕੀ ਹੈ।ਇਸ ਦੇ ਨਾਲ ਹੀ ਇਨ੍ਹਾਂ ਦੇ ਸੀਐਲਯੂ ਦੇ ਨਵੇਂ ਆਵੇਦਨ ਨੂੰ ਵੀ ਰੱਦ ਕਰ ਦਿੱਤਾ ਗਿਆ ਹੈ।ਹਾਲਾਂਕਿ ਡੇਰਾ ਪ੍ਰਬੰਧਨ ਨੇ ਇਨ੍ਹਾਂ 23 ਵਿਵਾਦਮਈ ਭਵਨਾਂ ਵਿਚੋਂ 12 ਭਵਨਾਂ ਦੀ ਮਨਜ਼ੂਰੀ ਲੈ ਲਈ ਸੀ,ਜਦ ਕਿ 11 ਭਵਨਾਂ ਦੀ ਮਨਜ਼ੂਰੀ ਦੇ ਲਈ ਆਵੇਦਨ ਕੀਤਾ ਹੋਇਆ ਸੀ।ਲੇਕਿਨ ਜਿਹੜੇ 12 ਭਵਨਾਂ ਦੀ ਮਨਜ਼ੂਰੀ ਲਈ ਗਈ ਸੀ ਉਸ ਦੀ ਮਿਆਦ ਵੀ ਖਤਮ ਹੋ ਚੁੰਕੀ ਹੈ।ਸਿਰਸਾ ਡੀਟੀਪੀ ਕਰਮਵੀਰ ਨੇ ਕਿਹਾ ਕਿ 7 ਦਿਨਾਂ ਵਿਚ ਨੋਟਿਸ ਦਾ ਜਵਾਬ ਨਹੀਂ ਦਿੱਤਾ ਤਾਂ ਵਿਵਾਦਮਈ ਭਵਨਾਂ ਨੂੰ ਡੇਗਿਆ ਜਾਵੇਗਾ।

-PTCNews