ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਜਾਰੀ ਹੈ ਉਤਰਾਅ-ਚੜਾਅ, ਨਵੇਂ ਭਾਅ ਕੁਝ ਇਸ ਪ੍ਰਕਾਰ ਰਹੇ
ਨਵੀਂ ਦਿੱਲੀ : ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਜਾਰੀ ਹੈ ਉਤਰਾਅ-ਚੜਾਅ, ਨਵੇਂ ਭਾਅ ਕੁਝ ਇਸ ਪ੍ਰਕਾਰ ਰਹੇ : ਪਿਛਲੇ ਕੁਝ ਸਮੇਂ ਤੋਂ ਉਚਾਈਆਂ ਨੂੰ ਛੂਹ ਰਹੀ ਸੋਨੇ-ਚਾਂਦੀ ਦੀ ਕੀਮਤ 'ਚ ਲਗਾਤਾਰ ਉਤਰਾਅ-ਚੜਾਅ ਵੇਖਣ ਨੂੰ ਮਿਲ ਰਿਹਾ ਹੈ । ਅੱਜ ਮੰਗਲਵਾਰ ਨੂੰ ਘਰੇਲੂ ਬਾਜ਼ਾਰ 'ਚ ਸੋਨੇ-ਚਾਂਦੀ ਦੇ ਭਾਅ 'ਚ ਗਿਰਾਵਟ ਵੇਖਣ ਨੂੰ ਮਿਲੀ ਹੈ । ਸਵੇਰੇ 10.12 ਵਜੇ ਵਾਅਦੇ ਦੇ ਸੋਨੇ ਦੀ ਕੀਮਤ 95 ਰੁਪਏ ਡਿੱਗ ਕੇ 50, 637 ਰੁਪਏ ਪ੍ਰਤੀ ਗ੍ਰਾਮ ਟਰੈਂਡ ਕਰ ਰਿਹਾ ਸੀ। India Bullion & Jewellers Association Ltd. #IBJA ਦੇ ਅਨੁਸਾਰ 10 ਗ੍ਰਾਮ ਪ੍ਰਤੀ ਗ੍ਰਾਮ ਦੇ ਹਿਸਾਬ ਨਾਲ ਅੱਜ ਦੀ ਕੀਮਤ 50, 797 ਦਿਖਾਈ ਦਿੱਤੀ ।
ਓਧਰ ਚਾਂਦੀ ਦਾ ਭਾਅ ਵੀ 60, 890 ਰੁਪਏ ਪ੍ਰਤੀ ਗ੍ਰਾਮ ਦੇਖਣ ਨੂੰ ਮਿਲਿਆ ਜਦਕਿ ਐੱਮਸੀਐਕਸ ਐਕਸਚੇਂਜ 'ਚ ਦਸੰਬਰ ਵਾਅਦਾ ਦੀ ਚਾਂਦੀ ਦਾ ਭਾਅ ਮੰਗਲਵਾਰ ਸਵੇਰੇ 10:15 ਵਜੇ 161 ਰੁਪਏ ਦੀ ਗਿਰਾਵਟ ਨਾਲ 61,780 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਟਰੈਂਡ ਕਰਦਾ ਦਿਖਾਈ ਦਿੱਤਾ।
ਅਗਾਂਹ ਕਈ ਤਿਓਹਾਰ ਆਉਣ ਵਾਲੇ ਹਨ ਅਤੇ ਵਿਆਹ ਸ਼ਾਦੀਆਂ ਦਾ ਸੀਜ਼ਨ ਵੀ ਨੇੜੇ ਹੈ , ਸੋ ਕਿਆਸੇ ਲਗਾਏ ਜਾ ਰਹੇ ਹਨ ਕਿ ਕੀਮਤਾਂ 'ਚ ਫ਼ਿਰ ਉਛਾਲ ਆ ਸਕਦਾ ਹੈ ।
ਜੇਕਰ ਮਾਹਰਾਂ ਦੀ ਰਾਇ ਵੱਲ ਧਿਆਨ ਦੇਈਏ ਤਾਂ ਉਹਨਾਂ ਦਾ ਮੰਨਣਾ ਹੈ ਕਿ ਇਹ ਨਿਵੇਸ਼ ਲਈ ਚੰਗਾ ਸਮਾਂ ਹੈ , ਹੋ ਸਕਦਾ ਹੈ ਅਗਾਂਹ ਜਾ ਕੇ ਰੇਟ ਹੋਰ ਉਚਾਈ ਤੱਕ ਅਪੜਨ। ਪਿਛਲੇ ਅਗਸਤ ਮਹੀਨੇ ਸੋਨਾ ਵਾਅਦਾ ਬਜ਼ਾਰ 'ਚ ਉੱਚ-ਪੱਧਰੀ ਆਲ ਟਾਈਮ ਹਾਈ ਤੱਕ ਅੱਪੜਿਆ ਸੀ। ਉਸ ਵੇਲੇ 10 ਗ੍ਰਾਮ ਦੀ ਕੀਮਤ 56, 200 ਸੀ। ਮਾਹਰਾਂ ਦਾ ਮੰਨਣਾ ਹੈ ਕਿ ਅੱਗੇ ਵੀ ਸੋਨੇ-ਚਾਂਦੀ ਦੋਨਾਂ 'ਚ ਹੀ ਉਤਰਾਅ-ਚੜ੍ਹਾਅ ਵੇਖਣ ਨੂੰ ਮਿਲ ਸਕਦੇ ਹਨ।