ਗੁਰਦਾਸਪੁਰ ਸਰਹੱਦ ਤੋਂ BSF ਨੇ 22 ਪੈਕਟ ਹੈਰੋਇਨਅਤੇ ਹਥਿਆਰ ਕੀਤੇ ਬਰਾਮਦ
ਗੁਰਦਾਸਪੁਰ ਸਰਹੱਦ ਤੋਂ BSF ਨੇ 22 ਪੈਕਟ ਹੈਰੋਇਨਅਤੇ ਹਥਿਆਰ ਕੀਤੇ ਬਰਾਮਦ:ਗੁਰਦਾਸਪੁਰ : ਜ਼ਿਲ੍ਹਾ ਗੁਰਦਾਸਪੁਰ ਦੇ ਨਾਲ ਲੱਗਦੀ ਹਿੰਦ-ਪਾਕਿ ਸਰਹੱਦ 'ਤੇ ਚੌਤਰਾ ਪੋਸਤ 'ਤੇ ਤਾਇਨਾਤ ਬੀ.ਐੱਸ.ਐੱਫ. ਦੀ 58 ਬਟਾਲੀਅਨ ਵਲੋਂ ਅੱਜ ਸਵੇਰੇ ਵੱਡੀ ਮਾਤਰਾ 'ਚ ਹੈਰੋਇਨ ਫੜਨ 'ਚ ਸਫਲਤਾ ਹਾਸਲ ਕੀਤੀ ਹੈ, ਜਿਨ੍ਹਾਂ ਦੀ ਗਿਣਤੀ 22 ਪੈਕਟ ਬਣਦੀ ਹੈ। ਕੌਮਾਂਤਰੀ ਬਾਜ਼ਾਰ ਵਿੱਚ ਇਸ ਹੈਰੋਇਨ ਦੀ ਕੀਮਤ 1 ਕਰੋੜ 12.5 ਲੱਖਰੁਪਏ ਦੱਸੀ ਗਈ ਹੈ। ਇਸ ਤੋਂ ਇਲਾਵਾ ਹਥਿਆਰ ਵੀ ਬਰਾਮਦ ਕੀਤੇ ਗਏ ਹਨ।
ਗੁਰਦਾਸਪੁਰ ਸਰਹੱਦ ਤੋਂ BSF ਨੇ 22 ਪੈਕਟ ਹੈਰੋਇਨਅਤੇ ਹਥਿਆਰ ਕੀਤੇ ਬਰਾਮਦ
ਮਿਲੀ ਜਾਣਕਾਰੀ ਮੁਤਾਬਿਕ ਇਹ ਹੈਰੋਇਨ ਪਾਕਿਸਤਾਨ ਵਲੋਂ ਸੁੱਟੀ ਗਈ ਸੀ। ਗੁਰਦਾਸਪੁਰ ਪੁਲਿਸ ਮੁਤਾਬਿਕ ਅੱਜ ਸਵੇਰੇ ਸੀਮਾ ਸੁਰੱਖਿਆ ਬਲ ਦੀ 58 ਬਟਾਲੀਅਨ ਦੇ ਜਵਾਨ ਚੌਂਤਰਾ ਪੋਸਟ 'ਤੇ ਡਿਊਟੀ ਦੇ ਰਹੇ ਸਨ ਤਾਂ ਸਰਹੱਦ 'ਤੇ ਲੱਗੀ ਕੰਡਿਆਲੀ ਤਾਰ ਨੇੜੇ ਹਲਚਲ ਹੁੰਦੀ ਦਿਖਾਈ ਦਿੱਤੀ। ਜਿਸ ਤੋਂ ਬਾਅਦ ਜਵਾਨਾਂ ਨੇ ਫਾਇਰਿੰਗ ਕੀਤੀ ਪਰ ਤਸਕਰ ਪਾਕਿਸਤਾਨ ਵਾਲੇ ਪਾਸੇ ਭੱਜਣ 'ਚ ਸਫਲ ਹੋ ਗਏ।
ਗੁਰਦਾਸਪੁਰ ਸਰਹੱਦ ਤੋਂ BSF ਨੇ 22 ਪੈਕਟ ਹੈਰੋਇਨਅਤੇ ਹਥਿਆਰ ਕੀਤੇ ਬਰਾਮਦ
ਇਸ ਮਗਰੋਂ ਜਦੋਂ ਬੀਐਸਐਫ ਜਵਾਨਾਂ ਨੇ ਕੰਡਿਆਲੀ ਤਾਰ ਨੇੜੇ ਜਾਂਚ ਪੜਤਾਲ ਕੀਤੀ ਤਾਂ ਉੱਥੋਂ ਬੀਐੱਸਐੱਫ ਦੇ ਜਵਾਨਾਂ ਨੇ 22.5 ਪੈਕੇਟ ਹੈਰੋਇਨ, 90 ਜ਼ਿੰਦਾ ਕਾਰਤੂਸ ਤੇ ਦੋ ਚਾਈਨਾ ਮੇਡ ਪਿਸਟਲਾਂ, 2 ਮੋਬਾਈਲ ਤੇ ਸਮੱਗਲਰਾਂ ਵੱਲੋਂ ਪਾਈਆਂ ਗਈਆਂ ਜੁੱਤੀਆਂ ਬਰਾਮਦ ਕਰਨ 'ਚ ਸਫਲਤਾ ਹਾਸਲ ਕੀਤੀ ਹੈ।ਫਿਲਹਾਲ ਜਵਾਨਾਂ ਵਲੋਂ ਇਲਾਕੇ 'ਚ ਸਰਚ ਮੁਹਿੰਮ ਚਲਾਈ ਜਾ ਰਹੀ ਹੈ।
-PTCNews