ਵਿਆਹ ਤੋਂ ਬਾਅਦ ਸਹੁਰਿਆਂ ਦਾ ਖੁੱਲ੍ਹਿਆ ਵੱਡਾ ਭੇਤ, ਕੁੜੀ ਨੇ ਲਾਈ ਇਨਸਾਫ ਦੀ ਗੁਹਾਰ
Jagroop Kaur
December 18th 2020 03:24 PM --
Updated:
December 18th 2020 03:44 PM
ਲੁਧਿਆਣਾ : ਵਿਆਹ ਤੋਂ ਬਾਅਦ ਨੀਨਾ ਨਾਮਕ ਵਿਆਹੁਤਾ ਨੇ ਸੋਚਿਆ ਵੀ ਨਹੀਂ ਹੋਵੇਗਾ ਕਿ ਉਸ ਨਾਲ ਅਜਿਹਾ ਕੁਝ ਹੋਵੇਗਾ ਕਿ ਉਸ ਦੀ ਜ਼ਿੰਦਗੀ ਤਬਾਹ ਹੋ ਜਾਵੇਗੀ। ਦਰਅਸਲ ਨੀਨਾ ਨਿਵਾਸੀ ਪਿੰਡ ਹੀਰਾਂ ਨੇ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਹੈ ਜਿਸ ਵਿਚ ਉਸਨੇ ਪਤੀ, ਸੱਸ, ਸਹੁਰੇ, ਦਿਓਰ ’ਤੇ ਗੰਭੀਰ ਦੋਸ਼ ਲਾਉਂਦੇ ਹੋਏ ਦੱਸਿਆ ਕਿ ਸਹੁਰਿਆਂ ਨੇ ਧੋਖੇ ਨਾਲ ਉਸ ਦਾ ਵਿਆਹ ਆਪਣੇ ਪੁੱਤਰ ਨਾਲ ਕਰਵਾਇਆ । ਵਿਆਹ ਸਮੇਂ ਮੁੰਡੇ ਦੇ ਕੁਵਾਰੇ ਹੋਣ ਦੀ ਗੱਲ ਹੀ ਦੱਸੀ ਸੀ ,ਪਰ ਵਿਆਹ ਤੋਂ ਬਾਅਦ ਪਤਾ ਲੱਗਾ ਕਿ ਜਿਸ ਨਾਲ ਉਸਦਾ ਵਿਆਹ ਹੋਇਆ ਹੈ। ਉਹਦਾ ਪਹਿਲਾਂ ਵੀ ਦੋ ਵਾਰ ਵਿਆਹ ਹੋ ਚੁੱਕਾ ਹੈ। ਜਦੋਂ ਮੈਂ ਆਪਣੀ ਸੱਸ ਨੂੰ ਕਿਹਾ ਕਿ ਤੁਸੀਂ ਝੂਠ ਬੋਲ ਕੇ ਵਿਆਹ ਕਿਉਂ ਕੀਤਾ ਤਾਂ ਉਹ ਮੈਨੂੰ ਮਾਨਸਿਕ ਅਤੇ ਸਰੀਰਕ ਤੌਰ ’ਤੇ ਪ੍ਰੇਸ਼ਾਨ ਕਰਨ ਲੱਗੇ।