ਨਨ ਜਬਰ ਜਨਾਹ ਮਾਮਲਾ :ਸਾਬਕਾ ਬਿਸ਼ਪ ਫਰੈਂਕੋ ਮੁਲੱਕਲ ਦੀ ਜ਼ਮਾਨਤ ਅਰਜ਼ੀ ਕੇਰਲ ਹਾਈਕੋਰਟ ਨੇ ਕੀਤੀ ਖਾਰਿਜ
Shanker Badra
October 3rd 2018 02:28 PM
ਨਨ ਜਬਰ ਜਨਾਹ ਮਾਮਲਾ :ਸਾਬਕਾ ਬਿਸ਼ਪ ਫਰੈਂਕੋ ਮੁਲੱਕਲ ਦੀ ਜ਼ਮਾਨਤ ਅਰਜ਼ੀ ਕੇਰਲ ਹਾਈਕੋਰਟ ਨੇ ਕੀਤੀ ਖਾਰਿਜ:ਕੇਰਲਾ ਨਨ ਜਬਰ ਜਨਾਹ ਮਾਮਲੇ ਦੇ ਦੋਸ਼ੀ ਜਲੰਧਰ ਦੇ ਸਾਬਕਾ ਬਿਸ਼ਪ ਫਰੈਂਕੋ ਮੁਲੱਕਲ ਦੀ ਜ਼ਮਾਨਤ ਅਰਜ਼ੀ ਨੂੰ ਕੇਰਲ ਹਾਈਕੋਰਟ ਨੇ ਖ਼ਾਰਜ ਕਰ ਦਿੱਤਾ ਹੈ।ਜ਼ਮਾਨਤ ਲਈ ਬਹਿਸ ਕਰਦੇ ਹੋਏ ਮੁਲੱਕਲ ਦੇ ਵਕੀਲ ਨੇ ਬਿਸ਼ਪ ਦਾ ਇੱਕ ਵੀਡੀਓ ਸਬੂਤ ਵਜੋਂ ਪੇਸ਼ ਕੀਤਾ, ਜਿਸ ਵਿੱਚ ਉਹ ਪੀੜਤਾ ਦੇ ਘਰ ਵਿੱਚ ਇੱਕ ਨਿਜੀ ਸਮਾਰੋਹ ਵਿੱਚ ਹਿੱਸਾ ਲੈਂਦੇ ਦਿਖ ਰਹੇ ਹਨ।ਜਿਸ ਵਿੱਚ ਦਿਖਾਇਆ ਸੀ ਕਿ ਨਨ ਦੇ ਨਾਲ ਕਥਿਤ ਰੂਪ ਨਾਲ ਪਹਿਲੀ ਵਾਰ ਜਬਰ ਜਨਾਹ ਤੋਂ ਅਗਲੇ ਦਿਨ ਉਹ ਉਸਦੇ ਘਰ ਗਏ ਸਨ।ਮੁੱਦਈ ਪੱਖ ਨੇ ਕਿਹਾ ਕਿ ਉਨ੍ਹਾਂ ਨੂੰ ਜ਼ਮਾਨਤ ਦੇਣ ਨਾਲ ਚੱਲ ਰਹੀ ਜਾਂਚ ਪ੍ਰਭਾਵਿਤ ਹੋ ਸਕਦੀ ਹੈ, ਕਿਉਂਕਿ ਇਸ ਮਾਮਲੇ ਵਿੱਚ ਅਜੇ ਹੋਰ ਬਿਆਨਾਂ ਨੂੰ ਰਿਕਾਰਡ ਕੀਤਾ ਜਾਣਾ ਹੈ।