ਕੋਟਕਪੂਰਾ ਗੋਲੀਕਾਂਡ : ਫਰੀਦਕੋਟ ਅਦਾਲਤ ਵੱਲੋਂ ਮਾਮਲੇ ਦੀ ਫਾਇਲ ਨੂੰ ਕੀਤਾ ਬੰਦ

By  Jagroop Kaur April 28th 2021 12:22 PM

ਕੋਟਕਪੂਰਾ ਗੋਲੀਕਾਂਡ ਮਾਮਲੇ 'ਚ ਨਾਮਜਦ ਮੁਲਜ਼ਮਾਂ ਨੂੰ ਵੱਡੀ ਰਾਹਤ ਦਿੰਦੇ ਹੋਏ ਫਰੀਦਕੋਟ ਅਡੀਸ਼ਨਲ ਜਿਲਾ ਅਤੇ ਸੇਸ਼ਨ ਜੱਜ ਹਰਬੰਸ ਸਿੰਘ ਲੇਖੀ ਦੀ ਅਦਾਲਤ ਨੇ ਫਿਲਹਾਲ ਮੁਲਜ਼ਮਾਂ ਖਿਲਾਫ ਕਾਰਵਾਈ ਤੇ ਰੋਕ ਲੈ ਦਿੱਤੀ ਹੈ , ਮੰਗਲਵਾਰ ਨੂੰ ਕੋਟਕਪੂਰਾ ਗੋਲੀਕਾਂਡ ਕੇਸ ਦੀ ਫਾਇਲ ਨੂੰ ਬੰਦ ਕਰ ਦਿੱਤਾ ।

ਇਹ ਕਾਰਵਾਈ ਕੋਟਕਪੂਰਾ ਗੋਲੀਕਾਂਡ ਕੇਸ ਵਿੱਚ ਕੁੱਝ ਦਿਨ ਪਹਿਲਾਂ ਪੰਜਾਬ ਹਰਿਆਣਾ ਹਾਈਕੋਰਟ ਦੇ ਵੱਲੋਂ ਐੱਸ ਆਈ ਟੀ ਦੀ ਜਾਂਚ ਰਿਪੋਰਟ ਰੱਦ ਕਰਣ ਦੇ ਫੈਸਲੇ ਦੇ ਆਧਾਰ ਤੇ ਕੀਤੀ ਗਈ ਅਤੇ ਜਿਲਾ ਅਦਾਲਤ ਦੇ ਕੇਸ ਫਾਇਲ ਬੰਦ ਕਰਣ ਨਾਲ ਉਕਤ ਕੇਸ ਵਿੱਚ ਚਾਰਜਸ਼ੀਟ ਕੀਤੇ ਗਏ ਸੂਬੇ ਦੇ ਸਾਬਕਾ ਡੀਜੀਪੀ ਸੁਮੇਧ ਸਿੰਘ ਸੈਣੀ , ਮੁਅੱਤਲ ਆਈਜੀ ਪਰਮਰਾਜ ਸਿੰਘ ਉਮਰਾਨੰਗਲ , ਸਾਬਕਾ ਅਕਾਲੀ ਵਿਧਾਇਕ ਮਨਤਾਰ ਸਿੰਘ ਬਰਾੜ ਸਮੇਤ 7 ਲੋਕਾਂ ਨੂੰ ਵੱਡੀ ਰਾਹਤ ਮਿਲੀ ਹੈ ।

Read More : ਪ੍ਰਸਿੱਧ ਸਿੱਖ ਲੇਖ਼ਕ ਡਾ.ਹਰਬੰਸ ਸਿੰਘ ਚਾਵਲਾ ਦਾ ਕੋਰੋਨਾ ਕਾਰਨ ਹੋਇਆ ਦਿਹਾਂਤ

ਜਾਣਕਾਰੀ ਦੇ ਅਨੁਸਾਰ ਕੋਟਕਪੂਰਾ ਗੋਲੀਕਾਂਡ ਮਾਮਲੇ ਵਿੱਚ ਜਾਂਚ ਦੇ ਆਧਾਰ ਤੇ ਐਸਆਈਟੀ ਨੇ 7 ਲੋਕਾਂ ਦੇ ਖਿਲਾਫ ਚਾਰਜਸ਼ੀਟ ਦਾਖਲ ਕਰ ਦਿੱਤੀ ਸੀ ਅਤੇ ਇਨ੍ਹਾਂ ਦੇ ਖਿਲਾਫ ਸ਼ੁਰੂ ਹੋਏ ਟਰਾਇਲ ਦੇ ਤਹਿਤ ਮੰਗਲਵਾਰ ਨੂੰ ਅਡੀਸ਼ਨਲ ਸੇਸ਼ਨ ਜੱਜ ਦੀ ਅਦਾਲਤ ਵਿੱਚ ਸੁਣਵਾਈ ਹੋਣੀ ਸੀ ।

Read More : ਮੇਅਰ ਦੀ ਪਾਰਟੀ ‘ਚ ਕੋਰੋਨਾ ਨਿਯਮਾਂ ਦੀਆਂ ਉੱਡੀਆਂ ਧੱਜੀਆਂ, ਕਾਂਗਰਸੀ ਆਗੂਆਂ ਖ਼ਿਲਾਫ਼ ਮਾਮਲਾ ਦਰਜ

ਸੁਣਵਾਈ ਦੇ ਦੌਰਾਨ ਬਚਾਵ ਪੱਖ ਦੇ ਵਕੀਲ ਗੁਰਸਾਹਿਬ ਸਿੰਘ ਬਰਾੜ ਨੇ ਜਿਲਾ ਅਦਾਲਤ ਨੂੰ ਉੱਚ ਅਦਾਲਤ ਦੇ ਫੈਸਲੇ ਦੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਉੱਚ ਅਦਾਲਤ ਨੇ ਬੀਤੀ 9 ਅਪ੍ਰੈਲ ਨੂੰ ਉਕਤ ਕੇਸ ਦੀ ਜਾਂਚ ਰਿਪੋਰਟ ਰੱਦ ਕਰ ਦਿੱਤੀ ਸੀ ਜਿਸਦੇ ਸੰਬੰਧ ਵਿੱਚ 23 ਅਪ੍ਰੈਲ ਨੂੰ ਹਾਈਕੋਰਟ ਨੇ 89 ਪੇਜ ਦੇ ਫੈਸਲੇ ਨੂੰ ਸਾਰਵਜਨਿਕ ਕਰ ਦਿੱਤਾ ਸੀ । ਇਸਦੇ ਆਧਾਰ ਤੇ ਬਚਾ ਪੱਖ ਨੇ ਜਿਲਾ ਅਦਾਲਤ ਕੋਲ ਕੇਸ ਫਾਇਲ ਨੂੰ ਬੰਦ ਕਰਣ ਦੀ ਮੰਗ ਰੱਖੀ ਜਿਸਨੂੰ ਅਦਾਲਤ ਨੇ ਸਵੀਕਾਰ ਕਰ ਲਿਆ ।ਕੋਟਕਪੂਰਾ ਗੋਲੀਕਾਂਡ - ਜਿਲ੍ਹਾ ਅਦਾਲਤ ਨੇ ਕੇਸ ਦੀ ਫਾਇਲ ਨੂੰ ਕੀਤਾ ਬੰਦ 

ਜਿਲਾ ਅਦਾਲਤ ਨੇ ਕੇਸ ਫਾਇਲ ਬੰਦ ਕਰਣ ਦੇ ਨਾਲ ਨਾਲ ਐਸਆਈਟੀ ਦੇ ਵੱਲੋਂ ਚਾਰਜਸ਼ੀਟ ਕੀਤੇ ਗਏ ਸਾਬਕਾ ਡੀਜੀਪੀ , ਮੁਅੱਤਲ ਆਈਜੀ , ਸਾਬਕਾ ਅਕਾਲੀ ਵਿਧਾਇਕ ਸਮੇਤ ਸਾਬਕਾ ਐਸਐਸਪੀ ਚਰਨਜੀਤ ਸਿੰਘ ਸ਼ਰਮਾ , ਤੱਤਕਾਲੀ ਏਡੀਸੀਪੀ ਲੁਧਿਆਨਾ ਪਰਮਜੀਤ ਸਿੰਘ ਪੰਨੂ , ਤਤਕਾਲੀ ਡੀਐਸਪੀ ਬਲਜੀਤ ਸਿੰਘ ਅਤੇ ਥਾਨਾ ਸਿਟੀ ਐਸਐਚਓ ਰਹੇ ਗੁਰਦੀਪ ਸਿੰਘ ਨੂੰ ਫਿਲਹਾਲ ਆਜ਼ਾਦ ਕਰ ਦਿੱਤਾ ਹੈ |

Related Post