ਲੁਧਿਆਣਾ ਚ ਕਈ ਮਿਲੋਮੀਟਰ ਲੱਗਿਆ ਜਾਮ, ਡਾ. ਅੰਬੇਦਕਰ ਦੀ ਮੂਰਤੀ ਦੇ ਅਪਮਾਨ ਨੂੰ ਲੈ ਕੇ ਰੋਹ ਭੜਕਿਆ, ਟ੍ਰੈਫ਼ਿਕ ਨੂੰ ਕੀਤਾ ਜਾ ਰਿਹਾ ਡਾਇਵਰਟ

Dr Ambedkar Statue Desecration :  ਲੁਧਿਆਣਾ ਵਿੱਚ ਸੰਵਿਧਾਨ ਨਿਰਮਾਤਾ ਡਾ. ਬੀ.ਆਰ. ਅੰਬੇਦਕਰ ਦੀ ਮੂਰਤੀ ਦੇ ਅਪਮਾਨ ਨੂੰ ਲੈ ਕੇ ਵਾਲਮੀਕੀ ਭਾਈਚਾਰੇ 'ਚ ਰੋਹ ਭੜਕ ਗਿਆ ਹੈ, ਜਿਸ ਦੇ ਮੱਦੇਨਜ਼ਰ ਲੁਧਿਆਣਾ ਵਿੱਚ ਦਿੱਲੀ-ਅੰਮ੍ਰਿਤਸਰ ਨੈਸ਼ਨਲ ਹਾਈਵੇਅ ਜਾਮ ਕਰ ਦਿੱਤਾ ਗਿਆ ਹੈ। ਨਤੀਜੇ ਵੱਜੋਂ ਕਈ ਕਿਲੋਮੀਟਰ ਤੱਕ ਵਾਹਨਾਂ ਦੀਆਂ ਲਾਈਨਾਂ ਲੱਗ ਗਈਆਂ ਹਨ ਅਤੇ ਯਾਤਰੀ ਖੱਜਲ ਹੋ ਰਹੇ ਹਨ।

ਦੱਸ ਦਈਏ ਕਿ ਬੀਤੇ ਦਿਨ ਸ਼ਰਾਰਤੀ ਅਨਸਰਾਂ ਵੱਲੋਂ ਦਿਨ-ਦਿਹਾੜੇ ਡਾ. ਅੰਬੇਦਕਰ ਦੀ ਮੂਰਤੀ 'ਤੇ ਜੁੱਤੀਆਂ ਦਾ ਹਾਰ ਪਾ ਦਿੱਤਾ ਸੀ, ਜਿਸ ਕਾਰਨ ਵਾਲਮੀਕੀ ਭਾਈਚਾਰੇ ਵੱਲੋਂ ਲੁਧਿਆਣਾ 'ਚ ਬੰਦ ਦਾ ਐਲਾਨ ਕੀਤਾ ਗਿਆ ਸੀ। ਮੁਲਜ਼ਮਾਂ ਦੀ ਗ੍ਰਿਫ਼ਤਾਰੀ ਨੂੰ ਲੈ ਕੇ ਭਾਈਚਾਰੇ ਵੱਲੋਂ ਲਗਾਤਾਰ ਸਰਕਾਰ ਖਿਲਾਫ਼ ਰੋਸ ਪ੍ਰਦਰਸ਼ਨ ਕੀਤਾ ਗਿਆ।

ਜਲੰਧਰ ਬਾਈਪਾਸ 'ਤੇ ਲਾਇਆ ਜਾਮ (Ludhiana Jam News)

ਭਾਈਚਾਰੇ ਵੱਲੋਂ ਲੁਧਿਆਣਾ ਦੇ ਜਲੰਧਰ ਬਾਈਪਾਸ ਚੌਕ ਨੇੜੇ ਜਾਮ ਲਾਇਆ ਹੋਇਆ ਸੀ, ਜਿਸ ਕਾਰਨ ਅੰਮ੍ਰਿਤਸਰ, ਜਲੰਧਰ, ਲੁਧਿਆਣਾ, ਪਟਿਆਲਾ, ਅੰਬਾਲਾ, ਕਰਨਾਲ ਅਤੇ ਪਾਣੀਪਤ ਜਾਣ ਵਾਲੇ ਯਾਤਰੀਆਂ ਨੂੰ ਪਰੇਸ਼ਾਨੀ ਹੋ ਰਹੀ ਹੈ। ਟ੍ਰੈਫਿਕ ਜਾਮ ਦੇ ਕਾਰਨ, ਦੁਪਹਿਰ ਦੇ ਸਮੇਂ ਸਕੂਲ ਬੱਸਾਂ ਵੀ ਫਸ ਸਕਦੀਆਂ ਹਨ, ਜਿਸ ਨਾਲ ਬੱਚਿਆਂ ਨੂੰ ਮੁਸ਼ਕਲ ਆ ਸਕਦੀ ਹੈ।

ਟ੍ਰੈਫ਼ਿਕ ਵੇਖ ਕੇ ਲੋਕ ਘਰਾਂ ਨੂੰ ਪਰਤੇ (Ludhiana News)

ਟ੍ਰੈਫਿਕ ਜਾਮ ਦਾ ਸਾਹਮਣਾ ਕਰਦੇ ਹੋਏ ਲੋਕ ਘਰ ਵਾਪਸ ਜਾਣ ਲਈ ਸੜਕ ਦੇ ਡਿਵਾਈਡਰ ਨੂੰ ਪਾਰ ਕਰਦੇ ਹੋਏ ਅੱਧੇ ਰਸਤੇ ਤੋਂ ਪਿੱਛੇ ਮੁੜ ਰਹੇ ਹਨ। ਭਾਈਚਾਰੇ ਨੇ 'ਲੁਧਿਆਣਾ ਬੰਦ' (ਬੰਦ) ਦਾ ਵੀ ਸੱਦਾ ਦਿੱਤਾ ਹੈ। ਹਾਲਾਂਕਿ ਸ਼ਹਿਰ ਦੇ ਬਾਜ਼ਾਰ ਸ਼ੁਰੂ ਵਿੱਚ ਖੁੱਲ੍ਹੇ ਰਹੇ, ਪਰ ਹੁਣ ਪ੍ਰਦਰਸ਼ਨਕਾਰੀ ਦੁਕਾਨਾਂ ਨੂੰ ਬੰਦ ਕਰਨ ਲਈ ਪਹੁੰਚੇ ਸਨ।

ਪੁਲਿਸ ਵੱਲੋਂ ਟ੍ਰੈਫ਼ਿਕ ਨੂੰ ਕੀਤਾ ਗਿਆ ਡਾਇਵਰਟ

ਜਾਣਕਾਰੀ ਅਨੁਸਾਰ, ਜਲੰਧਰ ਬਾਈਪਾਸ ਚੌਕ 'ਤੇ ਭਾਈਚਾਰੇ ਦੇ ਵਿਰੋਧ ਨੂੰ ਦੇਖਦੇ ਹੋਏ ਪੁਲਿਸ ਨੇ ਬੈਰੀਕੇਡ ਲਗਾ ਕੇ ਖੇਤਰ ਵਿੱਚ ਜਾਣ ਵਾਲੇ ਸਾਰੇ ਰਸਤੇ ਬੰਦ ਕਰ ਦਿੱਤੇ ਹਨ। ਲੁਧਿਆਣਾ ਦੇ ਜਲੰਧਰ ਬਾਈਪਾਸ ਚੌਕ 'ਤੇ ਹਾਈਵੇਅ ਜਾਮ ਹੋਣ ਕਾਰਨ, ਜਲੰਧਰ ਤੋਂ ਆਉਣ ਵਾਲੇ ਟ੍ਰੈਫਿਕ ਨੂੰ ਲਾਡੋਵਾਲ ਬਾਈਪਾਸ ਰਾਹੀਂ ਦੱਖਣੀ ਸ਼ਹਿਰ ਵੱਲ ਮੋੜਿਆ ਜਾ ਰਿਹਾ ਹੈ। ਇਹ ਟ੍ਰੈਫਿਕ ਫਿਰੋਜ਼ਪੁਰ ਰੋਡ 'ਤੇ ਵੇਰਕਾ ਚੌਕ ਤੋਂ ਲੰਘਦੇ ਹੋਏ ਦੱਖਣੀ ਬਾਈਪਾਸ ਰਾਹੀਂ ਪਟਿਆਲਾ ਅਤੇ ਦਿੱਲੀ ਵੱਲ ਵਧ ਰਿਹਾ ਹੈ।

ਇਸੇ ਤਰ੍ਹਾਂ, ਦਿੱਲੀ ਦੀ ਦਿਸ਼ਾ ਤੋਂ ਆਉਣ ਵਾਲੇ ਟ੍ਰੈਫਿਕ ਨੂੰ ਦੋਰਾਹਾ ਤੋਂ ਦੱਖਣੀ ਬਾਈਪਾਸ ਅਤੇ ਲਾਡੋਵਾਲ ਬਾਈਪਾਸ ਰਾਹੀਂ ਸਿੱਧਾ ਟੋਲ ਪਲਾਜ਼ਾ ਤੱਕ ਪਹੁੰਚਾਇਆ ਜਾ ਰਿਹਾ ਹੈ। ਵਿਕਲਪਕ ਤੌਰ 'ਤੇ, ਜਗਰਾਉਂ ਅਤੇ ਨਕੋਦਰ ਰਾਹੀਂ ਯਾਤਰਾ ਕਰਕੇ ਜਲੰਧਰ ਪਹੁੰਚਿਆ ਜਾ ਸਕਦਾ ਹੈ।

ਹਫਤੇ 'ਚ ਦੋਸ਼ੀ ਨੂੰ ਫੜਨ ਦਾ ਭਰੋਸਾ, ਧਰਨਾ ਖ਼ਤਮ

ਇਸ ਮੌਕੇ ਵੱਖ ਵੱਖ ਜਥੇਬੰਦੀਆਂ ਨਾਲ ਪੁਲਿਸ ਦੀ ਸਹਿਮਤੀ ਬਣੀ ਅਤੇ ਅਖੀਰ ਪੁਲਿਸ ਦੇ ਦੋਸ਼ੀ ਫੜਨ ਲਈ ਇੱਕ ਹਫ਼ਤੇ ਦਾ ਸਮਾਂ ਦੇ ਕੇ ਖਤਮ ਕੀਤਾ ਗਿਆ ਧਰਨਾ। ਜਥੇਬੰਦੀਆਂ ਨੇ ਦੋਸ਼ੀ ਨੂੰ ਫੜਨ ਲਈ ਪੁਲਿਸ ਨੂੰ ਅਲਟੀਮੇਟਮ ਜਾਰੀ ਕੀਤਾ ਹੈ। ਭਾਈਚਾਰੇ ਦੇ ਲੋਕਾਂ ਨੇ ਕਿਹਾ ਕਿ ਇੱਕ ਹਫ਼ਤੇ ਵਿੱਚ ਨਾ ਮਿਲਿਆ ਦੋਸ਼ੀ ਤਾਂ ਪੰਜਾਬ ਲੈਵਲ ਤੇ ਤਿੱਖੇ ਸੰਘਰਸ਼ ਦੀ ਚੇਤਾਵਨੀ ਦਿੱਤੀ।

ਇਹ ਵੀ ਪੜ੍ਹੋ...

Punjab ਦੀਆਂ ਜੇਲ੍ਹਾਂ ’ਚ ਕੈਦੀ ਬਣ ਰਹੇ ਨਸ਼ੇੜੀ ! 80 % ਕੈਦੀ ਜੇਲ੍ਹ ’ਚ ਆਉਣ ਮਗਰੋਂ ਹੋਏ ਨਸ਼ੇ ਦੇ ਆਦੀ

ਗੁਲਜ਼ਾਰ ਸਿੰਘ ਦੀ ਮੌਤ ’ਤੇ ਰਾਹੁਲ ਗਾਂਧੀ ਨੇ ਚੁੱਕੇ ਸਵਾਲ, ਕਿਹਾ...