Gold: ਕਿਵੇਂ ਬਣਦਾ ਹੈ ਧਰਤੀ ਤੇ ਸੋਨਾ ਤੇ ਕਿਥੇ ਪਾਇਆ ਜਾਂਦਾ ਹੈ ਸਭ ਤੋਂ ਵੱਧ, ਜਾਣੋ ਇਥੇ
How Is Gold Made In The Earth: ਤੁਹਾਨੂੰ ਪਤਾ ਹੀ ਹੈ ਕੀ ਹਰ ਦਿਨ ਸਾਡੇ ਸਾਹਮਣੇ ਬਹੁਤ ਸਾਰੀਆਂ ਘਟਨਾਵਾਂ ਵਾਪਰਦੀਆਂ ਹਨ, ਜੋ ਸਾਡੀ ਜ਼ਿੰਦਗੀ ਦਾ ਅਜਿਹਾ ਹਿੱਸਾ ਬਣ ਗਈਆਂ ਹਨ ਕਿ ਸਾਨੂੰ ਪਤਾ ਹੀ ਨਹੀਂ ਲੱਗਦਾ ਕਿ ਇਸ ਦੇ ਪਿੱਛੇ ਕੋਈ ਕਾਰਨ ਹੋ ਸਕਦਾ ਹੈ। ਉਦਾਹਰਣ ਵਜੋਂ, ਬਹੁਤ ਸਾਰੀਆਂ ਚੀਜ਼ਾਂ ਹਨ ਜੋ ਅਸੀਂ ਚੇਤਨਾ ਪ੍ਰਾਪਤ ਕਰਨ ਤੋਂ ਬਾਅਦ ਉਸੇ ਤਰ੍ਹਾਂ ਦੇਖਦੇ ਅਤੇ ਸੁਣਦੇ ਆ ਰਹੇ ਹਾਂ।
ਅਜਿਹੇ 'ਚ ਕੋਈ ਵੀ ਇਸ ਵੱਲ ਖਾਸ ਧਿਆਨ ਨਹੀਂ ਦਿੰਦਾ। ਫਿਰ ਵੀ ਜੇਕਰ ਇਸ ਨਾਲ ਜੁੜਿਆ ਕੋਈ ਸਵਾਲ ਸਾਡੇ ਮਨ ਵਿਚ ਆਉਂਦਾ ਹੈ ਤਾਂ ਅਸੀਂ ਦੁਖੀ ਹੋ ਜਾਂਦੇ ਹਾਂ ਅਤੇ ਕਈ ਵਾਰ, ਲੋਕ ਇਨ੍ਹਾਂ ਗੱਲਾਂ 'ਤੇ ਸਵਾਲ ਚੁੱਕਦੇ ਹਨ ਅਤੇ ਫਿਰ ਇਸ ਦੇ ਪਿੱਛੇ ਦੇ ਇਤਿਹਾਸ ਦੀ ਜਾਂਚ ਦਾ ਸਿਲਸਿਲਾ ਸ਼ੁਰੂ ਹੋ ਜਾਂਦਾ ਹੈ। ਦਸ ਦਈਏ ਕੀ Quora ਇੰਟਰਨੈੱਟ 'ਤੇ ਇਕ ਅਜਿਹਾ ਪਲੇਟਫਾਰਮ ਹੈ, ਜਿੱਥੇ ਲੋਕ ਅਜਿਹੇ ਸਵਾਲ ਪੁੱਛਦੇ ਹਨ। ਜਿਸ ਤੇ ਇਕ ਯੂਜ਼ਰ ਨੇ ਸਵਾਲ ਕੀਤਾ ਕਿ ਧਰਤੀ 'ਤੇ ਸੋਨਾ ਕਿਵੇਂ ਆਉਂਦਾ ਹੈ? ਤਾਂ ਆਓ ਜਾਣਦੇ ਹਾਂ ਉਸ ਬਾਰੇ।
ਇਸ ਤਰ੍ਹਾਂ ਧਰਤੀ 'ਤੇ ਸੋਨਾ ਬਣਦਾ ਹੈ: ਆਈਨਸਟਾਈਨ ਦੀ ਥਿਊਰੀ ਆਫ਼ ਰਿਲੇਟੀਵਿਟੀ ਦੇ ਮੁਤਾਬਕ ਦੋ ਵਸਤੂਆਂ ਦੇ ਅਭੇਦ ਹੋਣ ਨਾਲ ਵੱਡੀ ਮਾਤਰਾ ਵਿੱਚ ਊਰਜਾ ਨਿਕਲਦੀ ਹੈ, ਜਿਸ ਨਾਲ ਕੋਈ ਤਾਰਾ ਆਪਣੇ ਜੀਵਨ ਦੇ ਆਖਰੀ ਪੜਾਅ 'ਤੇ ਹੁੰਦਾ ਹੈ, ਤਾਂ ਉਸਦਾ ਮੂਲ ਢਹਿ ਜਾਂਦਾ ਹੈ। ਜਿਸ ਨਾਲ ਸੁਪਰਨੋਵਾ ਵਿਸਫੋਟ ਹੁੰਦਾ ਹੈ ਅਤੇ ਇਸ ਦੀਆਂ ਪਰਤਾਂ ਪੁਲਾੜ 'ਚ ਫੈਲ ਜਾਂਦੀਆਂ ਹਨ। ਇਹ ਉਹ ਸਮਾਂ ਹੁੰਦਾ ਹੈ ਜਦੋਂ ਨਿਊਟ੍ਰੋਨ ਕੈਪਚਰ ਪ੍ਰਤੀਕ੍ਰਿਆਵਾਂ ਹੁੰਦੀਆਂ ਹਨ ਅਤੇ ਕਾਫ਼ੀ ਭਾਰ ਵਾਲੇ ਬਹੁਤ ਸਾਰੇ ਤੱਤ ਪੈਦਾ ਹੁੰਦੇ ਹਨ।
ਸੋਨਾ ਧਰਤੀ 'ਤੇ ਆਉਣ ਦਾ ਮਹੱਤਵਪੂਰਨ ਕਾਰਨ ਦੋ ਨਿਊਟ੍ਰੋਨ ਤਾਰਿਆਂ ਦਾ ਟਕਰਾਉਣਾ ਹੈ। ਮੈਕਸ ਪਲੈਂਕ ਇੰਸਟੀਚਿਊਟ ਆਫ ਐਸਟ੍ਰੋਨੋਮੀ ਦੇ ਖੋਜਕਰਤਾਵਾਂ ਨੇ ਪੁਲਾੜ 'ਚ ਸਟ੍ਰੋਂਟੀਅਮ ਪਾਇਆ ਹੈ, ਜੋ ਨਿਊਟ੍ਰੋਨ ਕੈਪਚਰ ਪ੍ਰਤੀਕ੍ਰਿਆਵਾਂ ਤੋਂ ਪੈਦਾ ਹੋਏ ਸਨ। ਉਹ ਐਨੀ ਉੱਚ ਨਿਊਟ੍ਰੌਨ ਘਣਤਾ ਦੇ ਨਾਲ ਪੁਲਾੜ 'ਚ ਯਾਤਰਾ ਕਰ ਰਹੇ ਸਨ ਕਿ ਮੁਫਤ ਨਿਊਟ੍ਰੋਨ ਤੱਤਾਂ 'ਚ ਸ਼ਾਮਲ ਹੋਣੇ ਸ਼ੁਰੂ ਹੋ ਗਏ। ਇਸ ਤਰ੍ਹਾਂ ਸਟ੍ਰੋਂਟੀਅਮ, ਥੋਰੀਅਮ, ਯੂਰੇਨੀਅਮ ਅਤੇ ਸਭ ਤੋਂ ਕੀਮਤੀ ਸੋਨਾ ਵੀ ਪੈਦਾ ਹੁੰਦਾ ਸੀ।
ਸੂਰਜ 'ਤੇ ਸੋਨੇ ਦੀ ਵੱਡੀ ਮਾਤਰਾ ਹੈ: ਦਸ ਦਈਏ ਕੀ ਸਾਡੇ ਬ੍ਰਹਿਮੰਡ ਦੇ ਬਣਨ ਤੋਂ ਬਾਅਦ, ਅਜਿਹੀਆਂ ਕਈ ਟੱਕਰਾਂ ਹੋਈਆਂ ਹਨ, ਜਿਸ ਕਾਰਨ ਪੁਲਾੜ 'ਚ ਫੈਲਿਆ ਸੋਨਾ ਸਾਡੀ ਧਰਤੀ ਤੱਕ ਪਹੁੰਚ ਗਿਆ ਹੈ। ਕਿਉਂਕਿ ਇਹ ਤਾਰਿਆਂ ਤੋਂ ਧਰਤੀ 'ਤੇ ਸਿੱਧਾ ਉਤਰਦਾ ਹੈ। ਇਹ ਜਾਣ ਕੇ ਤੁਹਾਨੂੰ ਬਹੁਤ ਹੈਰਾਨੀ ਹੋਵੇਗੀ ਕਿ 1868 'ਚ ਸਪੈਕਟ੍ਰੋਸਕੋਪੀ ਦੀ ਮਦਦ ਨਾਲ ਵਿਗਿਆਨੀਆਂ ਨੇ ਸੂਰਜ ਗ੍ਰਹਿਣ ਦੌਰਾਨ ਸੂਰਜ 'ਚ ਹੀਲੀਅਮ ਦੀ ਖੋਜ ਕੀਤੀ ਸੀ। ਇਸ ਤੋਂ ਬਾਅਦ ਸੂਰਜ ਦੇ ਵਾਯੂਮੰਡਲ 'ਚ ਕਾਰਬਨ, ਨਾਈਟ੍ਰੋਜਨ ਅਤੇ ਲੋਹੇ ਦੇ ਨਾਲ-ਨਾਲ ਸੋਨਾ ਵੀ ਲੱਭਿਆ ਗਿਆ। ਰਿਪੋਰਟ ਤੋਂ ਪਤਾ ਲੱਗਿਆ ਹੈ ਕਿ ਸੂਰਜ 'ਤੇ 2.5 ਟ੍ਰਿਲੀਅਨ ਟਨ ਸੋਨਾ ਹੈ, ਜੋ ਕਿ ਧਰਤੀ ਤੋਂ ਬਹੁਤ ਜ਼ਿਆਦਾ ਹੈ।