Spain : ਮੈਡ੍ਰਿਡ ਵਿੱਚ 2 ਰੇਲਗੱਡੀਆਂ ਦੀ ਭਿਆਨਕ ਟੱਕਰ, 46 ਲੋਕਾਂ ਦੀ ਮੌਤ ਦੀ ਖਬਰ
ਟੱਕਰ ਕਾਰਨ ਰੇਲਗੱਡੀ ਦੇ 2 ਡੱਬੇ ਪਟੜੀ ਤੋਂ ਹੇਠਾਂ ਉਤਰੇ
In Spain 2 trains collided in Madrid : ਸਪੇਨ ਦੇ ਮੈਡ੍ਰਿਡ ਨੂੰ ਦੱਖਣੀ ਅੰਡਾਲੂਸੀਆ ਖੇਤਰ ਨਾਲ ਜੋੜਨ ਵਾਲੀ ਰੇਲਵੇ ਲਾਈਨ 'ਤੇ ਅੱਜ 2 ਤੇਜ਼ ਰਫ਼ਤਾਰ ਰੇਲਗੱਡੀਆਂ ਦੀ ਭਿਆਨਕ ਟੱਕਰ ਹੋ ਗਈ। ਜਾਣਕਾਰੀ ਅਨੁਸਾਰ ਰੇਲ ਆਪਰੇਟਰ ਐਡੀਫ ਨੇ ਕਿਹਾ ਕਿ ਇਸ ਹਾਦਸੇ ਵਿੱਚ ਹੁਣ ਤੱਕ 30 ਲੋਕਾਂ ਦੀ ਮੌਤ ਦੀ ਖਬਰ ਮਿਲੀ ਹੈ। ਦਰਅਸਲ ਇਹ ਹਾਦਸਾ ਉਸੇ ਲਾਈਨ 'ਤੇ ਹੋਏ ਇੱਕ ਹੋਰ ਹਾਦਸੇ ਤੋਂ 9 ਮਹੀਨਿਆਂ ਬਾਅਦ ਹੋਇਆ ਹੈ, ਜਿਸ ਵਿੱਚ ਉਸੇ ਰੇਲ ਆਪਰੇਟਰ ਦੀਆਂ ਹਾਈ-ਸਪੀਡ ਟ੍ਰੇਨਾਂ ਟਕਰਾ ਗਈਆਂ ਸਨ, ਜਿਸ ਵਿੱਚ 30 ਲੋਕਾਂ ਦੀ ਮੌਤ ਹੋ ਗਈ ਸੀ।
ਜਨਵਰੀ ਦੇ ਹਾਦਸੇ ਵਿੱਚ ਕੋਡੋਰਬਾ ਸੂਬੇ ਦੇ ਐਡਮੁਜ਼ ਨੇੜੇ ਇੱਕ ਰੇਲਗੱਡੀ ਪਟੜੀ ਤੋਂ ਉਤਰ ਗਈ ਅਤੇ ਇੱਕ ਹੋਰ ਆ ਰਹੀ ਰੇਲਗੱਡੀ ਨਾਲ ਟਕਰਾ ਗਈ ਸੀ। ਇਸ ਘਟਨਾ ਨੇ ਹਾਲ ਹੀ ਦੇ ਸਾਲਾਂ ਵਿੱਚ ਰੇਲਵੇ ਰੱਖ-ਰਖਾਅ ਵਿੱਚ ਨਿਵੇਸ਼ ਦੇ ਪੱਧਰ ਬਾਰੇ ਬਹਿਸ ਛੇੜ ਦਿੱਤੀ ਹੈ।
ਇਹ ਵੀ ਪੜ੍ਹੋ :
Hardeep Singh Puri ਮੱਧ ਪ੍ਰਦੇਸ਼ ਤੋਂ ਲੜਨਗੇ ਰਾਜ ਸਭਾ ਚੋਣ, BJP ਨੇ ਕੀਤਾ ਐਲਾਨ
ਰੇਲ ਆਪਰੇਟਰ ਏਡਿਫ ਨੇ ਕਿਹਾ ਕਿ ਮੈਡ੍ਰਿਡ-ਅੰਡਾਲੂਸੀਆ ਹਾਈ-ਸਪੀਡ ਰੇਲ ਲਾਈਨ 'ਤੇ ਦੋ ਰੇਲਗੱਡੀਆਂ ਦੇ ਪਿੱਛੇ ਤੋਂ ਟਕਰਾਉਣ ਤੋਂ ਬਾਅਦ ਰੇਲ ਆਵਾਜਾਈ ਨੂੰ ਰੋਕ ਦਿੱਤਾ ਗਿਆ ਹੈ।
ਕਾਸਤਿਆ-ਲਾ-ਮੰਚਾ ਖੇਤਰ ਦੇ ਇੱਕ ਸਰਕਾਰੀ ਬੁਲਾਰੇ ਨੇ ਦੱਸਿਆ ਕਿ ਰੇਨਫੇ ਅਤੇ ਇਰੀਓ ਰੇਲ ਗੱਡੀਆਂ ਸਵੇਰੇ 9 ਵਜੇ (ਸਥਾਨਕ ਸਮੇਂ) ਤੋਂ ਥੋੜ੍ਹੀ ਦੇਰ ਬਾਅਦ ਟਕਰਾ ਗਈਆਂ। ਇਸ ਟੱਕਰ ਕਾਰਨ ਇਰੀਓ ਰੇਲਗੱਡੀ ਦੇ ਦੋ ਡੱਬੇ ਪਟੜੀ ਤੋਂ ਉਤਰ ਗਏ। ਉਨ੍ਹਾਂ ਅੱਗੇ ਕਿਹਾ ਕਿ ਹਾਦਸੇ ਦੇ ਕਾਰਨ ਅਤੇ ਜ਼ਖਮੀਆਂ ਦੀ ਗਿਣਤੀ ਅਜੇ ਵੀ ਨਿਰਧਾਰਤ ਕੀਤੀ ਜਾ ਰਹੀ ਹੈ। ਸੂਬਾਈ ਸਰਕਾਰੀ ਦੇ ਇੱਕ ਸੂਤਰ ਨੇ ਦੱਸਿਆ ਕਿ ਟੱਕਰ ਵਿੱਚ ਘੱਟੋ-ਘੱਟ 30 ਲੋਕ ਮਾਰੇ ਗਏ ਹਨ।
ਇੱਕ ਖੇਤਰੀ ਟੈਲੀਵਿਜ਼ਨ ਚੈਨਲ ਦੁਆਰਾ ਪ੍ਰਸਾਰਿਤ ਵੀਡੀਓ ਵਿੱਚ ਰੇਲਗੱਡੀ ਪਟੜੀ ਤੋਂ ਉਤਰੀ ਹੋਈ ਦਿਖਾਈ ਦਿੱਤੀ, ਜਿਸ ਵਿੱਚ ਘੱਟੋ-ਘੱਟ ਇੱਕ ਡੱਬਾ ਉੱਚੀ ਰੇਲ ਪਟੜੀ 'ਤੇ ਸੀ। ਝੁਕੀ ਹੋਈ ਧਾਤ, ਟੁੱਟੇ ਹੋਏ ਪੈਨਲ ਅਤੇ ਮਲਬਾ ਪਟੜੀ ਦੇ ਹੇਠਾਂ ਢਲਾਣ 'ਤੇ ਖਿੰਡਿਆ ਹੋਇਆ ਦੇਖਿਆ ਗਿਆ। ਰੇਲ ਆਪਰੇਟਰ ਐਡੀਫ ਨੇ ਕਿਹਾ ਕਿ ਹਾਦਸਾ ਮੈਡ੍ਰਿਡ ਤੋਂ ਸੇਵਿਲ ਜਾਣ ਵਾਲੀ ਰੇਲਵੇ ਲਾਈਨ 'ਤੇ ਹੋਇਆ।
ਸਪੇਨੀ ਸਰਕਾਰ ਦੀ ਵੈੱਬਸਾਈਟ 'ਤੇ ਪ੍ਰਕਾਸ਼ਿਤ ਪ੍ਰਧਾਨ ਮੰਤਰੀ ਪੇਡਰੋ ਸਾਂਚੇਜ਼ ਦੇ ਸਾਰੇ ਦਿਨ ਦੇ ਪ੍ਰੋਗਰਾਮ ਹਟਾ ਦਿੱਤੇ ਗਏ। ਇਸ ਦੌਰਾਨ ਵਿਰੋਧੀ ਪੀਪਲਜ਼ ਪਾਰਟੀ ਨੇ ਵੀ ਆਪਣੇ ਸਾਰੇ ਚੋਣ ਪ੍ਰਚਾਰ ਪ੍ਰੋਗਰਾਮ ਰੱਦ ਕਰ ਦਿੱਤੇ ਹਨ। ਪ੍ਰਧਾਨ ਮੰਤਰੀ ਸਾਂਚੇਜ਼ ਨੇ X 'ਤੇ ਲਿਖਿਆ ਕਿ "ਮੈਂ ਟੋਲੇਡੋ ਵਿੱਚ ਹੋਏ ਗੰਭੀਰ ਰੇਲ ਹਾਦਸੇ ਤੋਂ ਹੈਰਾਨ ਅਤੇ ਦੁਖੀ ਹਾਂ। ਮੈਂ ਟਰਾਂਸਪੋਰਟ ਮੰਤਰੀ ਆਸਕਰ ਪੁਏਂਤੇ ਅਤੇ ਕਾਸਤਿਆ-ਲਾ ਮੰਚਾ ਦੇ ਮੁਖੀ ਨਾਲ ਲਗਾਤਾਰ ਸੰਪਰਕ ਵਿੱਚ ਹਾਂ। ਐਮਰਜੈਂਸੀ ਸੇਵਾਵਾਂ ਪ੍ਰਭਾਵਿਤ ਲੋਕਾਂ ਦੀ ਮਦਦ ਕਰਨ ਅਤੇ ਉਨ੍ਹਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਘਟਨਾ ਸਥਾਨ 'ਤੇ ਕੰਮ ਕਰ ਰਹੀਆਂ ਹਨ। ਪ੍ਰਸ਼ਾਸਨ ਇਸ ਕੰਮ ਦਾ ਤਾਲਮੇਲ ਕਰ ਰਿਹਾ ਹੈ। ਮੇਰੀ ਸੰਵੇਦਨਾ, ਏਕਤਾ ਅਤੇ ਸਮਰਥਨ ਹਾਦਸੇ ਦੇ ਸਾਰੇ ਪੀੜਤਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਪ੍ਰਤੀ ਹੈ।"