ਤਲਵੰਡੀ ਸਾਬੋ: ਵਿਦਿਆਰਥਣ ਨੇ ਨਿੱਜੀ ਯੂਨੀਵਰਸਿਟੀ ਦੇ ਹੋਸਟਲ 'ਚ ਲਿਆ ਫਾਹਾ, ਹੋਈ ਮੌਤ
Jashan A
February 5th 2020 08:22 PM --
Updated:
February 5th 2020 08:24 PM
ਤਲਵੰਡੀ ਸਾਬੋ: ਤਲਵੰਡੀ ਸਾਬੋ ਦੀ ਇੱਕ ਨਿਜੀ ਯੂਨੀਵਰਸਿਟੀ ਵਿਖੇ ਬੀ.ਐਸ.ਸੀ ਐਗਰੀਕਲਚਰ ਦੀ ਇੱਕ ਵਿਦਿਆਰਥਣ ਨੇ ਫਾਹਾ ਲੈ ਕੇ ਆਤਮ ਹੱਤਿਆ ਕਰ ਲਈ ਹੈ। ਮ੍ਰਿਤਕਾ ਦੀ ਲਾਸ਼ ਨੂੰ ਤਲਵੰਡੀ ਸਾਬੋ ਦੇ ਸਹੀਦ ਬਾਬਾ ਦੀਪ ਸਿੰਘ ਸਿਵਲ ਹਸਪਤਾਲ ਵਿਖੇ ਰੱਖਿਆ ਗਿਆ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਸੁਮਨਪ੍ਰੀਤ ਕੌਰ ਨਾਮ ਦੀ ਵਿਦਿਆਰਥਣ ਜੋ ਕਿ ਹਨੂੰਮਾਨਗੜ ਰਾਜਸਥਾਨ ਦੀ ਰਹਿਣ ਵਾਲੀ ਸੀ। ਯੂਨੀਵਰਸਿਟੀ 'ਚ ਐਗਰੀਕਲਚਰ ਦੀ ਪੜ੍ਹਾਈ ਦਾ ਆਖਰੀ ਸਮੈਸਟਰ ਸੀ ਤੇ ਜੋ ਹੋਸਟਲ 'ਚ ਰਹਿ ਰਹੀ ਸੀ।
ਹੋਰ ਪੜ੍ਹੋ: ਕਰਜ਼ੇ ਦੇ ਦੈਂਤ ਨੇ ਨਿਗਲਿਆ ਪੰਜਾਬ ਦਾ ਇੱਕ ਹੋਰ ਅੰਨਦਾਤਾ
ਅੱਜ ਉਸ ਨੇ ਬਾਅਦ ਦੁਪਿਹਰ ਆਪਣੇ ਕਮਰੇ 'ਚ ਲੱਗੇ ਪੱਖੇ ਨਾਲ ਫਾਹਾ ਲੈ ਕੇ ਖ਼ੁਦਕੁਸ਼ੀ ਕਰ ਲਈ।ਭਾਵੇ ਕਿ ਮ੍ਰਿਤਕ ਦੇ ਵਾਰਸ ਵੀ ਸ਼ਾਮ ਵੇਲੇ ਪੁੱਜ ਗਏ, ਪਰ ਸਦਮੇ 'ਚ ਹੋਣ ਕਰਕੇ ਕੁੱਝ ਵੀ ਕਹਿਣ ਨੂੰ ਤਿਆਰ ਨਹੀ ਹਨ।
ਉਧਰ ਯੂਨੀਵਰਸਿਟੀ ਦੇ ਪ੍ਰਬੰਧਕਾਂ ਨੇ ਮ੍ਰਿਤਕਾ ਦੀ ਆਤਮ ਹੱਤਿਆ ਦੀ ਪੁਸਟੀ ਕਰਦੇ ਹੋਏ ਕਾਰਨਾਂ ਦਾ ਕੁੱਝ ਵੀ ਪਤਾ ਨਾ ਹੋਣ ਦੀ ਗੱਲ ਕਰ ਰਹੇ ਹਨ।
-PTC News