BMW ਸਵਾਰ ਰਈਸਜਾਦਿਆਂ ਨੇ ਪੁਲਿਸਵਾਲਿਆਂ ਨਾਲ ਲਿਆ ਪੰਗਾ.. ਚੰਡੀਗੜ੍ਹ ਆਈ.ਟੀ ਪਾਰਕ ਸ਼ਾਸਤਰੀ ਨਗਰ ਪਵਾਇੰਟ 'ਤੇ ਪੁਲਿਸਵਾਲਿਆਂ ਨੂੰ ਕੁੱਟ ਖਾਂਦਿਆਂ ਦੇਖ ਕੇ ਲੋਕਾਂ ਦਾ ਹਜੂਮ ਲੱਗ ਗਿਆ। ਮਾਮਲਾ ਵੱਧਦਾ ਦੇਖ ਕੇ ਲੋਕਾਂ ਨੇ ਰਈਸਜਾਦਿਆਂ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਸੀ ਪਰ ਉਹ ਨਹੀਂ ਮੰਨੇ।
ਫਿਰ ਗੁੱਸੇ 'ਚ ਆਈ ਭੀੜ ਨੇ ਰੱਜ ਕੇ ਨੌਜਵਾਨਾਂ 'ਤੇ ਆਪਣਾ ਗੁੱਸਾ ਕੱਢਿਆ। ਇਸ ਕਾਰਨ ਦੋ ਕਿਲੋਮੀਟਰ ਤੱਕ ਲੰਬਾ ਜਾਮ ਲੱਗ ਗਿਆ ਸੀ।
ਡੀਐਸਪੀ ਨੇ ਦੱਸਿਆ ਕਿ ਸੋਹਲ ਅਤੇ ਸੋਮਿਲ ਕੋਹਲੀ ਆਈ ਟੀ ਪਾਰਕ ਸਥਿਤ ਸਕੋਟਿਕਸ ਟੈਕ ਮਹਿੰਦਰਾ ਦੇ ਮਾਲਕ ਹਨ। ਇਹਨਾਂ 'ਤੇ ਇੱਕ ਕੁੜੀ ਨੂੰ ਤੰਗ ਪਰੇਸ਼ਾਨ ਕਰਨ ਦਾ ਵੀ ਆਰੋਪ ਲੱਗਿਆ ਹੈ।
ਉਸਨੇ ਆਈ ਟੀ ਥਾਣੇ 'ਚ ਸ਼ਿਕਾਇਤ ਵੀ ਕੀਤੀ ਸੀ। ਸ਼ੁੱਕਰਵਾਰ ਨੂੰ ਜਦੋਂ ਹੈਡਕਾਂਸਟੇਬਲ ਅਤੇ ਮਨੋਜ ਆਰੋਪੀਆਂ ਦੀ ਕੰਪਨੀ ਪਹੁੰਚੇ ਤਾਂ ਆਰੋਪੀ ਬੀਐਮਡਬਲਯੂ ਕਾਰ 'ਚ ਹੈਡਕਾਂਸਟੇਬਲ ਨੂੰ ਬਿਠਾ ਕੇ ਥਾਣੇ ਵੱਲ ਨੂੰ ਚੱਲ ਪਏ।
ਦੂਸਰਾ ਪੁਲਿਸਕਰਮੀ ਪੀੜਤ ਕੁੜੀ ਨਾਲ ਕਾਰ 'ਚ ਨਿਕਲਿਆ ਪਰ ਰਸਤੇ 'ਚ ਨੌਜਵਾਨਾਂ ਨੇ ਹੈਡਕਾਂਸਟੇਬਲ ਨੂੰ ਅਗਵਾ ਕਰ ਲਿਆ ਪਰ ਉਹ ਸ਼ਿਕੰਜੇ ਤੋਂ ਬਚ ਨਿਕਲਿਆ।
ਜਦੋਂ ਦੋਵੇਂ ਪੁਲਿਸ ਵਾਲਿਆਂ ਨੇ ਆਰੋਪੀਆਂ ਤਾਂ ਸਾਹਮਣਾ ਕੀਤਾ ਤਾਂ ਇਹ ਘਟਨਾ ਵਾਪਰੀ।
ਫਿਲਹਾਲ ਦੋਸ਼ੀਆਂ 'ਤੇ ਮਾਮਲਾ ਦਰਜ ਕਰ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
-PTC News