ਹਨੀਪ੍ਰੀਤ ਦੇ ਸਾਬਕਾ ਪਤੀ ਦੀ ਜਾਨ ਨੂੰ ਹੈ ਖਤਰਾ
Vishwas Gupta gets threatening messages from ram rahim kurbani wing: ਹਨੀਪ੍ਰੀਤ ਦੇ ਸਾਬਕਾ ਪਤੀ ਦੀ ਜਾਨ ਨੂੰ ਹੈ ਖਤਰਾ?
ਕੁਝ ਦਿਨ ਪਹਿਲਾਂ ਹੀ ਹਨੀਪ੍ਰੀਤ ਦਾ ਸਾਬਕਾ ਪਤੀ ਵਿਸ਼ਵਾਸ ਆਪਣੀ ਪ੍ਰੈਸ ਕਾਨਫਰੰਸ ਕਾਰਨ ਕਾਫੀ ਸੁਰਖੀਆਂ 'ਚ ਰਿਹਾ ਹੈ। ਉਸਨੇ ਹਨੀਪ੍ਰੀਤ ਅਤੇ ਰਾਮ ਰਹੀਮ ਦੇ ਰਿਸ਼ਤਿਆਂ ਦੀ ਪੋਲ ਖੋਲ੍ਹ ਕੇ ਤਾਂ ਰੱਖੀ ਹੀ, ਪਰ ਕੁਝ ਅਜਿਹੇ ਰਾਜ਼ ਵੀ ਬੇਪਰਦਾ ਕੀਤੇ ਜਿਹਨਾਂ ਬਾਰੇ ਆਮ ਲੋਕਾਂ ਨੂੰ ਅਜੇ ਜ਼ਿਆਦਾ ਜਾਣਕਾਰੀ ਨਹੀਂ ਸੀ।
ਲੇਕਿਨ, ਹੁਣ ਵਿਸ਼ਵਾਸ ਗੁਪਤਾ ਨੂੰ ਰਾਮ ਰਹੀਮ ਅਤੇ ਹਨੀਪ੍ਰੀਤ ਦੇ ਰਿਸ਼ਤਿਆਂ ਦੀ ਪੋਲ ਖੋਲ੍ਹਣ ਕਾਰਨ ਕਈ ਧਮਕੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਸਨੂੰ ਡੇਰੇ ਦੇ ਕੁਰਬਾਨੀ ਵਿੰਗ ਵੱਲੋਂ ਕਈ ਧਮਕੀਆਂ ਮਿਲ ਰਹੀਆਂ ਹਨ, ਜਿਸ ਨੂੰ ਲੈ ਕੇ ਉਸਦੇ ਸਾਬਕਾ ਪਤੀ ਵਿਸ਼ਵਾਸ ਗੁਪਤਾ ਅਤੇ ਸਹੁਰੇ ਮਹੇਂਦਰ ਗੁਪਤਾ ਨੇ ਕਰਨਾਲ ਦੇ ਸੈਕਟਰ ੪ ਦੀ ਪੁਲਿਸ ਚੌਂਕੀ 'ਚ ਸ਼ਿਕਾਇਤ ਦਰਜ ਕਰਵਾਈ ਹੈ।
ਵਿਸ਼ਵਾਸ ਗੁਪਤਾ ਦਾ ਕਹਿਣਾ ਹੈ ਕਿ ਉਸਨੂੰ ਰਾਮ ਰਹੀਮ ਦੇ ਕੁਰਬਾਨੀ ਗੈਂਗ ਤੋਂ ਧਮਕੀ ਭਰੇ ਖਤ ਮਿਲ ਰਹੇ ਹਨ। ਕਰਨਾਲ ਪੁਲਿਸ ਨੇ ਦੱਸਿਆ ਕਿ ਹੁਣ ਉਹ ਇਸ ਬਾਰੇ 'ਚ ਡੀਜੀਪੀ ਹਰਿਆਣਾ ਬੀ.ਐਸ.ਸੰਧੂ ਨਾਲ ਵੀ ਮੁਲਾਕਾਤ ਕਰਨਗੇ।
ਵਿਸ਼ਵਾਸ ਗੁਪਤਾ ਅਤੇ ਉਹਨਾਂ ਦੇ ਪਿਤਾ ਮਹੇਂਦਰ ਗੁਪਤਾ ਨੂੰ ਡਰ ਹੈ ਕਿ ਬਾਬਾ ਰਾਮ ਰਹੀਮ ਜੇਲ੍ਹ ਵਿੱਚੋਂ ਵੀ ਉਹਨਾਂ ਦੀ ਹੱਤਿਆ ਕਰਵਾ ਸਕਦਾ ਹੈ। ਉਹ ਪੁਲਿਸ ਵੱਲੋਂ ਦਿੱਤੀ ਗਈ ਸੁਰੱਖਿਆ ਤੋਂ ਸੰਤੁਸ਼ਟ ਨਹੀਂ ਹਨ। ਉਹਨਾਂ ਦਾ ਕਹਿਣਾ ਹੈ ਕਿ ਬਾਬਾ ਦੀ ਕੁਰਬਾਨੀ ਗੈਂਗ ਕਿਸੀ ਨੂੰ ਨਹੀਂ ਛੱਡੇਗੀ। ਬਾਬਾ ਦੇ ਕੋਲ ਸ਼ਾਰਪ ਸ਼ੂਟਰ ਵੀ ਹਨ।
—PTC News