Sat, Aug 2, 2025
Whatsapp

India China Relations: ਭਾਰਤ ਦੇ ਇਸ ਕਦਮ ਤੋਂ ਕਿਉਂ ਹੋਇਆ ਚੀਨ ਖੁਸ਼, ਗਲੋਬਲ ਟਾਈਮਜ਼ ਨੇ ਬੰਨ੍ਹੇ ਤਾਰੀਫਾਂ ਦੇ ਪੁਲ

ਭਾਰਤ ਡਾਲਰ ਦੇ ਕੇ ਰੂਸ ਤੋਂ ਕੱਚਾ ਤੇਲ ਖਰੀਦ ਰਿਹਾ ਸੀ, ਪਰ ਹੁਣ ਰੂਸ ਦੇ ਦਬਾਅ ਕਾਰਨ, ਭਾਰਤ ਦੀਆਂ ਰਿਫਾਇਨਰੀਆਂ ਨੇ ਚੀਨੀ ਕਰੰਸੀ ਯੁਆਨ ਵਿੱਚ ਕੁੱਝ ਭੁਗਤਾਨ ਕਰਨਾ ਸ਼ੁਰੂ ਕਰ ਦਿੱਤਾ ਹੈ।

Reported by:  PTC News Desk  Edited by:  Shameela Khan -- July 05th 2023 11:45 AM -- Updated: July 05th 2023 11:48 AM
India China Relations: ਭਾਰਤ ਦੇ ਇਸ ਕਦਮ ਤੋਂ ਕਿਉਂ ਹੋਇਆ ਚੀਨ ਖੁਸ਼, ਗਲੋਬਲ ਟਾਈਮਜ਼ ਨੇ ਬੰਨ੍ਹੇ ਤਾਰੀਫਾਂ ਦੇ ਪੁਲ

India China Relations: ਭਾਰਤ ਦੇ ਇਸ ਕਦਮ ਤੋਂ ਕਿਉਂ ਹੋਇਆ ਚੀਨ ਖੁਸ਼, ਗਲੋਬਲ ਟਾਈਮਜ਼ ਨੇ ਬੰਨ੍ਹੇ ਤਾਰੀਫਾਂ ਦੇ ਪੁਲ

India China Relations: ਗਲਵਾਨ ਸੰਘਰਸ਼ ਤੋਂ ਬਾਅਦ ਭਾਰਤ ਅਤੇ ਚੀਨ ਦੇ ਸਬੰਧ ਬਹੁਤ ਤਣਾਅਪੂਰਨ ਬਣੇ ਹੋਏ ਹਨ। ਪਰ ਇਸ ਦੌਰਾਨ ਭਾਰਤ ਨੇ ਕੁੱਝ ਅਜਿਹਾ ਕੀਤਾ ਹੈ, ਜਿਸ ਤੋਂ ਚੀਨ ਖੁਸ਼ ਹੈ। ਇੱਥੋਂ ਤਕ ਕਿ ਗਲੋਬਲ ਟਾਈਮਜ਼, ਜਿਸ ਨੂੰ ਚੀਨ ਦਾ ਮਾਊਥਪੀਸ ਕਿਹਾ ਜਾਂਦਾ ਹੈ, ਨੇ ਵੀ ਭਾਰਤ ਦੀ ਪ੍ਰਸ਼ੰਸਾ ਕੀਤੀ ਹੈ।

ਰੂਸ-ਯੂਕਰੇਨ ਦੀ ਜੰਗ ਤੋਂ ਬਾਅਦ ਭਾਰਤ ਨੂੰ ਵੱਡਾ ਫਾਇਦਾ ਮਿਲ ਰਿਹਾ ਹੈ। ਉਹ ਰੂਸੀ ਕੱਚਾ ਤੇਲ ਛੋਟ ਦਰ 'ਤੇ ਖਰੀਦ ਰਿਹਾ ਹੈ। ਕੌਮਾਂਤਰੀ ਬਾਜ਼ਾਰ 'ਚ ਕੱਚੇ ਤੇਲ ਦੀ ਖਰੀਦ-ਵੇਚ ਲਈ ਡਾਲਰ ਦਾ ਇਸਤੇਮਾਲ ਕੀਤਾ ਗਿਆ ਹੈ।  ਭਾਰਤ ਵੀ ਡਾਲਰ ਦੇ ਕੇ ਰੂਸ ਤੋਂ ਕੱਚਾ ਤੇਲ ਖਰੀਦ ਰਿਹਾ ਸੀ, ਪਰ ਹੁਣ ਰੂਸ ਦੇ ਦਬਾਅ ਕਾਰਨ ਭਾਰਤ ਦੀਆਂ ਰਿਫਾਇਨਰੀਆਂ ਨੇ ਚੀਨੀ ਕਰੰਸੀ ਯੁਆਨ ਵਿੱਚ ਕੁੱਝ ਭੁਗਤਾਨ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਨਾਲ ਚੀਨ ਖੁਸ਼ ਹੋ ਗਿਆ ਹੈ।


ਦਰਅਸਲ, ਯੂਕ੍ਰੇਨ ਤੋਂ ਬਾਅਦ ਰੂਸ 'ਤੇ ਅਮਰੀਕਾ ਸਮੇਤ ਉਸ ਦੇ ਪੱਛਮੀ ਸਹਿਯੋਗੀ ਦੇਸ਼ਾਂ ਨੇ ਸਖ਼ਤ ਪਾਬੰਦੀਆਂ ਲਾਈਆਂ ਹੋਈਆਂ ਹਨ। ਇਸ ਕਾਰਨ ਰੂਸ ਨੂੰ ਵਪਾਰ ਲਈ ਅਮਰੀਕੀ ਡਾਲਰ ਤੋਂ ਇਲਾਵਾ ਹੋਰ ਦੇਸ਼ਾਂ ਦੀ ਕਰੰਸੀ 'ਚ ਵਪਾਰ ਕਰਨ ਲਈ ਮਜਬੂਰ ਹੋਣਾ ਪੈ ਰਿਹਾ ਹੈ।

ਭਾਰਤ ਦਾ ਫੈਸਲਾ ਡੀ-ਡਾਲਰੀਕਰਨ ਦੀ ਪ੍ਰਕਿਰਿਆ ਵਿੱਚ ਇੱਕ ਵੱਡਾ ਕਦਮ:

ਗਲੋਬਲ ਟਾਈਮਜ਼ ਦਾ ਕਹਿਣਾ ਹੈ ਕਿ ਭਾਰਤ ਦਾ ਯੁਆਨ ਵਿੱਚ ਭੁਗਤਾਨ ਕਰਨ ਦਾ ਫੈਸਲਾ ਡੀ-ਡਾਲਰਾਈਜ਼ੇਸ਼ਨ ਪ੍ਰਕਿਰਿਆ ਵਿੱਚ ਇੱਕ ਵੱਡਾ ਕਦਮ ਹੈ। ਚੀਨੀ ਮਾਹਰਾਂ ਦਾ ਮੰਨਣਾ ਹੈ ਕਿ ਭਾਰਤ ਦੇ ਭੁਗਤਾਨ ਯੁਆਨ ਦੇ ਅੰਤਰਰਾਸ਼ਟਰੀਕਰਨ ਨੂੰ ਉਤਸ਼ਾਹਤ ਕਰਨਗੇ।

ਵੁਹਾਨ ਯੂਨੀਵਰਸਿਟੀ ਆਫ ਸਾਇੰਸ ਐਂਡ ਟੈਕਨਾਲੋਜੀ ਦੇ ਵਿੱਤ ਅਤੇ ਸੁਰੱਖਿਆ ਸੰਸਥਾਨ ਦੇ ਨਿਰਦੇਸ਼ਕ ਡੋਂਗ ਡੇਗਸਿਨ ਨੇ ਕਿਹਾ ਕਿ ਇਸ ਕਦਮ ਨਾਲ ਯੁਆਨ ਦਾ ਅੰਤਰਰਾਸ਼ਟਰੀ ਪ੍ਰਭਾਵ ਵਧੇਗਾ ਅਤੇ ਗਲੋਬਲ ਸਰਕੂਲੇਸ਼ਨ ਅਤੇ ਨਿਪਟਾਰੇ ਵਿੱਚ ਯੁਆਨ ਦੀ ਬਾਜ਼ਾਰ ਹਿੱਸੇਦਾਰੀ ਵਧੇਗੀ।

ਅੰਤਰਰਾਸ਼ਟਰੀ ਵਪਾਰ ਵਿੱਚ ਯੁਆਨ ਦੀ ਵਰਤੋਂ ਵਧੇਗੀ: 

ਗਲੋਬਲ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਵੁਹਾਨ ਯੂਨੀਵਰਸਿਟੀ ਆਫ ਸਾਇੰਸ ਐਂਡ ਟੈਕਨਾਲੋਜੀ ਦੇ ਇੰਸਟੀਚਿਊਟ ਆਫ ਫਾਈਨਾਂਸ ਐਂਡ ਸਕਿਓਰਿਟੀਜ਼ ਦੇ ਡਾਇਰੈਕਟਰ ਡੋਂਗ ਡੇਂਗਸਿਨ ਦਾ ਮੰਨਣਾ ਹੈ ਕਿ ਇਸ ਕਦਮ ਨਾਲ ਚੀਨ, ਭਾਰਤ ਅਤੇ ਰੂਸ ਵਿੱਚ ਡੀ-ਡਾਲਰੀਕਰਨ ਦੀ ਪ੍ਰਕਿਰਿਆ ਵਿੱਚ ਤੇਜ਼ੀ ਆਵੇਗੀ, ਕਿਉਂਕਿ ਡੀ-ਡਾਲਰਾਈਜ਼ੇਸ਼ਨ ਦੀ ਗਤੀ ਤੇਜ਼ ਹੋ ਰਹੀ ਹੈ। 

 "ਇਸ ਨਾਲ ਅੰਤਰਰਾਸ਼ਟਰੀ ਵਪਾਰ ਵਿੱਚ ਯੁਆਨ ਦੀ ਵਰਤੋਂ ਵਿੱਚ ਹੋਰ ਵਾਧਾ ਹੋਵੇਗਾ। ਕਿਉਂਕਿ ਭਾਰਤ ਅਤੇ ਰੂਸ ਦੋਵੇਂ ਬ੍ਰਿਕਸ ਦੇ ਮੈਂਬਰ ਹਨ, ਇਸ ਲਈ ਨਿਪਟਾਰੇ ਵਿੱਚ ਯੁਆਨ ਦੀ ਵਰਤੋਂ ਵਧੇਰੇ ਉੱਭਰ ਰਹੀਆਂ ਅਰਥਵਿਵਸਥਾਵਾਂ ਅਤੇ ਵਿਕਾਸਸ਼ੀਲ ਦੇਸ਼ਾਂ ਨੂੰ ਵੀ ਇਸ ਰਸਤੇ 'ਤੇ ਚੱਲਣ ਲਈ ਪ੍ਰੇਰਿਤ ਕਰੇਗੀ।"

ਬ੍ਰਿਕਸ ਦੇਸ਼ ਅੰਤਰਰਾਸ਼ਟਰੀ ਵਪਾਰ ਵਿੱਚ ਡਾਲਰ ਦੀ ਵਰਤੋਂ ਨੂੰ ਬਦਲਣਾ ਚਾਹੁੰਦੇ ਹਨ ਅਤੇ ਇਸੇ ਲਈ ਇਸ ਸਾਲ ਦੇ ਅੰਤ ਵਿੱਚ ਦੱਖਣੀ ਅਫਰੀਕਾ ਵਿੱਚ ਹੋਣ ਵਾਲੇ ਸਿਖਰ ਸੰਮੇਲਨ ਵਿੱਚ ਇੱਕ ਸਾਂਝੀ ਕਰੰਸੀ ਦੀ ਸ਼ੁਰੂਆਤ ਬਾਰੇ ਵਿਚਾਰ-ਵਟਾਂਦਰਾ ਕੀਤਾ ਜਾਵੇਗਾ।

ਇਹ ਵੀ ਪੜ੍ਹੋ: MP: ਵਾਇਰਲ ਵੀਡੀਓ 'ਚ ਕਬਾਇਲੀ ਨੌਜਵਾਨ 'ਤੇ ਪਿਸ਼ਾਬ ਕਰਦਾ ਦਿਖਿਆ ਸ਼ਖਸ; NSA ਦੇ ਤਹਿਤ ਗ੍ਰਿਫਤਾਰ


- PTC NEWS

Top News view more...

Latest News view more...

PTC NETWORK
PTC NETWORK      
Notification Hub
Icon