ਬਿਊਰੁ: ਬਾਬਾ ਵਾਂਗਾ ਜਿਸਦਾ ਜਨਮ ਵੇਲੇ ਨਾਂਅ ਵੈਂਗੇਲੀਆ ਪਾਂਡੇਵਾ ਦਿਮਿਤਰੋਵਾ ਸੀ, ਦਾ ਪਾਲਣ ਪੋਸ਼ਣ ਸਟ੍ਰੂਮਿਕਾ ਵਿੱਚ ਹੋਇਆ ਸੀ, ਜੋ ਕਿ ਉਸ ਸਮੇਂ ਓਟੋਮਨ ਸਾਮਰਾਜ ਵਿੱਚ ਇੱਕ ਜਵਾਲਾਮੁਖੀ ਪਹਾੜੀ ਦੇ ਪੈਰਾਂ ਵਿੱਚ ਸਥਿਤ ਇੱਕ ਪਿੰਡ ਸੀ। ਉਸਦਾ 1996 ਵਿੱਚ 85 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਸੀ। ਕਿਹਾ ਜਾਂਦਾ ਹੈ ਕਿ ਵਾਂਗਾ ਨੇ 12 ਸਾਲ ਦੀ ਉਮਰ ਤੱਕ ਇੱਕ ਆਮ ਜੀਵਨ ਬਤੀਤ ਕੀਤਾ ਪਰ ਇੱਕ ਵਿਸ਼ਾਲ ਤੂਫਾਨ ਦੇ ਦੌਰਾਨ ਉਸਨੇ ਰਹੱਸਮਈ ਤੌਰ 'ਤੇ ਆਪਣੀ ਨਿਗਾਹ ਗੁਆ ਦਿੱਤੀ। ਉਸ ਦੇ ਪਰਿਵਾਰ ਨੇ ਕਥਿਤ ਤੌਰ 'ਤੇ ਕਈ ਦਿਨਾਂ ਬਾਅਦ ਉਸ ਨੂੰ ਮੌਤ ਦੇ ਨੇੜੇ ਪਾਇਆ ਜਦੋਂ ਕਿ ਉਸ ਦੀਆਂ ਅੱਖਾਂ ਜ਼ਖਮੀ ਸਨ ਅਤੇ ਸੀਲ ਬੰਦ ਸਨ, ਉਹ ਧੂੜ ਅਤੇ ਗੰਦਗੀ ਦੀ ਇੱਕ ਮੋਟੀ ਪਰਤ ਨਾਲ ਘਿਰੀ ਪਾਈ ਗਈ ਸੀ। ਵਾਂਗਾ ਨੇ ਬਾਅਦ ਵਿੱਚ ਕਿਹਾ ਕਿ ਉਸਨੇ ਉਹਨਾਂ ਦਿਨਾਂ ਵਿੱਚ ਆਪਣੀ ਪਹਿਲੀ ਨਜ਼ਰ ਦਾ ਅਨੁਭਵ ਕੀਤਾ ਸੀ ਜਦੋਂ ਉਹ ਲਾਪਤਾ ਸੀ ਅਤੇ ਵਿਸ਼ਵਾਸ ਕਰਦੀ ਸੀ ਕਿ ਉਸ ਵਿੱਚ ਲੋਕਾਂ ਨੂੰ ਠੀਕ ਕਰਨ ਅਤੇ ਭਵਿੱਖਬਾਣੀ ਕਰਨ ਦੀ ਸਮਰੱਥਾ ਪੈਦਾ ਹੋ ਚੁੱਕੀ ਸੀ।
ਬਾਬਾ ਵਾਂਗ ਦੀਆਂ 85% ਭਵਿੱਖਬਾਣੀਆਂ ਸੱਚ ਸਾਬਿਤ ਹੋਈਆਂ ਨੇ, ਜਿਨ੍ਹਾਂ ਵਿੱਚੋਂ ਕੁੱਝ ਹੇਠ ਦਿੱਤੀਆਂ ਹਨ
- 1980 ਵਿੱਚ ਵਾਂਗਾ ਨੇ ਕਿਹਾ ਕਿ ਕੁਰਸਕ "ਪਾਣੀ ਨਾਲ ਢੱਕਿਆ ਜਾਵੇਗਾ ਅਤੇ ਸਾਰਾ ਸੰਸਾਰ ਇਸ ਉੱਤੇ ਰੋਏਗਾ" ਉਸਨੇ ਦਾਅਵਾ ਕੀਤਾ ਕਿ ਇਹ ਤਬਾਹੀ ਅਗਸਤ 1999 ਵਿੱਚ ਹੋਵੇਗੀ। ਠੀਕ ਇੱਕ ਸਾਲ ਮਗਰੋਂ ਰੂਸੀ ਉਪ ਜਹਾਜ਼ ਅਗਸਤ 2000 ਵਿੱਚ ਡੁੱਬ ਗਿਆ ਜਿਸ ਵਿੱਚ ਸਵਾਰ ਸਾਰੇ ਲੋਕ ਮਾਰੇ ਗਏ।
- ਸੀਰੀਅਨ ਗੈਸ ਹਮਲਾ: ਆਪਣੀ ਮੌਤ ਤੋਂ ਪਹਿਲਾਂ ਵਾਂਗਾ ਨੇ ਦੇਸ਼ ਵਿੱਚ ਇੱਕ ਪ੍ਰਦਰਸ਼ਨ ਦੀ ਚੇਤਾਵਨੀ ਦਿੱਤੀ ਜਿੱਥੇ "ਮੁਸਲਮਾਨ ਯੂਰਪੀਅਨਾਂ ਦੇ ਵਿਰੁੱਧ ਰਸਾਇਣਕ ਯੁੱਧ ਦੀ ਵਰਤੋਂ ਕਰਨਗੇ।" ਇਹ ਉਸ ਸ਼ੱਕੀ ਗੈਸ ਹਮਲੇ ਦੇ ਸਮਾਨ ਮੰਨਿਆ ਜਾਂਦਾ ਹੈ ਜੋ ਰਾਸ਼ਟਰਪਤੀ ਬਸ਼ਰ ਅਲ-ਅਸਦ ਨੇ ਆਪਣੇ ਹੀ ਲੋਕਾਂ ਵਿਰੁੱਧ ਸ਼ੁਰੂ ਕੀਤਾ ਸੀ।
- 1989 ਵਿੱਚ ਉਸਨੇ ਦਾਅਵਾ ਕੀਤਾ ਕਿ "ਅਮਰੀਕੀ ਭਰਾ ਸਟੀਲ ਦੇ ਪੰਛੀਆਂ ਦੁਆਰਾ ਹਮਲਾ ਕੀਤੇ ਜਾਣ ਤੋਂ ਬਾਅਦ ਡਿੱਗਣਗੇ ... ਅਤੇ ਨਿਰਦੋਸ਼ ਖੂਨ ਵਹਿ ਜਾਵੇਗਾ।" ਕਈਆਂ ਦਾ ਮੰਨਣਾ ਹੈ ਕਿ ਇਹ 2001 ਵਿੱਚ ਅਮਰੀਕਾ ਉੱਤੇ 11 ਸਤੰਬਰ ਦੇ ਹਮਲਿਆਂ ਦਾ ਹਵਾਲਾ ਹੈ।
ਰੂਸ ਨੂੰ ਲੈ ਕੇ ਵੀ ਬਾਬਾ ਵਾਂਗਾ ਨੇ ਕੁੱਝ ਭਵਿੱਖਬਾਣੀਆਂ ਕੀਤੀਆਂ ਸਨ ਜੋ ਕਿ ਇਸ ਪ੍ਰਕਾਰ ਹਨ
- ਵਲਾਦੀਮੀਰ ਪੁਤਿਨ 2018 ਦੀਆਂ ਚੋਣਾਂ ਜਿੱਤਣਗੇ। 1979 ਵਿੱਚ ਲੇਖਕ ਵੈਲੇਨਟਿਨ ਸਿਡੋਰੋਵ ਨਾਲ ਇੱਕ ਮੁਲਾਕਾਤ ਦੌਰਾਨ ਵਾਂਗਾ ਨੇ ਕਿਹਾ ਸੀ "ਸਭ ਪਿਘਲ ਜਾਵੇਗਾ, ਜਿਵੇਂ ਕਿ ਬਰਫ਼, ਕੇਵਲ ਇੱਕ ਹੀ ਬਚਿਆ ਰਹੇਗਾ, ਵਲਾਦੀਮੀਰ ਦੀ ਮਹਿਮਾ, ਰੂਸ ਦੀ ਮਹਿਮਾ।"
- ਆਪਣੀ ਮੌਤ ਤੋਂ ਥੋੜ੍ਹੀ ਦੇਰ ਪਹਿਲਾਂ ਤੀਜੇ ਵਿਸ਼ਵ ਯੁੱਧ ਨੂੰ ਲੈ ਕੇ ਬਜ਼ੁਰਗ ਔਰਤ ਨੇ ਕਿਹਾ ਸੀ "ਰੂਸ ਨਾ ਸਿਰਫ਼ ਬਚੇਗਾ, ਇਹ ਦੁਨੀਆਂ ਉੱਤੇ ਹਾਵੀ ਰਹੇਗਾ।"
2022 ਲਈ ਬਾਬਾ ਵਾਂਗਾ ਦੀਆਂ ਕੁੱਝ ਭਵਿੱਖਬਾਣੀਆਂ
- ਇੱਕ ਹੋਰ ਮਹਾਂਮਾਰੀ ਇਸ ਵਾਰ ਸਾਇਬੇਰੀਆ ਵਿੱਚ ਖੋਜੀ ਜਾਵੇਗੀ ਜੋ ਕਿ ਇੱਕ ਜੰਮੇ ਹੋਏ ਵਾਇਰਸ ਕਾਰਨ ਹੁੰਦੀ ਹੈ ਜੋ ਜਲਵਾਯੂ ਤਬਦੀਲੀ ਦੁਆਰਾ ਫੈਲ ਜਾਵੇਗੀ।
- ਬਹੁਤ ਸਾਰੇ ਸ਼ਹਿਰਾਂ ਨੂੰ ਪਾਣੀ ਦੀ ਕਮੀ ਦਾ ਸਾਹਮਣਾ ਕਰਨਾ ਪਵੇਗਾ
- ਇੱਕ ਉੱਪ-ਗ੍ਰਹਿ ਦੇ ਆਉਣ ਨਾਲ ਏਲੀਅਨ ਦੁਆਰਾ ਧਰਤੀ ਉੱਤੇ ਹਮਲਾ ਕੀਤਾ ਜਾਵੇਗਾ
- ਤਾਪਮਾਨ ਵਿੱਚ ਗਿਰਾਵਟ ਦੇ ਕਾਰਨ ਭਾਰਤ ਵਿੱਚ ਅਕਾਲ ਪੈ ਜਾਵੇਗਾ ਜਿਸ ਦੇ ਨਤੀਜੇ ਵਜੋਂ ਟਿੱਡੀਆਂ ਫਸਲਾਂ ਉੱਤੇ ਹਮਲਾ ਕਰ ਦੇਣਗੀਆਂ
- ਆਸਟ੍ਰੇਲੀਆ ਅਤੇ ਏਸ਼ੀਆ ਦੇ ਕੁਝ ਹਿੱਸਿਆਂ ਵਿੱਚ "ਤੀਬਰ ਹੜ੍ਹਾਂ" ਦੇ ਨਾਲ ਹੋਰ ਭੁਚਾਲ ਅਤੇ ਸੁਨਾਮੀ ਆਵੇਗੀ
- 2025 ਅਤੇ 2028 ਦੇ ਵਿਚਕਾਰ ਵਿਸ਼ਵਵਿਆਪੀ ਭੁੱਖ ਮਿਟ ਜਾਵੇਗੀ।
- 2033 ਤੋਂ 2045 ਤੱਕ ਧਰੁਵੀ ਬਰਫ਼ ਪਿਘਲ ਜਾਵੇਗੀ ਅਤੇ ਇਸ ਸਮੇਂ ਦੇ ਆਸ-ਪਾਸ ਸਮੁੰਦਰ ਦਾ ਪੱਧਰ ਵੱਧ ਜਾਵੇਗਾ।
- ਡਾਕਟਰ ਕਲੋਨਿੰਗ ਤਕਨੀਕ ਨਾਲ ਕਿਸੇ ਵੀ ਬੀਮਾਰੀ ਦਾ ਇਲਾਜ ਕਰ ਸਕਣਗੇ।
- ਮੰਗਲ 'ਤੇ ਇੱਕ ਬਸਤੀ ਵਸ ਜਾਵੇਗੀ ਜੋ ਪ੍ਰਮਾਣੂ ਸ਼ਕਤੀ ਬਣਨ ਦੇ ਯੋਗ ਬਣ ਜਾਵੇਗੀ ਅਤੇ ਲਗਭਗ 2170 ਤੋਂ 2256 ਤੱਕ ਧਰਤੀ ਤੋਂ ਆਜ਼ਾਦੀ ਦੀ ਮੰਗ ਕਰੇਗੀ।
- ਬ੍ਰਹਿਮੰਡ ਦਾ ਅੰਤ 5079 ਵਿੱਚ ਹੋਵੇਗਾ।
ਹਾਲਾਂਕਿ ਵਾਂਗਾ ਦਾ 25 ਸਾਲ ਪਹਿਲਾਂ ਦਿਹਾਂਤ ਹੋ ਗਿਆ ਹੈ ਪਰ ਬਹੁਤ ਸਾਰੇ ਲੋਕ ਅਜੇ ਵੀ ਵਿਸ਼ਵਾਸ ਕਰਦੇ ਹਨ ਕਿ ਉਸ ਦੀਆਂ ਭਵਿੱਖਬਾਣੀਆਂ ਵਿੱਚ ਉਨ੍ਹਾਂ ਲਈ ਕੁਝ ਸੱਚਾਈ ਹੈ।
-PTC News