ਬਟਾਲਾ 'ਚ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕਰਦੇ 8 ਨੌਜਵਾਨ ਅੱਗ 'ਚ ਝੁੱਲਸੇ,4 ਦੀ ਹਾਲਤ ਗੰਭੀਰ
ਬਟਾਲਾ 'ਚ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕਰਦੇ 8 ਨੌਜਵਾਨ ਅੱਗ 'ਚ ਝੁੱਲਸੇ,4 ਦੀ ਹਾਲਤ ਗੰਭੀਰ:ਬਟਾਲਾ ਦੇ ਪਿੰਡ ਭੋਮਾ 'ਚ ਇੱਕ ਬੰਦ ਕੋਠੀ ਨੂੰ ਅਚਾਨਿਕ ਅੱਗ ਲੱਗ ਗਈ,ਅੱਗ ਲੱਗਣ ਦੇ ਕਾਰਨ ਕੋਠੀ ਵਿੱਚ ਪਿਅਾ ਲੱਖਾਂ ਦਾ ਕੀਮਤੀ ਸਮਾਨ ਸੜਕੇ ਸੁਅਾਹ ਹੋ ਗਿਅਾ ਹੈ।ਅੱਗ ਦੀ ਘਟਨਾ ਵਾਪਰਨ 'ਤੇ ਪਿੰਡ ਵਾਸੀ ਮੌਕੇ 'ਤੇ ਇਕੱਠੇ ਹੋ ਗਏ ਅਤੇ ਅੱਗ 'ਤੇ ਕਾਬੂ ਪਾਉਣ ਲੱਗੇ।
ੳੁੱਥੇ ਘਰ 'ਚ ਲੱਗੀ ਅੱਗ ਨੂੰ ਬੁਝਾਉਣ ਦੀ ਕੋਸ਼ਿਸ਼ ਕਰਦੇ ਹੋਏ 8 ਨੌਜਵਾਨ ਬੁਰੀ ਤਰ੍ਹਾਂ ਅੱਗ 'ਚ ਝੁੱਲਸ ਗਏ ਹਨ,ਜਿਨ੍ਹਾਂ ਨੂੰ ਘੁੱਮਾਣ ਦੇ ਸਰਕਾਰੀ ਹਸਪਤਾਲ ਵਿੱਚ ਇਲਾਜ ਲਈ ਦਾਖਲ ਕਰਵਾ ਦਿੱਤਾ ਗਿਆ ਹੈ ਅਤੇ 4 ਨੌਜਵਾਨਾਂ ਦੀ ਹਾਲਤ ਗੰਭੀਰ ਹੋਣ ਕਰਕੇ ਅੰਮ੍ਰਿਤਸਰ ਰੈਫ਼ਰ ਕਰ ਦਿੱਤਾ ਗਿਅਾ।ਅੱਗ ਲੱਗਣ ਦੇ ਕਾਰਨਾਂ ਦੇ ਬਾਰੇ ਅਜੇ ਕੁਝ ਪਤਾ ਨਹੀਂ ਲੱਗ ਸਕਿਆ।
ਅੱਜ ਸਵੇਰੇ ੳੁੱਕਤ ਕੋਠੀ ਵਿੱਚੋਂ ਅੱਗ ਦੀਅਾਂ ਲਪਟਾ ਤੇ ਧੂੰਅਾਂ ੳੁੱਠਦਾ ਦੇਖਕੇ ਪਿੰਡ ਵਾਸੀ ਅੱਗ ਨੂੰ ਬਝਾੳੁਣ ਤੇ ਕਾਬੂ ਪਾੳੂਣ ਦੀ ਕੋਸ਼ਿਸ ਕਰ ਰਹੇ ਸਨ ਤਾਂ ਅਚਾਨਕ ਘਰ ਵਿੱਚ ਮੌਜੂਦ ਸਿਲੰਡਰ ਵੀ ਅੱਗ ਦੀ ਲਪੇਟ ਵਿੱਚ ਅਾੳੁਣ ਕਾਰਨ ਫੱਟ ਗਿਅਾ।
ੲਿਸ ਜਬਰਦਸਤ ਧਮਾਕੇ ਨੇ ਅੱਗ ਬਝਾੳੁਣ ਦੀ ਕੋਸ਼ਿਸ ਕਰ ਰਹੇ 8 ਹਿੰਮਤੀ ਨੌਜਵਾਨਾਂ ਨੂੰ ਵੀ ਅਾਪਣੀ ਲਪੇਟ ਵਿੱਚ ਲੈ ਲਿਅਾ।
ਦੱਸਣਯੋਗ ਹੈ ਕਿ ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਪੂਰਾ ਪਰਿਵਾਰ ਛੁੱਟੀਆਂ ਕੱਟਣ ਲਈ ਗਿਆ ਹੋਇਆ ਸੀ।ਮੌਕੇ 'ਤੇ ਪਹੁੰਚੀ ਪੁਲਿਸ ਨੇ ਫਾਇਰ ਬ੍ਰਿਗੇਡ ਨੂੰ ਸੂਚਨਾ ਦਿੱਤੀ ਅਤੇ ਫਾਇਰ ਬ੍ਰਿਗੇਡ ਦੇ ਅਧਿਕਾਰੀਆਂ ਨੇ ਮੌਕੇ 'ਤੇ ਪਹੁੰਚ ਕੇ ਅੱਗ 'ਤੇ ਕਾਬੂ ਪਾ ਲਿਆ।ਪੁਲਿਸ ਵੱਲੋਂ ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
-PTCNews
