ਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਤਿਉਣਾ ਵਿਖੇ ਨਹਿਰ 'ਚ ਪਿਆ ਪਾੜ,ਸੈਂਕੜੇ ਏਕੜ ਜ਼ਮੀਨ 'ਚ ਭਰਿਆ ਪਾਣੀ
ਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਤਿਉਣਾ ਵਿਖੇ ਨਹਿਰ 'ਚ ਪਿਆ ਪਾੜ,ਸੈਂਕੜੇ ਏਕੜ ਜ਼ਮੀਨ 'ਚ ਭਰਿਆ ਪਾਣੀ:ਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਤਿਉਣਾ ਵਿਖੇ ਸਰਹੰਦ ਨਹਿਰ 'ਚ ਅਚਾਨਕ 20 ਫੁੱਟ ਚੌੜਾ ਪਾੜ ਪੈਣ ਗਿਆ ਹੈ।
ਜਿਸ ਦੇ ਕਾਰਨ ਇਲਾਕੇ ਦੀ ਸੈਂਕੜੇ ਏਕੜ ਜ਼ਮੀਨ 'ਚ ਪਾਣੀ ਭਰ ਗਿਆ ਹੈ।ਜਿਸ ਦਾ ਕਾਰਨ ਨਹਿਰ ਦੇ ਨਾਲ ਸੁੱਕੇ ਦਰੱਖਤਾਂ ਦੀਆ ਜੜਾਂ ਸੁੱਕਣ ਕਾਰਨ ਨਹਿਰ ਚੋਂ ਪਾਣੀ ਰਿਸਣ ਲੱਗ ਪਿਆ।ਜਿਸ ਦੇ ਕਾਰਨ ਹੋਲੀ-ਹੋਲੀ ਨਹਿਰ 'ਚ ਵੱਡਾ ਪਾੜ ਖੁੱਲ ਗਿਆ।
ਹਾਲਾਂਕਿ ਖੇਤਾਂ ਦੇ ਵਿੱਚ ਨਰਮੇ ਦੀ ਫ਼ਸਲ ਨਹੀਂ ਸੀ ਪਰ ਕਿਸਾਨਾਂ ਦੀਆਂ ਮੋਟਰਾਂ ਜ਼ਰੂਰ ਖ਼ਰਾਬ ਹੋ ਗਈਆਂ ਹਨ।ਇਸ ਮੌਕੇ 'ਤੇ ਪਹੁੰਚੇ ਪ੍ਰਸ਼ਾਸਨ ਵੱਲੋਂ ਨਹਿਰ 'ਚ ਪਿਆ ਪਾੜ ਭਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਪ੍ਰਸ਼ਾਸਨ ਵੱਲੋਂ 30 ਮਜ਼ਦੂਰ ਲਗਾ ਕੇ ਜੇ.ਸੀ.ਬੀ.ਮਸ਼ੀਨ ਅਤੇ ਮਿੱਟੀ ਦੇ ਨਾਲ ਬੋਰੀਆਂ ਭਰ ਕੇ ਨਹਿਰ ਦੇ ਪਾੜ ਨੂੰ ਬੰਦ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਦੇਰ ਰਾਤ ਤੱਕ ਨਹਿਰ ਦਾ ਪਾੜ ਬੰਦ ਹੋ ਜਾਵੇਗਾ ਅਤੇ ਨਹਿਰ ਦਾ ਪਾਣੀ ਦੂਸਰੇ ਫੀਡਰ ਵਿੱਚ ਬਦਲ ਦਿੱਤਾ ਹੈ।
-PTCNews
