Malaika Arora Health : ਐਕਸੀਡੈਂਟ ਤੋਂ ਬਾਅਦ ਜਾਣੋ ਕਿਵੇਂ ਹੈ ਮਲਾਇਕਾ ਅਰੋੜਾ ਦੀ ਸਿਹਤ
Malaika Arora Car Accident: ਬਾਲੀਵੁੱਡ ਮਲਾਇਕਾ ਅਰੋੜਾ ਬਾਰੇ ਹੈਰਾਨ ਕਰਨ ਵਾਲੀ ਖਬਰ ਸਾਹਮਣੇ ਆ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਭਿਨੇਤਰੀ ਦਾ ਖੋਪਲੀ ਐਕਸਪ੍ਰੈਸ ਵੇਅ 'ਤੇ ਹਾਦਸਾ ਹੋਇਆ ਹੈ। ਤਿੰਨ ਵਾਹਨਾਂ ਦੀ ਆਪਸ ਵਿੱਚ ਟੱਕਰ ਹੋ ਗਈ ਹੈ, ਜਿਨ੍ਹਾਂ ਵਿੱਚੋਂ ਇੱਕ ਕਾਰ ਮਲਾਇਕਾ ਅਰੋੜਾ ਦੀ ਸੀ। ਅਭਿਨੇਤਰੀ ਉਸ ਸਮੇਂ ਕਾਰ 'ਚ ਮੌਜੂਦ ਸੀ। ਖਬਰਾਂ ਮੁਤਾਬਕ ਮਲਾਇਕਾ ਅਰੋੜਾ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਖੋਪਲੀ ਥਾਣੇ ਦੇ ਅਨੁਸਾਰ, ਅਭਿਨੇਤਰੀ ਨੂੰ ਅਪੋਲੋ ਹਸਪਤਾਲ ਲਿਜਾਇਆ ਗਿਆ ਹੈ, ਜਿੱਥੇ ਉਸਦਾ ਇਲਾਜ ਚੱਲ ਰਿਹਾ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ ਦੀ ਜਾਂਚ ਤੋਂ ਬਾਅਦ ਐਫਆਈਆਰ ਦਰਜ ਕੀਤੀ ਜਾਵੇਗੀ।
ਖਬਰਾਂ ਮੁਤਾਬਕ ਮਲਾਇਕਾ ਦੇ ਮੱਥੇ 'ਤੇ ਸੱਟ ਲੱਗੀ ਹੈ, ਹਾਲਾਂਕਿ ਇਹ ਸੱਟ ਕਿੰਨੀ ਗੰਭੀਰ ਹੈ ਇਸ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ ਪਰ ਅਦਾਕਾਰਾ ਦੀ ਭੈਣ ਅੰਮ੍ਰਿਤਾ ਅਰੋੜਾ ਨੇ ਮਲਾਇਕਾ ਦੀ ਸਿਹਤ ਨੂੰ ਲੈ ਕੇ ਅਪਡੇਟ ਦਿੱਤੀ ਹੈ। ਅੰਮ੍ਰਿਤਾ ਮੁਤਾਬਕ ਮਲਾਇਕਾ ਪਹਿਲਾਂ ਨਾਲੋਂ ਬਿਹਤਰ ਹੈ। ਮਲਾਇਕਾ ਅਰੋੜਾ ਦੇ ਕਰੀਬੀ ਦੋਸਤ ਨੇ ਦੱਸਿਆ ਕਿ ਮਲਾਇਕਾ ਅਰੋੜਾ ਨੂੰ ਟਾਂਕੇ ਲੱਗੇ ਹਨ ਅਤੇ ਉਹ ਹੁਣ ਠੀਕ ਮਹਿਸੂਸ ਕਰ ਰਹੀ ਹੈ। ਹਾਲਾਂਕਿ ਇਸ ਹਾਦਸੇ ਕਾਰਨ ਮਲਾਇਕਾ ਅਰੋੜਾ ਕਾਫੀ ਸਦਮੇ 'ਚ ਚਲੀ ਗਈ ਹੈ। ਹੁਣ ਉਹ ਬਿਹਤਰ ਹੈ। ਉਸ ਦੇ ਸਿਰ 'ਤੇ ਜ਼ਿਆਦਾ ਤਕਲੀਫ਼ ਨਹੀਂ ਹੋਈ ਹੈ, ਕਿਉਂਕਿ ਅਦਾਕਾਰਾ ਨੇ ਸਿਰ ਦੇ ਕੋਲ ਗੱਦੀ ਰੱਖੀ ਹੋਈ ਹੈ।
ਇਹ ਵੀ ਪੜ੍ਹੋ: Petrol Price Hike: ਅੱਜ ਫਿਰ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ 'ਚ ਹੋਇਆ ਵਾਧਾ, ਜਾਣੋ ਆਪਣੇ ਸ਼ਹਿਰ 'ਚ RATE
ਜਦੋਂ ਇਹ ਹਾਦਸਾ ਵਾਪਰਿਆ ਤਾਂ ਮਲਾਇਕਾ ਅਰੋੜਾ ਆਪਣੀ ਰੇਂਜ ਰੋਵਰ ਗੱਡੀ ਵਿੱਚ ਸੀ। ਉਸ ਦੀ ਕਾਰ ਦੋ ਵਾਹਨਾਂ ਵਿਚਕਾਰ ਫਸ ਗਈ ਅਤੇ ਹਾਦਸਾ ਹੋ ਗਿਆ। ਦਰਅਸਲ, ਉਹ ਇੱਕ ਫੈਸ਼ਨ ਈਵੈਂਟ ਵਿੱਚ ਸ਼ਾਮਲ ਹੋਣ ਲਈ ਯਾਤਰਾ ਕਰ ਰਹੀ ਸੀ। ਮਲਾਇਕਾ ਅਰੋੜਾ ਦੇ ਐਕਸੀਡੈਂਟ ਦੀ ਖਬਰ ਸੁਣ ਕੇ ਪ੍ਰਸ਼ੰਸਕ ਥੋੜੇ ਪਰੇਸ਼ਾਨ ਹਨ।
ਅਪੋਲੋ ਹਸਪਤਾਲ ਦੇ ਅਨੁਸਾਰ, ਅਭਿਨੇਤਰੀ ਦੇ ਸਿਰ 'ਤੇ ਮਾਮੂਲੀ ਸੱਟ ਲੱਗੀ ਹੈ। ਮਲਾਇਕਾ ਦਾ ਸੀਟੀ ਸਕੈਨ ਵੀ ਕੀਤਾ ਗਿਆ ਸੀ, ਜਿਸ 'ਚ ਉਨ੍ਹਾਂ ਦੀ ਰਿਪੋਰਟ ਬਿਲਕੁਲ ਠੀਕ ਆਈ ਹੈ। ਹਾਲਾਂਕਿ ਮਲਾਇਕਾ ਨੂੰ ਰਾਤ ਭਰ ਹਸਪਤਾਲ 'ਚ ਨਿਗਰਾਨੀ 'ਚ ਰੱਖਿਆ ਜਾਵੇਗਾ ਅਤੇ ਐਤਵਾਰ ਸਵੇਰੇ ਛੁੱਟੀ ਦੇ ਦਿੱਤੀ ਜਾਵੇਗੀ।
ਮਲਾਇਕਾ ਅਰੋੜਾ ਦੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਉਹ ਇਸ ਸਮੇਂ ਅਰਜੁਨ ਕਪੂਰ ਨਾਲ ਰਿਲੇਸ਼ਨਸ਼ਿਪ 'ਚ ਹੈ। ਦੋਵੇਂ ਬਹੁਤ ਵਧੀਆ ਬਾਂਡ ਸਾਂਝੇ ਕਰਦੇ ਹਨ। ਦੋਹਾਂ ਦਾ ਰਿਸ਼ਤਾ ਉਦੋਂ ਤੋਂ ਕਾਫੀ ਮਸ਼ਹੂਰ ਹੋ ਗਿਆ ਹੈ, ਜਦੋਂ ਤੋਂ ਦੋਹਾਂ ਨੇ ਇੰਟਰਵਿਊ 'ਚ ਡੇਟਿੰਗ ਦੀ ਗੱਲ ਕਬੂਲੀ ਹੈ। ਅਰਜੁਨ ਕਪੂਰ ਅਤੇ ਮਲਾਇਕਾ ਅਰੋੜਾ ਦੇ ਪ੍ਰਸ਼ੰਸਕ ਹੁਣ ਇਸ ਗੱਲ ਦਾ ਇੰਤਜ਼ਾਰ ਕਰ ਰਹੇ ਹਨ ਕਿ ਦੋਵੇਂ ਆਖਿਰਕਾਰ ਕਦੋਂ ਵਿਆਹ ਦੇ ਬੰਧਨ 'ਚ ਬੱਝਣਗੇ। ਹਾਲਾਂਕਿ ਦੋਵਾਂ 'ਚੋਂ ਕਿਸੇ ਨੇ ਵੀ ਇਸ 'ਤੇ ਅਜੇ ਕੁਝ ਨਹੀਂ ਕਿਹਾ ਹੈ।
-PTC News
