ਸਰਕਾਰੀ ਗੱਡੀ ਦੀ ਦੁਰਵਰਤੋਂ,ਸਰਕਾਰੀ ਖਰਚੇ 'ਤੇ ਟਿਊਸ਼ਨ ਪੜ੍ਹਨ ਜਾਂਦੀ ਹੈ ਇਸ ਬੀ.ਡੀ.ਪੀ.ਓ ਦੀ ਧੀ
ਸਰਕਾਰੀ ਗੱਡੀ ਦੀ ਦੁਰਵਰਤੋਂ, ਸਰਕਾਰੀ ਖਰਚੇ 'ਤੇ ਟਿਊਸ਼ਨ ਪੜ੍ਹਨ ਜਾਂਦੀ ਹੈ ਇਸ ਬੀ.ਡੀ.ਪੀ.ਓ ਦੀ ਧੀ:ਪੰਜਾਬ ਦੇ ਸਰਕਾਰੀ ਮੁਲਾਜ਼ਮ ਅਕਸਰ ਹੀ ਸਰਕਾਰੀ ਗੱਡੀਆਂ ਨੂੰ ਆਪਣੇ ਐਸ਼-ਆਰਾਮ ਲਈ ਵਰਤਦੇ ਆ ਰਹੇ ਹਨ।
ਹੁਣ ਨਵਾਂ ਸ਼ਹਿਰ ਦੇ ਬੀ.ਡੀ.ਪੀ.ਓ ਦੀ ਸਰਕਾਰੀ ਗੱਡੀ ਡਿਊਟੀ ਲਈ ਘੱਟ ਪਰ ਆਪਣੇ ਐਸ਼-ਆਰਾਮ ਲਈ ਸ਼ਰੇਆਮ ਵਰਤੀ ਜਾ ਰਹੀ ਹੈ।
ਸਰਕਾਰ ਨੇ ਅਫ਼ਸਰਾਂ ਨੂੰ ਗੱਡੀਆਂ ਸਰਕਾਰੀ ਕੰਮਾਂ ਲਈ ਦਿੱਤੀਆਂ ਹਨ ਪਰ ਨਵਾਂ ਸ਼ਹਿਰ ਦੇ ਬਡੀਪੀਓ ਸਾਹਿਬ ਇਸ ਗੱਡੀ ਦਾ ਇਸਤੇਮਾਲ ਆਪਣੇ ਧੀ ਦੀ ਟਿਊਸ਼ਨ ਪੜਾਉਣ ਲਈ ਕਰਦੇ ਹਨ।
ਨਵਾਂਸ਼ਹਿਰ ਦੇ ਬੀ.ਡੀ.ਪੀ.ਓ.ਰਾਜੇਸ਼ ਚੱਡਾ ਦੀ ਸਰਕਾਰੀ ਗੱਡੀ ਅਤੇ ਸਰਕਾਰੀ ਤੇਲ ਦਾ ਇਸਤੇਮਾਲ ਉਨ੍ਹਾਂ ਦੀ ਆਪਣੀ ਬੇਟੀ ਨੂੰ ਟਿਊਸ਼ਨ ਛੱਡਣ ਅਤੇ ਲਿਆਉਣ ਲਈ ਕੀਤਾ ਜਾ ਰਿਹਾ ਹੈ।ਹਰ ਰੋਜ਼ ਇਨ੍ਹਾਂ ਦੀ ਗੱਡੀ 120 ਕਿਲੋਮੀਟਰ ਦਾ ਸਫਰ ਕਰਕੇ ਜਲੰਧਰ ਆਉਣ ਅਤੇ ਜਲੰਧਰ ਤੋਂ ਵਾਪਸ ਨਵਾਂਸ਼ਹਿਰ ਜਾਣ ਲਈ ਤੈਅ ਕਰਦੀ ਹੈ।
ਜਦੋਂ ਮੀਡੀਆ ਦੇ ਕੈਮਰੇ ਨੇ ਇਸ ਗੱਡੀ ਨੂੰ ਘੇਰਾ ਪਾਇਆ ਤਾਂ ਬੀਡੀਪੀਓ ਸਾਹਿਬ ਦਾ ਡਰਾਈਵਰ ਤਾਂ ਉੱਥੋਂ ਗੱਡੀ ਲੈ ਕੇ ਰਫ਼ੂ ਚੱਕਰ ਹੋ ਗਿਆ।
ਇਸ ਸਭ ਤੋਂ ਬਾਅਦ ਜਦੋਂ ਇਸ ਗੱਲ ਦਾ ਜਵਾਬ ਲੈਣ ਲਈ ਬੀ.ਡੀ.ਪੀ.ਓ. ਤੱਕ ਪਹੁੰਚ ਕੀਤੀ ਗਈ ਤਾਂ ਉਹ ਜਨਾਬ ਕੈਮਰਾ ਵੇਖ ਹੜਬੜਾ ਗਏ ਅਤੇ ਜਦੋਂ ਉਨ੍ਹਾਂ ਨੂੰ ਇਸ ਸੰਬੰਧੀ ਸਵਾਲ ਕੀਤਾ ਗਿਆ ਤਾਂ ਅਫਸਰ ਸਾਹਿਬ ਨੇ ਧਮਕੀ ਦੇਣ ਤੋਂ ਇਲਾਵਾ ਮੰਦਾ ਬੋਲਣ ਤੋਂ ਵੀ ਗੁਰੇਜ਼ ਨਹੀਂ ਕੀਤਾ।
ਸਰਕਾਰੀ ਗੱਡੀ ਦੀ ਹੁੰਦੀ ਦੁਰਵਰਤੋਂ ਬਾਰੇ ਜਦੋਂ ਜ਼ਿਲ੍ਹੇ ਦੇ ਏ.ਡੀ.ਸੀ ਦਵਿੰਦਰ ਕੁਮਾਰ ਨੂੰ ਸਵਾਲ ਹੋਇਆ ਤਾਂ ਉਨ੍ਹਾਂ ਮਾਮਲੇ ਦੀ ਜਾਂਚ ਭਰੋਸਾ ਵੀ ਦਿੱਤਾ ਤੇ ਕਾਰਵਾਈ ਦੀ ਗੱਲ ਵੀ ਆਖੀ ਹੈ।
ਇਕ ਪਾਸੇ ਤਾਂ ਸਰਕਾਰ ਸਰਕਾਰੀ ਖਰਚਿਆਂ ਨੂੰ ਕਾਬੂ ਕਰਨ ਲਈ ਹਿਦਾਇਤਾਂ ਦੇ ਰਹੀ ਹੈ ਪਰ ਉਥੇ ਹੀ ਅਜਿਹੇ ਸਰਕਾਰੀ ਅਫਸਰ ਸਰਕਾਰ ਦੇ ਯਤਨਾਂ ਨੂੰ ਢਾਹ ਲਗਾਉਣ ਤੋਂ ਬਾਜ਼ ਨਹੀਂ ਆ ਰਹੇ।
-PTCNews
