AUS vs BAN: ਆਸਟ੍ਰੇਲੀਆ ਨੇ ਸੁਪਰ-8 ’ਚ ਜਿੱਤ ਨਾਲ ਕੀਤੀ ਸ਼ੁਰੂਆਤ, ਟੀਮ ਇੰਡੀਆ ਨੂੰ ਵੀ ਪਛਾੜਿਆ
T20 World Cup 2024: ਆਸਟ੍ਰੇਲੀਆ ਨੇ ਉਮੀਦ ਅਨੁਸਾਰ ਆਪਣੇ ਦਬਦਬੇ ਦੀ ਕਹਾਣੀ ਲਿਖੀ ਹੈ, ਜਿਸ ਨੇ ਟੀ-20 ਵਿਸ਼ਵ ਕੱਪ 2024 ਦੇ ਸੁਪਰ-8 ਦੇ ਆਪਣੇ ਪਹਿਲੇ ਮੈਚ ਵਿੱਚ ਬੰਗਲਾਦੇਸ਼ ਨੂੰ ਹਰਾਇਆ ਹੈ। ਮੈਚ ਵਿੱਚ ਮੀਂਹ ਆਇਆ, ਪਰ ਦੇਰੀ ਕਾਰਨ ਉਹ ਵੀ ਬੰਗਲਾਦੇਸ਼ ਨੂੰ ਹਾਰ ਤੋਂ ਨਹੀਂ ਬਚਾ ਸਕਿਆ। ਮੈਚ ਦਾ ਨਤੀਜਾ ਡਕਵਰਥ ਲੁਈਸ ਤੋਂ ਆਇਆ, ਜਿਸ ਵਿੱਚ ਆਸਟਰੇਲੀਆ ਨੇ ਬੰਗਲਾਦੇਸ਼ ਨੂੰ 28 ਦੌੜਾਂ ਨਾਲ ਹਰਾਇਆ। ਬੰਗਲਾਦੇਸ਼ 'ਤੇ ਇਸ ਜਿੱਤ ਦੇ ਨਾਲ ਹੀ ਆਸਟ੍ਰੇਲੀਆ ਨੇ ਟੀਮ ਇੰਡੀਆ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ।
ਮੈਚ 'ਚ ਆਸਟ੍ਰੇਲੀਆ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਇਸ ਦਾ ਫਾਇਦਾ ਵੀ ਉਨ੍ਹਾਂ ਨੂੰ ਮਿਲਿਆ। ਬੰਗਲਾਦੇਸ਼ ਦੀ ਪਹਿਲੀ ਵਿਕਟ ਮੈਚ ਦੀ ਤੀਜੀ ਗੇਂਦ 'ਤੇ ਡਿੱਗੀ। ਹਾਲਾਂਕਿ ਇਸ ਤੋਂ ਬਾਅਦ ਦੂਜੀ ਵਿਕਟ ਲਈ ਅਰਧ ਸੈਂਕੜੇ ਦੀ ਸਾਂਝੇਦਾਰੀ ਹੋਈ। ਪਰ ਜਿਵੇਂ ਹੀ ਇਹ ਟੁੱਟਿਆ, ਬੰਗਲਾਦੇਸ਼ ਦੀ ਬੱਲੇਬਾਜ਼ੀ ਦੀ ਹਾਲਤ ਵਿਗੜ ਗਈ। ਬੰਗਲਾਦੇਸ਼ ਦੇ ਸਭ ਤੋਂ ਸਫਲ ਬੱਲੇਬਾਜ਼ ਕਪਤਾਨ ਸ਼ਾਂਤੋ ਅਤੇ ਤੌਹੀਦ ਸਨ। ਦੋਵਾਂ ਨੇ 40 ਅਤੇ 41 ਦੌੜਾਂ ਬਣਾਈਆਂ। ਬੰਗਲਾਦੇਸ਼ ਨੇ 20 ਓਵਰਾਂ 'ਚ 8 ਵਿਕਟਾਂ 'ਤੇ 140 ਦੌੜਾਂ ਬਣਾਈਆਂ।
Australia off the mark in the ???????????????????? ????! ????????????#PatCummins & #DavidWarner guide the Aussies to a comfortable 28-run victory (DLS Method) in their Super Contest against Bangladesh. ????
Next up is the SUPER Six Strikers battle ???? #ENGvSA | TODAY, 6 PM | #T20WorldCupOnStar pic.twitter.com/J0c8QXwGLA — Star Sports (@StarSportsIndia) June 21, 2024
ਪੈਟ ਕਮਿੰਸ ਮਾਰੀ ਹੈਟ੍ਰਿਕ
ਬੰਗਲਾਦੇਸ਼ ਦੀਆਂ 8 ਵਿਕਟਾਂ 'ਚੋਂ ਪੈਟ ਕਮਿੰਸ ਨੇ 3 ਵਿਕਟਾਂ ਲਈਆਂ, ਜੋ ਹੈਟ੍ਰਿਕ ਦੇ ਰੂਪ 'ਚ ਆਈਆਂ। ਇਸ ਤੋਂ ਇਲਾਵਾ ਐਡਮ ਜ਼ੈਂਪਾ ਨੇ 2 ਵਿਕਟਾਂ ਹਾਸਲ ਕੀਤੀਆਂ, ਜਦਕਿ ਸਟਾਰਕ, ਮੈਕਸਵੈੱਲ ਅਤੇ ਸਟੋਇਨਿਸ ਨੂੰ 1-1 ਵਿਕਟ ਮਿਲੀ।
ਡੀਐਲਐਸ ਨੇ ਫੈਸਲਾ ਕੀਤਾ
ਹੁਣ ਆਸਟ੍ਰੇਲੀਆ ਦੇ ਸਾਹਮਣੇ 141 ਦੌੜਾਂ ਦਾ ਟੀਚਾ ਸੀ। ਇਸ ਟੀਚੇ ਦਾ ਪਿੱਛਾ ਕਰਦਿਆਂ ਟ੍ਰੈਵਿਸ ਹੈੱਡ ਅਤੇ ਡੇਵਿਡ ਵਾਰਨਰ ਦੀ ਸਲਾਮੀ ਜੋੜੀ ਨੇ ਪਹਿਲੀ ਵਿਕਟ ਲਈ ਸਕੋਰ ਬੋਰਡ ਵਿੱਚ 65 ਦੌੜਾਂ ਜੋੜੀਆਂ। ਹੈੱਡ 21 ਗੇਂਦਾਂ 'ਚ 31 ਦੌੜਾਂ ਬਣਾ ਕੇ ਆਊਟ ਹੋਏ, ਜਿਸ 'ਚ 3 ਚੌਕੇ ਅਤੇ 2 ਛੱਕੇ ਸ਼ਾਮਲ ਸਨ। ਉਸ ਦਾ ਵਿਕਟ ਰਿਸ਼ਾਦ ਹੁਸੈਨ ਨੇ ਲਿਆ। ਰਿਸ਼ਾਦ ਨੇ ਆਪਣੇ ਅਗਲੇ ਓਵਰ 'ਚ ਕਪਤਾਨ ਮਿਸ਼ੇਲ ਮਾਰਸ਼ ਨੂੰ ਵੀ ਆਊਟ ਕੀਤਾ, ਜੋ ਸਿਰਫ 1 ਦੌੜ ਹੀ ਬਣਾ ਸਕੇ।
ਡੇਵਿਡ ਵਾਰਨਰ ਨੇ 35 ਗੇਂਦਾਂ 'ਤੇ 53 ਦੌੜਾਂ ਬਣਾਈਆਂ ਅਤੇ ਮੈਚ 'ਚ ਮੀਂਹ ਪੈਣ 'ਤੇ ਮੈਕਸਵੈੱਲ 6 ਗੇਂਦਾਂ 'ਤੇ 14 ਦੌੜਾਂ ਬਣਾਉਣ ਤੋਂ ਬਾਅਦ ਵੀ ਖੇਡ ਰਿਹਾ ਸੀ। ਇਸ ਦੌਰਾਨ ਆਸਟ੍ਰੇਲੀਆ ਦਾ ਸਕੋਰ 11.2 ਓਵਰਾਂ 'ਚ 2 ਵਿਕਟਾਂ 'ਤੇ 100 ਦੌੜਾਂ ਹੋ ਗਈਆਂ। ਪਰ, ਮੈਚ ਇੱਥੇ ਰੁਕ ਗਿਆ ਅਤੇ ਦੁਬਾਰਾ ਸ਼ੁਰੂ ਨਹੀਂ ਹੋ ਸਕਿਆ। ਨਤੀਜਾ ਇਹ ਨਿਕਲਿਆ ਕਿ ਆਸਟ੍ਰੇਲੀਆ ਨੂੰ ਜੇਤੂ ਐਲਾਨ ਦਿੱਤਾ ਗਿਆ। ਮੈਚ ਵਿੱਚ ਹੈਟ੍ਰਿਕ ਲੈਣ ਵਾਲੇ ਪੈਟ ਕਮਿੰਸ ਨੂੰ ਪਲੇਅਰ ਆਫ ਦਿ ਮੈਚ ਚੁਣਿਆ ਗਿਆ।
ਆਸਟ੍ਰੇਲੀਆ ਨੇ ਟੀਮ ਇੰਡੀਆ ਨੂੰ ਪਛਾੜਿਆ
ਬੰਗਲਾਦੇਸ਼ 'ਤੇ ਜਿੱਤ ਨਾਲ ਆਸਟ੍ਰੇਲੀਆ ਨੇ ਗਰੁੱਪ ਏ ਦੇ ਅੰਕ ਸੂਚੀ 'ਚ ਟੀਮ ਇੰਡੀਆ ਨੂੰ ਪਛਾੜ ਦਿੱਤਾ ਹੈ। ਬਿਹਤਰ ਰਨ ਰੇਟ ਦੇ ਮਾਮਲੇ 'ਚ ਭਾਰਤੀ ਟੀਮ ਨੂੰ ਪਿੱਛੇ ਛੱਡ ਕੇ ਪਹਿਲੇ ਸਥਾਨ 'ਤੇ ਕਬਜ਼ਾ ਕਰ ਲਿਆ ਹੈ। ਭਾਰਤੀ ਟੀਮ ਹੁਣ ਗਰੁੱਪ ਏ 'ਚ ਅੰਕ ਸੂਚੀ 'ਚ ਦੂਜੇ ਸਥਾਨ 'ਤੇ ਹੈ। ਜਿੱਥੇ ਆਸਟ੍ਰੇਲੀਆ ਦੀ ਰਨ ਰੇਟ 2.471 ਹੈ। ਜਦੋਂ ਕਿ ਭਾਰਤ ਦੀ ਰਨ ਰੇਟ 2.350 ਹੈ।
ਇਹ ਵੀ ਪੜੋ: Shimla Bus Accident: ਸ਼ਿਮਲਾ 'ਚ ਦਰਦਨਾਕ ਸੜਕ ਹਾਦਸਾ, ਪਹਾੜੀ ਤੋਂ ਡਿੱਗੀ HRTC ਦੀ ਬੱਸ, 4 ਦੀ ਮੌਤ
- PTC NEWS