Jalandhar 'ਚ ਸੁਨਿਆਰੇ ਦੀ ਦੁਕਾਨ ਤੋਂ ਲੁੱਟਿਆ ਲੱਖਾਂ ਦਾ ਸੋਨਾ ਬਰਾਮਦ ,ਵਾਰਦਾਤ ਸਮੇਂ ਵਰਤਿਆ ਬਾਈਕ ਵੀ ਬਰਾਮਦ
Jalandhar News : ਜਲੰਧਰ ਪੁਲਿਸ ਨੇ ਭਾਰਗਵ ਕੈਂਪ ਨਗਰ ਵਿੱਚ ਵਿਜੇ ਜਵੈਲਰ ਦੁਕਾਨ 'ਤੇ ਹੋਈ ਡਕੈਤੀ ਦੇ ਮੁਲਜ਼ਮਾਂ ਤੋਂ ਸੋਨਾ ਬਰਾਮਦ ਕੀਤਾ ਹੈ। ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੇ ਪਨਾਹਗਰ ਦੇ ਨਾਲ ਮੁਲਜ਼ਮਾਂ, ਕੁਸ਼ਲ, ਗਗਨ ਅਤੇ ਕਰਨ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਅਤੇ ਅਪਰਾਧ ਵਿੱਚ ਵਰਤੇ ਗਏ ਸੋਨੇ ਦੇ ਗਹਿਣੇ, ਬਾਈਕ ਅਤੇ ਕੱਪੜੇ ਬਰਾਮਦ ਕੀਤੇ ਹਨ। ਪੁਲਿਸ ਕਮਿਸ਼ਨਰ ਧਨਪ੍ਰੀਤ ਕੌਰ ਨੇ ਦੱਸਿਆ ਕਿ ਮੁਲਜ਼ਮਾਂ ਵਿਰੁੱਧ 30 ਅਕਤੂਬਰ ਨੂੰ ਭਾਰਗਵ ਕੈਂਪ ਪੁਲਿਸ ਸਟੇਸ਼ਨ ਵਿੱਚ ਐਫਆਈਆਰ 167 ਦਰਜ ਕੀਤੀ ਗਈ ਸੀ। ਇਹ ਮਾਮਲਾ ਅਵਤਾਰ ਨਗਰ ਦੇ 72-ਏ ਦੇ ਵਸਨੀਕ ਵਿਜੇ ਕੁਮਾਰ ਨੇ ਦਰਜ ਕਰਵਾਇਆ ਸੀ।
30 ਅਕਤੂਬਰ ਨੂੰ ਦਿੱਤਾ ਸੀ ਵਾਰਦਾਤ ਨੂੰ ਅੰਜ਼ਾਮ
ਸ਼ਿਕਾਇਤਕਰਤਾ ਅਜੈ ਕੁਮਾਰ ਨੇ ਦੱਸਿਆ ਕਿ 30 ਅਕਤੂਬਰ ਨੂੰ ਸਵੇਰੇ 10 ਵਜੇ ਦੇ ਕਰੀਬ ਤਿੰਨ ਨੌਜਵਾਨਾਂ ਨੇ ਪਿਸਤੌਲ ਤਾਣ ਕੇ ਲਗਭਗ 1 ਕਰੋੜ ਰੁਪਏ ਦੇ ਗਹਿਣੇ ਅਤੇ ਨਕਦੀ ਲੁੱਟ ਲਈ। ਇਹ ਸਾਰੀ ਘਟਨਾ ਸੀਸੀਟੀਵੀ ਵਿੱਚ ਕੈਦ ਹੋ ਗਈ ਸੀ। ਡੀਸੀਪੀ ਮਨਪ੍ਰੀਤ ਸਿੰਘ ਢਿੱਲੋਂ, ਏਡੀਸੀਪੀ ਜਯੰਤ, ਏਡੀਸੀਪੀ-2 ਵਿਨੀਤ ਗਿੱਲ ਅਤੇ ਏਸੀਪੀ ਵੈਸਟ ਸਰਵਜੀਤ ਸਿੰਘ ਦੀ ਨਿਗਰਾਨੀ ਹੇਠ ਇੱਕ ਟੀਮ ਬਣਾਈ ਗਈ ਸੀ। ਟੀਮ ਨੇ ਸੀਸੀਟੀਵੀ ਫੁਟੇਜ ਅਤੇ ਤਕਨੀਕੀ ਸਹਾਇਤਾ ਦੀ ਵਰਤੋਂ ਕਰਦਿਆਂ ਅਜਮੇਰ ਵਿੱਚ ਲੁਟੇਰਿਆਂ ਨੂੰ ਫੜ ਲਿਆ।
ਮੁਲਜ਼ਮਾਂ ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ ਰਿਮਾਂਡ 'ਤੇ ਲਿਆ ਗਿਆ
ਮੁਲਜ਼ਮਾਂ ਨੂੰ ਜਲੰਧਰ ਸੈਸ਼ਨ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਅਤੇ ਰਿਮਾਂਡ 'ਤੇ ਲਿਆ ਗਿਆ। ਪੁਲਿਸ ਰਿਮਾਂਡ ਦੌਰਾਨ ਮੁਲਜ਼ਮਾਂ ਤੋਂ ਅੱਠ ਸੋਨੇ ਦੇ ਲੇਡੀਜ਼ ਸੈੱਟ ਅਤੇ ਅਪਰਾਧ ਦੇ ਸਮੇਂ ਪਹਿਨੀ ਹੋਈ ਇੱਕ ਕਾਲੀ ਹੂਡੀ ,ਕੁਸ਼ਲ ਤੋਂ 40 ਟੌਪਸ ਅਤੇ ਵਾਰਦਾਤ ਦੇ ਸਮੇਂ ਪਹਿਨੀ ਹੋਈ ਕਾਲੀ ਹੂਡੀ ਅਤੇ ਮੁਲਜ਼ਮ ਗਗਨ ਤੋਂ 12 ਚੇਨ, ਸੱਤ ਅੰਗੂਠੀਆਂ ਅਤੇ ਇੱਕ ਬਾਈਕ ਬਰਾਮਦ ਕੀਤੀ ਗਈ।
- PTC NEWS
