Face Fat Reduce Tips: ਜੇਕਰ ਤੁਹਾਡਾ ਚਿਹਰਾ ਘੱਟ ਉਮਰ ਵਿੱਚ ਭਾਰ ਵਧਣ ਕਾਰਨ ਭਾਰੀ ਅਤੇ ਮੋਟਾ ਦਿਖਾਈ ਦਿੰਦਾ ਹੈ ਤਾਂ ਇਹ ਚਿੰਤਾ ਦਾ ਵੱਡਾ ਕਾਰਨ ਹੈ। ਅਜਿਹਾ ਇਸ ਲਈ ਹੁੰਦਾ ਹੈ ਕਿਉਂਕਿ ਭਾਰ ਵਧਣ ਕਾਰਨ ਤੁਹਾਡੇ ਚਿਹਰੇ 'ਤੇ ਵਾਧੂ ਚਰਬੀ ਜਮ੍ਹਾ ਹੋ ਜਾਂਦੀ ਹੈ। ਭਾਵੇਂ ਸਰੀਰ ਦੇ ਕਿਸੇ ਵੀ ਹਿੱਸੇ ਵਿੱਚ ਚਰਬੀ ਜਮ੍ਹਾਂ ਹੋ ਸਕਦੀ ਹੈ, ਪਰ ਇਸ ਦਾ ਅਸਰ ਚਿਹਰੇ 'ਤੇ ਬਹੁਤ ਜਲਦੀ ਦਿਖਾਈ ਦਿੰਦਾ ਹੈ।ਹਾਲਾਂਕਿ ਤੁਸੀਂ ਮੇਕਅੱਪ ਅਤੇ ਕੈਮਰਾ ਲਾਈਟਿੰਗ ਦੀ ਮਦਦ ਨਾਲ ਚਿਹਰੇ ਨੂੰ ਕੁਝ ਸਮੇਂ ਲਈ ਪਤਲਾ ਬਣਾ ਸਕਦੇ, ਪਰ ਇਹ ਸਮੱਸਿਆ ਦਾ ਸਥਾਈ ਹੱਲ ਨਹੀਂ ਹੈ। ਜੇਕਰ ਤੁਸੀਂ ਆਪਣੇ ਚਿਹਰੇ ਦੀ ਚਰਬੀ ਨੂੰ ਹਮੇਸ਼ਾ ਲਈ ਘੱਟ ਕਰਨਾ ਚਾਹੁੰਦੇ ਹੋ ਤਾਂ ਅੱਜ ਅਸੀਂ ਤੁਹਾਨੂੰ ਇਸ ਲੇਖ 'ਚ ਉਨ੍ਹਾਂ ਆਸਾਨ ਤਰੀਕਿਆਂ ਬਾਰੇ ਦਸਾਂਗੇ ਜੋ ਤੁਹਾਨੂੰ ਚਿਹਰੇ ਦੀ ਚਰਬੀ ਨੂੰ ਘੱਟ ਕਰਨ 'ਚ ਮਦਦ ਕਰਨਗੇ।ਚਿਹਰੇ ਦੇ ਅਭਿਆਸ ਕਰੋ : ਜੇਕਰ ਤੁਹਾਡੇ ਵੀ ਚੇਹਰੇ ਤੇ ਵਾਧੂ ਚਰਬੀ ਹੈ ਅਤੇ ਤੁਸੀਂ ਉਸ ਨੂੰ ਘਟ ਕਰਨਾ ਚਾਹੁੰਦੇ ਹੋ ਤਾਂ ਤੁਸੀਂ ਚਿਹਰੇ ਦੀਆਂ ਮਾਸਪੇਸ਼ੀਆਂ ਨੂੰ ਵੀ ਕਸਰਤਾਂ ਰਾਹੀਂ ਨਿਸ਼ਾਨਾ ਬਣਾ ਸਕਦੇ ਹੋ। ਕਿਉਂਕਿ ਜਰਨਲ ਆਫ਼ ਕਲੀਨਿਕਲ ਐਂਡ ਡਾਇਗਨੌਸਟਿਕ ਰਿਸਰਚ ਵਿੱਚ ਪ੍ਰਕਾਸ਼ਿਤ ਇੱਕ ਅਧਿਐਨ ਦੇ ਅਨੁਸਾਰ, ਚਿਹਰੇ ਦੀ ਕਸਰਤ ਕਰਨ ਨਾਲ ਚਿਹਰੇ ਦੀਆਂ ਮਾਸਪੇਸ਼ੀਆਂ ਮਜ਼ਬੂਤ ਹੁੰਦੀਆਂ ਹਨ, ਅਜਿਹਾ ਕਰਨ ਲਈ, ਆਪਣੀਆਂ ਗੱਲ੍ਹਾਂ ਨੂੰ ਇਕ-ਇਕ ਕਰਕੇ ਪਫ ਕਰੋ। ਇੱਕ ਵਾਰ ਵਿੱਚ ਕੁਝ ਸਕਿੰਟਾਂ ਲਈ ਆਪਣੇ ਦੰਦਾਂ ਨੂੰ ਬੰਦ ਕਰਕੇ ਮੁਸਕਰਾਓ। ਇਹ ਬਹੁਤ ਫਾਇਦੇਮੰਦ ਹੋਵੇਗਾ।ਸੌਣ ਦਾ ਸਮਾਂ ਬਦਲੋ : ਤੁਸੀਂ ਸੌਣ ਦਾ ਸਮਾਂ ਬਦਲ ਕੇ ਵੀ ਆਪਣੇ ਚਿਹਰੇ ਦੀ ਚਰਬੀ ਨੂੰ ਘੱਟ ਕਰਨ ਸਕਦੇ ਹੋ ਕਿਉਂਕਿ ਪੂਰੇ ਦਿਨ 'ਚ 7-8 ਘੰਟੇ ਦੀ ਨੀਂਦ ਲੈਣਾ ਵੀ ਜ਼ਰੂਰੀ ਹੁੰਦਾ ਹੈ। ਅਜਿਹੇ ਨੀਂਦ ਦੀ ਕਮੀ ਕਾਰਨ ਕੋਰਟੀਸੋਲ ਦਾ ਪੱਧਰ ਵਧਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਕੋਰਟੀਸੋਲ ਤੁਹਾਡੇ ਮੈਟਾਬੋਲਿਜ਼ਮ ਨੂੰ ਬਦਲ ਸਕਦਾ ਹੈ ਅਤੇ ਚਰਬੀ ਨੂੰ ਸਟੋਰ ਕਰ ਸਕਦਾ ਹੈ, ਜਿਸ ਕਾਰਨ ਤੁਹਾਡਾ ਚਿਹਰਾ ਫੁੱਲਿਆ ਹੋਇਆ ਦਿਖਾਈ ਦਿੰਦਾ ਹੈ। ਇਸ ਲਈ ਆਪਣੇ ਸੌਣ ਦੇ ਸਮੇਂ ਵੱਲ ਧਿਆਨ ਦਿਓ। ਸੌਣ ਦਾ ਸਭ ਤੋਂ ਵਧੀਆ ਸਮਾਂ ਰਾਤ 9:30 ਵਜੇ ਤੋਂ ਰਾਤ 10:30 ਵਜੇ ਤੱਕ ਅਤੇ ਜਾਗਣ ਦਾ ਸਭ ਤੋਂ ਵਧੀਆ ਸਮਾਂ ਸਵੇਰੇ 5:30 ਤੋਂ ਸਵੇਰੇ 7 ਵਜੇ ਤੱਕ ਹੈ। ਇਸ ਲਈ, ਆਪਣੀ ਸਿਹਤ ਅਤੇ ਤੰਦਰੁਸਤੀ ਵਿੱਚ ਬਦਲਾਅ ਦੇਖਣ ਲਈ, ਆਪਣੇ ਸੌਣ ਦਾ ਸਮਾਂ ਨਿਸ਼ਚਿਤ ਕਰੋ।ਨਮਕ ਅਤੇ ਸ਼ਰਾਬ ਦਾ ਸੇਵਨ ਘਟਾਓ : ਤੁਸੀਂ ਸ਼ਰਾਬ ਅਤੇ ਨਮਕ ਦੇ ਸੇਵਨ ਨੂੰ ਘਟਾ ਕੇ ਵੀ ਆਪਣੇ ਚਿਹਰੇ ਦੀ ਚਰਬੀ ਨੂੰ ਘਟਾ ਸਕਦੇ ਹੋ ਕਿਉਂਕਿ ਇਸਦਾ ਜ਼ਿਆਦਾ ਸੇਵਨ ਕਰਨ ਨਾਲ ਸਰੀਰ ਵਿਚ ਪਾਣੀ ਦੀ ਮਾਤਰਾ ਰਾਤੋ-ਰਾਤ ਵਧ ਜਾਂਦੀ ਹੈ, ਜਿਸ ਨਾਲ ਚਿਹਰਾ ਸੁੱਜ ਜਾਂਦਾ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਸੋਡੀਅਮ ਵਾਲੇ ਭੋਜਨ ਜਿਵੇਂ ਕਿ ਤਲੇ ਹੋਏ ਭੋਜਨ ਖਾਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਖਾਣਾ ਖਾਂਦੇ ਸਮੇਂ ਪਕਾਏ ਹੋਏ ਭੋਜਨਾਂ ਵਿੱਚ ਚਿਟੇ ਨਮਕ ਨੂੰ ਸ਼ਾਮਿਲ ਕਰਨਾ ਇੱਕ ਬਿਹਤਰ ਵਿਕਲਪ ਹੈ। ਇਸ ਨਾਲ ਸਰੀਰ 'ਚ ਚਰਬੀ ਜਮ੍ਹਾ ਹੋਣ ਦੀ ਸੰਭਾਵਨਾ ਘੱਟ ਜਾਂਦੀ ਹੈ।ਖੁਰਾਕ ਵਿੱਚ ਸੁਧਾਰ : ਜਿਵੇ ਤੁਸੀਂ ਜਾਣਦੇ ਹੋ ਕਿ ਸਾਡੀ ਖੁਰਾਕ ਤੇ ਹੀ ਸਾਡਾ ਸਰੀਰ ਨਿਰਭਰ ਕਰਦਾ ਹੈ ਅਜਿਹੇ 'ਚ ਤੁਸੀਂ ਆਪਣੀ ਖੁਰਾਕ ਨੂੰ ਸੁਧਾਰ ਕੇ ਵੀ ਆਪਣੇ ਚੇਹਰੇ ਦੀ ਚਰਬੀ ਨੂੰ ਘਟਾ ਸਕਦੇ ਹੋ ਕਿਉਂਕਿ ਮੈਕਰੋਨਿਊਟ੍ਰੀਐਂਟਸ ਅਤੇ ਮਾਈਕ੍ਰੋਨਿਊਟ੍ਰੀਐਂਟਸ ਨਾਲ ਭਰਪੂਰ ਸਿਹਤਮੰਦ ਭੋਜਨ ਤੁਹਾਡੀਆਂ ਅੰਦਰੂਨੀ ਪ੍ਰਣਾਲੀਆਂ ਨੂੰ ਚੰਗੀ ਹਾਲਤ ਵਿਚ ਰੱਖਦੇ ਹਨ। ਇਸ ਕਿਸਮ ਦੇ ਭੋਜਨ ਤੁਹਾਡੇ ਮੈਟਾਬੋਲਿਜ਼ਮ ਨੂੰ ਤੇਜ਼ ਕਰਕੇ ਚਰਬੀ ਨੂੰ ਤੇਜ਼ੀ ਨਾਲ ਸਾੜਨ ਵਿੱਚ ਤੁਹਾਡੀ ਮਦਦ ਕਰਦੇ ਹਨ। ਬਸ ਇਸ ਮਿਆਦ ਦੇ ਦੌਰਾਨ ਤੁਹਾਨੂੰ ਰਿਫਾਇੰਡ ਕਾਰਬੋਹਾਈਡਰੇਟ ਖਾਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਕਿਉਂਕਿ ਇਹ ਨਾ ਸਿਰਫ਼ ਤੁਹਾਡਾ ਭਾਰ ਵਧਾਉਣ ਲਈ ਜ਼ਿੰਮੇਵਾਰ ਹੈ, ਸਗੋਂ ਤੁਹਾਨੂੰ ਕਈ ਸਿਹਤ ਸਮੱਸਿਆਵਾਂ ਦਾ ਸ਼ਿਕਾਰ ਵੀ ਬਣਾਉਂਦਾ ਹੈ।ਕਾਫ਼ੀ ਪਾਣੀ ਪੀਓ : ਮਾਹਿਰਾਂ ਦਾ ਕਹਿਣਾ ਹੈ ਕਿ ਤੁਹਾਨੂੰ ਚਰਬੀ ਘਟਾਉਣ ਲਈ ਬਹੁਤ ਸਾਰਾ ਪਾਣੀ ਪੀਣਾ ਚਾਹੀਦਾ ਹੈ। ਪਾਣੀ ਨਾ ਪੀਣ ਕਾਰਨ ਕਈ ਵਾਰ ਚਿਹਰਾ ਝੁਲਸ ਜਾਂਦਾ ਹੈ। ਦਰਅਸਲ, ਪਾਣੀ ਦੀ ਕਮੀ ਕਾਰਨ ਸਰੀਰ 'ਚ ਨਮਕ ਬਣਿਆ ਰਹਿੰਦਾ ਹੈ, ਜਿਸ ਕਾਰਨ ਚਿਹਰੇ ਸਮੇਤ ਸਰੀਰ ਦੇ ਕਈ ਹਿੱਸਿਆਂ 'ਚ ਸੋਜ ਆ ਜਾਂਦੀ ਹੈ। ਅਜਿਹੇ 'ਚ ਤੁਹਾਨੂੰ ਚਿਹਰੇ ਨੂੰ ਪਤਲਾ ਕਰਨ ਲਈ ਘਟੋ ਘਟ ਰੋਜ਼ਾਨਾ 8 ਗਲਾਸ ਪਾਣੀ ਪੀਣਾ ਚਾਹੀਦਾ ਹੈ। ਇਹ ਸਰੀਰ ਦੀ ਚਰਬੀ ਨੂੰ ਘਟਾਉਣ ਲਈ ਮੈਟਾਬੋਲਿਜ਼ਮ ਨੂੰ ਤੇਜ਼ ਕਰ ਸਕਦਾ ਹੈ। ਇਸ ਲਈ ਜਦੋਂ ਵੀ ਤੁਹਾਨੂੰ ਪਿਆਸ ਲੱਗੇ ਤਾਂ ਆਲਸ ਨਾ ਕਰੋ, ਪਾਣੀ ਪੀਓ। ਧਿਆਨ ਵਿੱਚ ਰੱਖੋ ਕਿ ਆਮ ਤਾਪਮਾਨ 'ਤੇ ਪਾਣੀ ਪੀਣਾ ਸਭ ਤੋਂ ਵਧੀਆ ਹੈ, ਇਹ ਸਾਨੂੰ ਹਾਈਡਰੇਟ ਰੱਖਣ ਵਿੱਚ ਮਦਦ ਕਰਦਾ ਹੈ।ਡਿਸਕਲੇਮਰ : ਇਹ ਲੇਖ ਆਮ ਜਾਣਕਾਰੀ ਲਈ ਹੈ ਕੋਈ ਵੀ ਉਪਾਅ ਅਪਣਾਉਣ ਤੋਂ ਪਹਿਲਾਂ ਤੁਹਾਨੂੰ ਡਾਕਟਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।ਲੇਖਕ ਸਚਿਨ ਜਿੰਦਲ ਦੇ ਸਹਿਯੋਗ ਨਾਲਇਹ ਵੀ ਪੜ੍ਹੋ: Superfoods for Weight Loss: ਸਿਹਤਮੰਦ ਤਰੀਕੇ ਨਾਲ ਭਾਰ ਘਟਾਉਣ ਲਈ ਆਪਣੀ ਖ਼ੁਰਾਕ 'ਚ ਸ਼ਾਮਲ ਕਰੋ ਇਹ ਸੁਪਰਫੂਡ