N1200 ATOR : ਹੜ੍ਹ ਪ੍ਰਭਾਵਿਤ ਇਲਾਕਿਆਂ 'ਚ ਲੋਕਾਂ ਨੂੰ ਬਚਾਉਣ ਵਾਲੇ ਫੌਜ ਦੇ ਵਾਹਨ ਬਾਰੇ ਖਾਸ ਗੱਲਾਂ
N1200 ATOR : ਦੇਸ਼ ਭਰ ਵਿੱਚ ਹੋ ਰਹੀ ਮੌਨਸੂਨ ਦੀ ਬਾਰਿਸ਼ ਨੇ ਭਾਰੀ ਤਬਾਹੀ ਮਚਾਈ ਹੈ। ਬਿਹਾਰ, ਉੱਤਰ ਪ੍ਰਦੇਸ਼, ਪੰਜਾਬ, ਹਰਿਆਣਾ, ਅਸਾਮ ਸਮੇਤ ਕਈ ਰਾਜਾਂ ਵਿੱਚ ਹੜ੍ਹਾਂ ਨੇ ਆਮ ਜਨਜੀਵਨ ਨੂੰ ਪ੍ਰਭਾਵਿਤ ਕੀਤਾ ਹੈ। ਇਸ ਦੌਰਾਨ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਤੋਂ ਲੋਕਾਂ ਨੂੰ ਸੁਰੱਖਿਅਤ ਕੱਢਣ ਲਈ ਫੌਜ ਵੱਲੋਂ ਬਚਾਅ ਕਾਰਜ ਜਾਰੀ ਹਨ। ਫੌਜ ਅੰਮ੍ਰਿਤਸਰ ਦੇ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਵਿੱਚ ਬਚਾਅ ਕਾਰਜ ਦੇ ਹਿੱਸੇ ਵਜੋਂ ਲੋਕਾਂ ਨੂੰ ਕੱਢਣ ਲਈ ATOR N1200 ਸਪੈਸ਼ਲਿਸਟ ਮੋਬਿਲਿਟੀ ਵਹੀਕਲ (SMV) ਦੀ ਵਰਤੋਂ ਕਰ ਰਹੀ ਹੈ। ਜਾਣੋ ਇਸ ਵਾਹਨ ਦੀ ਵਿਸ਼ੇਸ਼ਤਾ ਕੀ ਹੈ।
ATOR N1200 ਭਾਰਤੀ ਫੌਜ ਦਾ ਨਵਾਂ ਆਲ-ਟੇਰੇਨ ਐਂਫੀਬੀਅਸ ਵਾਹਨ ਹੈ। ਇਸਨੂੰ ਖਾਸ ਤੌਰ 'ਤੇ ਮੁਸ਼ਕਲ ਹਾਲਾਤਾਂ ਵਿੱਚ ਕੰਮ ਕਰਨ ਲਈ ਤਿਆਰ ਕੀਤਾ ਗਿਆ ਹੈ। ਇਸਨੂੰ ਚਿੱਕੜ, ਦਲਦਲੀ ਇਲਾਕਿਆਂ, ਪਾਣੀ, ਰੇਤ ਅਤੇ ਬਰਫ਼ 'ਤੇ ਆਸਾਨੀ ਨਾਲ ਚਲਾਇਆ ਜਾ ਸਕਦਾ ਹੈ। ਇਹ ATOR N1200 ਬਰਫੀਲੇ ਇਲਾਕਿਆਂ, ਜੰਗਲਾਂ, ਪਹਾੜਾਂ, ਨਦੀਆਂ, ਸੰਘਣੀ ਧੁੰਦ ਤੇ ਮਾਰੂਥਲ 'ਚ ਕਾਮਯਾਬ ਹੈ। ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਇਹ ਪਾਣੀ ਵਿੱਚ ਵੀ ਚੱਲ ਸਕਦਾ ਹੈ ਅਤੇ ਬਿਨਾਂ ਰੁਕੇ ਇੱਕ ਖੇਤਰ ਤੋਂ ਦੂਜੇ ਖੇਤਰ ਤੱਕ ਪਹੁੰਚ ਸਕਦਾ ਹੈ।
ਇਸ ਦੇ ਟਾਇਰ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਵਿੱਚ ਟਿਊਬ ਵਾਂਗ ਅਤੇ ਚੱਪੂ ਵਾਂਗ ਕੰਮ ਕਰਦੇ ਹਨ। ਇਹ ਵਾਹਨ ਖਾਸਤੌਰ 'ਤੇ ਚੰਡੀਗੜ੍ਹ ਵਿੱਚ ਬਣਾਏ ਜਾ ਰਹੇ ਹਨ। ਇਸਨੂੰ ਸਟੀਲ ਦੀ ਮਜ਼ਬੂਤ ਫ੍ਰੇਮ ਨਾਲ ਬਣਾਇਆ ਗਿਆ ਹੈ। ਇਸ ਦੀ 3.98 M ਲੰਬਾਈ, 2.57 M ਚੌੜਾਈ ਅਤੇ 2.84 M ਉਚਾਈ ਹੈ। ATOR N1200 ਦੀ ਧਰਤੀ 'ਤੇ ਸਪੀਡ 40 KM ਪ੍ਰਤੀ ਘੰਟਾ ਹੈ, ਪਾਣੀ ਵਿੱਚ 6 KM ਪ੍ਰਤੀ ਘੰਟਾ ਹੈ।
ਇਹ ਭਾਰ ਚੁੱਕਣ ਵਿੱਚ ਵੀ ਸਭ ਤੋਂ ਅੱਗੇ
ਇਸਦੇ ਸੰਖੇਪ ਆਕਾਰ ਦੇ ਬਾਵਜੂਦ ਇਹ ਵਾਹਨ ਭਾਰੀ ਭਾਰ ਚੁੱਕਣ ਦੇ ਸਮਰੱਥ ਹੈ। ਇਹ 1200 ਕਿਲੋਗ੍ਰਾਮ ਤੱਕ ਦਾ ਪੇਲੋਡ ਚੁੱਕ ਸਕਦਾ ਹੈ ਅਤੇ ਕੁੱਲ 9 ਲੋਕਾਂ (8 ਯਾਤਰੀਆਂ ਅਤੇ 1 ਡਰਾਈਵਰ) ਨੂੰ ਬੈਠਾ ਸਕਦਾ ਹੈ। ਇੰਨਾ ਹੀ ਨਹੀਂ ਇਹ 2350 ਕਿਲੋਗ੍ਰਾਮ ਤੱਕ ਦਾ ਸਮਾਨ ਵੀ ਖਿੱਚ ਸਕਦਾ ਹੈ। ਯਾਨੀ ਕਿ ਸੈਨਿਕਾਂ ਨੂੰ ਮੁਸ਼ਕਲ ਖੇਤਰਾਂ ਵਿੱਚ ਲਿਜਾਣ ਦੇ ਨਾਲ ਇਹ ਜ਼ਰੂਰੀ ਸਮਾਨ ਅਤੇ ਹਥਿਆਰ ਵੀ ਲੈ ਜਾ ਸਕਦਾ ਹੈ।
ਮਜ਼ਬੂਤ ਅਤੇ ਟਿਕਾਊ ਡਿਜ਼ਾਈਨ
ATOR N1200 ਉੱਚ-ਸ਼ਕਤੀ ਵਾਲੇ ਸਟੀਲ ਫਰੇਮ ਤੋਂ ਬਣਿਆ ਹੈ। ਇਸ 'ਤੇ ਜ਼ਿੰਕ ਕੋਟਿੰਗ ਕੀਤੀ ਗਈ ਹੈ। ਇਹ ਇਸਦੀ ਉਮਰ 30 ਸਾਲਾਂ ਤੱਕ ਵਧਾ ਸਕਦਾ ਹੈ। ਬਾਡੀ ਪੈਨਲਾਂ 'ਤੇ ਇੱਕ ਵਿਸ਼ੇਸ਼ ਐਂਟੀ-ਕੋਰੋਜ਼ਨ ਪਰਤ ਹੈ ਅਤੇ ਜੇਕਰ ਲੋੜ ਹੋਵੇ ਤਾਂ ਇਸਨੂੰ ਕੇਵਲਰ ਜਾਂ ਕੰਪੋਜ਼ਿਟ ਆਰਮਰ ਨਾਲ ਲੈਸ ਕੀਤਾ ਜਾ ਸਕਦਾ ਹੈ। ਯਾਨੀ, ਨਾ ਸਿਰਫ਼ ਰਾਹਤ ਕਾਰਜਾਂ ਵਿੱਚ, ਇਹ ਯੁੱਧ ਵਰਗੀਆਂ ਸਥਿਤੀਆਂ ਵਿੱਚ ਸੈਨਿਕਾਂ ਦਾ ਸਾਥੀ ਵੀ ਬਣ ਸਕਦਾ ਹੈ।
ਇੰਜਣ ਅਤੇ ਰਫ਼ਤਾਰ
ATOR N1200 ਵਿੱਚ 1.5-ਲੀਟਰ ਡੀਜ਼ਲ ਇੰਜਣ ਹੈ, ਜੋ 55 bhp ਪਾਵਰ ਅਤੇ 190 Nm ਟਾਰਕ ਪੈਦਾ ਕਰਦਾ ਹੈ। ਇਹ ਜ਼ਮੀਨ 'ਤੇ ਲਗਭਗ 40 ਕਿਲੋਮੀਟਰ ਪ੍ਰਤੀ ਘੰਟਾ ਅਤੇ ਪਾਣੀ ਵਿੱਚ 6 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਚੱਲ ਸਕਦਾ ਹੈ। ਇਸ ਵਿੱਚ 232 ਲੀਟਰ ਦਾ ਡੀਜਲ ਟੈਂਕ ਹੈ। ਇਹ ਇਸਨੂੰ ਲਗਭਗ 61 ਘੰਟਿਆਂ ਲਈ ਲਗਾਤਾਰ ਕੰਮ ਕਰਨ ਦੇ ਸਮਰੱਥ ਬਣਾਉਂਦਾ ਹੈ। ਅਜਿਹੀ ਸਥਿਤੀ ਵਿੱਚ ਭਾਵੇਂ ਇਹ ਕਿਸੇ ਆਫ਼ਤ ਵਿੱਚ ਬਚਾਅ ਕਾਰਜ ਹੋਵੇ ਜਾਂ ਸਰਹੱਦ 'ਤੇ ਦੁਸ਼ਮਣਾਂ ਦੀ ਨਿਗਰਾਨੀ ਕਰਨੀ ਹੋਵੇ ,ਇਹ ATOR N1200 ਵਾਹਨ ਹਰ ਸਥਿਤੀ ਨਾਲ ਨਜਿੱਠਣ ਦੇ ਸਮਰੱਥ ਹੈ।
ਕਿਸ ਕੰਪਨੀ ਨੇ ਬਣਾਇਆ ATOR N1200 ?
ATOR N1200 ਦਾ ਨਿਰਮਾਣ ਦੇਸ਼ ਦੀ ਕੰਪਨੀ JSW Gecko Motors ਦੁਆਰਾ ਕੀਤਾ ਗਿਆ ਹੈ, ਇਸ ਦੀ ਕੀਮਤ ਕਰੀਬ 2 ਕਰੋੜ ਹੈ। ਰੱਖਿਆ ਮੰਤਰਾਲੇ ਨੇ 250 ਕਰੋੜ ਰੁਪਏ ਦੇ ਇਕਰਾਰਨਾਮੇ ਵਿੱਚ 96 ਵਾਹਨ ਆਰਡਰ ਕੀਤੇ ਸਨ। ਇਸ ਵਾਹਨ ਨੇ ਪਹਿਲੀ ਵਾਰ 2024 ਦੀ ਗਣਤੰਤਰ ਦਿਵਸ ਪਰੇਡ ਵਿੱਚ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਅਤੇ ਹੁਣ ਇਹ ਸਿੱਧੇ ਤੌਰ 'ਤੇ ਅੰਮ੍ਰਿਤਸਰ ਵਿੱਚ ਰਾਹਤ ਕਾਰਜਾਂ ਦਾ ਹੀਰੋ ਬਣ ਗਿਆ ਹੈ। ਇਨ੍ਹਾਂ ਵਾਹਨਾਂ ਨੂੰ ਗਣਤੰਤਰ ਦਿਵਸ 2024 'ਤੇ ਪ੍ਰਦਰਸ਼ਿਤ ਕੀਤਾ ਗਿਆ ਸੀ।
ਹਰ ਮੌਸਮ ਵਿੱਚ ਕਾਮਯਾਬ
ਇਹ ਵਾਹਨ -40 ਡਿਗਰੀ ਤੋਂ 45 ਡਿਗਰੀ ਤੱਕ ਦੇ ਤਾਪਮਾਨ ਵਿੱਚ ਕੰਮ ਕਰ ਸਕਦਾ ਹੈ। ਭਾਵੇਂ ਇਹ ਭਾਰੀ ਮੀਂਹ ਹੋਵੇ, ਬਰਫੀਲੇ ਤੂਫਾਨ ਹੋਣ, ਮਾਰੂਥਲ ਦੀ ਗਰਮੀ ਹੋਵੇ ਜਾਂ ਸੰਘਣੀ ਧੁੰਦ, ATOR N1200 ਹਰ ਸਥਿਤੀ ਵਿੱਚ ਭਰੋਸੇਯੋਗ ਸਾਬਤ ਹੁੰਦਾ ਹੈ। ਇਹੀ ਕਾਰਨ ਹੈ ਕਿ ਇਸਦੀ ਵਰਤੋਂ ਸਿੱਕਮ ਦੇ ਬਰਫੀਲੇ ਇਲਾਕਿਆਂ ਤੋਂ ਲੈ ਕੇ ਪੰਜਾਬ ਦੇ ਹੜ੍ਹਾਂ ਤੱਕ ਕੀਤੀ ਗਈ ਹੈ।
ਹੜ੍ਹ ਪੀੜਤਾਂ ਲਈ ਉਮੀਦ ਬਣੇ ATOR N1200 ਬਾਰੇ ਜਾਣੋ 11 ਖਾਸ ਗੱਲਾਂ
1. ਇਹ ਵਾਹਨ JSW Gecko Motors ਵੱਲੋਂ ਬਣਾਇਆ ਗਿਆ ਹੈ, ਕੀਮਤ ਕਰੀਬ 2 ਕਰੋੜ
2. ਬਰਫੀਲੇ ਇਲਾਕਿਆਂ, ਜੰਗਲਾਂ, ਪਹਾੜਾਂ, ਨਦੀਆਂ, ਸੰਘਣੀ ਧੁੰਦ ਤੇ ਮਾਰੂਥਲ 'ਚ ਕਾਮਯਾਬ
3. ਰੱਖਿਆ ਮੰਤਰਾਲੇ ਨੇ 250 ਕਰੋੜ ਦੇ ਖਰਚੇ ਨਾਲ 96 ਵਾਹਨ ਬਣਵਾਏ
4. ਇਹ ਵਾਹਨ ਖਾਸਤੌਰ 'ਤੇ ਚੰਡੀਗੜ੍ਹ ਵਿੱਚ ਬਣਾਏ ਜਾ ਰਹੇ ਹਨ
5. ਟਾਇਰ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਵਿੱਚ ਟਿਊਬ ਵਾਂਗ ਅਤੇ ਚੱਪੂ ਵਾਂਗ ਕੰਮ ਕਰਦੇ
6. ਇਸਨੂੰ ਸਟੀਲ ਦੀ ਮਜ਼ਬੂਤ ਫ੍ਰੇਮ ਨਾਲ ਬਣਾਇਆ ਗਿਆ ਹੈ
7. 3.98 M ਲੰਬਾਈ, 2.57 M ਚੌੜਾਈ ਅਤੇ 2.84 M ਉਚਾਈ
8. 1,200 kg ਭਾਰ ਚੁੱਕਣ ਦੇ ਨਾਲ ਡਰਾਈਵਰ ਸਮੇਤ 9 ਲੋਕਾਂ ਨੂੰ ਲੈ ਕੇ ਚਲ ਸਕਦਾ ਹੈ
9. ਧਰਤੀ ਤੇ ਸਪੀਡ 40 KM ਪ੍ਰਤੀ ਘੰਟਾ ਹੈ, ਪਾਣੀ ਵਿੱਚ 6 KM ਪ੍ਰਤੀ ਘੰਟਾ
10. ਤੇਲ ਟੈਂਕੀ ਦੀ ਕਪੈਸਿਟੀ 232Litres, 61 ਘੰਟੇ ਤੱਕ ਵੱਡੇ ਆਪਰੇਸ਼ਨਾਂ ਵਿੱਚ ਲਗਾਤਾਰ ਕੰਮ
11. –40 °C ਤੋਂ 45 °C ਤੱਕ ਦੇ ਤਾਪਮਾਨ ਵਿੱਚ ਕੰਮ ਕਰਨ ਵਿੱਚ ਸਮਰੱਥ
- PTC NEWS
