Balwainder Singh Sahni - ਉਘੇ ਭਾਰਤੀ ਵਪਾਰੀ ਨੂੰ ਦੁਬਈ 'ਚ 5 ਸਾਲ ਦੀ ਸਜ਼ਾ, ਜਾਣੋ ਕੌਣ ਹੈ 3.3 ਮਿਲੀਅਨ ਫਾਲੋਅਰ ਵਾਲਾ ਬਲਵਿੰਦਰ ਸਿੰਘ ਸਾਹਨੀ ?
Indian Businessman in Duabi : ਦੁਬਈ ਸਥਿਤ ਭਾਰਤੀ ਕਾਰੋਬਾਰੀ ਬਲਵਿੰਦਰ ਸਿੰਘ ਸਾਹਨੀ (Balwainder Singh Sahni) ਨੂੰ ਮਨੀ ਲਾਂਡਰਿੰਗ (Money Laundring) ਸਮੇਤ ਵਿੱਤੀ ਅਪਰਾਧਾਂ ਲਈ ਜੇਲ੍ਹ ਭੇਜਿਆ ਜਾਵੇਗਾ ਅਤੇ ਸਜ਼ਾ ਪੂਰੀ ਹੋਣ ਤੋਂ ਬਾਅਦ ਸੰਯੁਕਤ ਅਰਬ ਅਮੀਰਾਤ (UAE) ਤੋਂ ਦੇਸ਼ ਨਿਕਾਲਾ (Deportation) ਦਿੱਤਾ ਜਾਵੇਗਾ।
ਅਰਬਪਤੀ ਬਲਵਿੰਦਰ, ਜਿਸਨੂੰ ਅਬੂ ਸਬਾ (Abu Saba) ਵੀ ਕਿਹਾ ਜਾਂਦਾ ਹੈ, ਨੂੰ ਪੰਜ ਸਾਲ ਦੀ ਕੈਦ ਅਤੇ 500,000 ਦਿਰਹਮ (1,14,89,750 ਰੁਪਏ) ਦਾ ਜੁਰਮਾਨਾ ਲਗਾਇਆ ਗਿਆ ਹੈ। ਦੁਬਈ ਦੀ ਇੱਕ ਅਦਾਲਤ ਨੇ ਕਾਰੋਬਾਰੀ ਨੂੰ ਦੇਸ਼ ਤੋਂ ਡਿਪੋਰਟ ਕਰਨ ਤੋਂ ਪਹਿਲਾਂ ਉਸ ਤੋਂ 150 ਮਿਲੀਅਨ ਦਿਰਹਾਮ (3,446 ਮਿਲੀਅਨ ਰੁਪਏ) ਜ਼ਬਤ ਕਰਨ ਦਾ ਹੁਕਮ ਵੀ ਦਿੱਤਾ ਹੈ।
Gulf ਨਿਊਜ਼ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਦੁਬਈ ਦੇ ਉੱਚ ਵਰਗ ਵਿੱਚ ਇੱਕ ਜਾਣਿਆ-ਪਛਾਣਿਆ ਨਾਮ, ਬਲਵਿੰਦਰ ਸਾਹਨੀ ਨੂੰ ਸ਼ੈੱਲ ਕੰਪਨੀਆਂ ਅਤੇ ਜਾਅਲੀ ਇਨਵੌਇਸਾਂ ਦੇ ਨੈੱਟਵਰਕ ਰਾਹੀਂ 150 ਮਿਲੀਅਨ ਦਿਰਹਮ ਦੀ ਮਨੀ ਲਾਂਡਰਿੰਗ ਦਾ ਦੋਸ਼ੀ ਠਹਿਰਾਇਆ ਗਿਆ ਹੈ। Khaleej Times ਦੀ ਰਿਪੋਰਟ ਦੇ ਅਨੁਸਾਰ, ਬਲਵਿੰਦਰ ਨੂੰ ਉਸਦੇ ਪੁੱਤਰ ਸਮੇਤ 33 ਹੋਰ ਲੋਕਾਂ ਦੇ ਨਾਲ ਦੋਸ਼ੀ ਠਹਿਰਾਇਆ ਗਿਆ ਹੈ।
ਬਲਵਿੰਦਰ ਸਿੰਘ ਸਾਹਨੀ ਕੌਣ ਹੈ?
53 ਸਾਲਾ ਕਾਰੋਬਾਰੀ ਬਲਵਿੰਦਰ ਰਾਜ ਸਾਹਨੀ ਗਰੁੱਪ (RSG) ਪ੍ਰਾਪਰਟੀ ਡਿਵੈਲਪਮੈਂਟ ਫਰਮ ਦੇ ਸੰਸਥਾਪਕ ਅਤੇ ਚੇਅਰਮੈਨ ਹਨ। ਇਹ ਕੰਪਨੀ ਯੂਏਈ, ਅਮਰੀਕਾ, ਭਾਰਤ ਅਤੇ ਹੋਰ ਦੇਸ਼ਾਂ ਵਿੱਚ ਕੰਮ ਕਰਦੀ ਹੈ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਉਸਦੀ ਕੰਪਨੀ ਦੇ ਦੁਬਈ ਪ੍ਰਾਪਰਟੀ ਪੋਰਟਫੋਲੀਓ ਵਿੱਚ ਦੁਬਈ ਸਪੋਰਟਸ ਸਿਟੀ ਵਿੱਚ ਕਾਸਰ ਸਬਾਹ ਰਿਹਾਇਸ਼ੀ ਇਮਾਰਤਾਂ, ਜੁਮੇਰਾਹ ਵਿਲੇਜ ਸਰਕਲ ਵਿੱਚ 24 ਮੰਜ਼ਿਲਾ ਬੁਰਜ ਸਬਾਹ ਅਪਾਰਟਮੈਂਟ ਕੰਪਲੈਕਸ, ਬਿਜ਼ਨਸ ਬੇ ਵਿੱਚ ਬੇ ਸਕੁਏਅਰ ਵਿੱਚ ਵਪਾਰਕ ਜਾਇਦਾਦ ਅਤੇ ਸਬਾਹ ਦੁਬਈ ਨਾਮਕ ਇੱਕ ਪੰਜ-ਸਿਤਾਰਾ ਹੋਟਲ ਸ਼ਾਮਲ ਹਨ।
ਅਕਸਰ ਸ਼ਾਹੀ ਨੀਲੇ ਰੰਗ ਦਾ ਕੰਦੂਰਾ, ਬੇਸਬਾਲ ਕੈਪ ਅਤੇ ਮੈਚਿੰਗ ਟ੍ਰੇਨਰ ਪਹਿਨੇ ਹੋਏ ਦਿਖਾਈ ਦੇਣ ਵਾਲੇ, ਸਾਹਨੀ ਦੇ ਇੰਸਟਾਗ੍ਰਾਮ 'ਤੇ ਲਗਭਗ 3.3 ਮਿਲੀਅਨ ਫਾਲੋਅਰਜ਼ ਹਨ।
ਸਾਹਨੀ ਵਿਰੁੱਧ ਕੀ ਮਾਮਲਾ ਹੈ?
ਸਾਹਨੀ ਅਤੇ ਹੋਰ ਮੁਲਜ਼ਮਾਂ ਵਿਰੁੱਧ ਕੇਸ 2024 ਵਿੱਚ ਬੁਰ ਦੁਬਈ ਪੁਲਿਸ ਸਟੇਸ਼ਨ (Dubai News) ਵਿੱਚ ਦਰਜ ਕੀਤਾ ਗਿਆ ਸੀ। ਬਾਅਦ ਵਿੱਚ ਇਸਨੂੰ ਪਬਲਿਕ ਪ੍ਰੋਸੀਕਿਊਸ਼ਨ ਨੂੰ ਤਬਦੀਲ ਕਰ ਦਿੱਤਾ ਗਿਆ। ਉਸਦੇ ਖਿਲਾਫ ਜਾਂਚ ਵਿੱਚ ਯੂਏਈ ਅਤੇ ਵਿਦੇਸ਼ਾਂ ਵਿੱਚ ਵਿਆਪਕ ਵਿੱਤੀ ਡੇਟਾ ਅਤੇ ਵਪਾਰਕ ਸਬੰਧਾਂ ਦਾ ਖੁਲਾਸਾ ਹੋਇਆ।
ਪਿਛਲੇ ਸ਼ੁੱਕਰਵਾਰ ਨੂੰ ਆਪਣੇ ਫੈਸਲੇ ਵਿੱਚ, ਦੁਬਈ ਦੀ ਚੌਥੀ ਅਪਰਾਧਿਕ ਅਦਾਲਤ ਨੇ ਸਾਹਨੀ ਨੂੰ ਹੋਰ ਦੋਸ਼ੀਆਂ ਦੇ ਨਾਲ, ਸ਼ੈੱਲ ਕੰਪਨੀਆਂ ਅਤੇ ਸ਼ੱਕੀ ਵਿੱਤੀ ਲੈਣ-ਦੇਣ ਦੀ ਵਰਤੋਂ ਕਰਕੇ ਇੱਕ ਵਿਸਤ੍ਰਿਤ ਮਨੀ ਲਾਂਡਰਿੰਗ ਨੈੱਟਵਰਕ ਚਲਾਉਣ ਦਾ ਦੋਸ਼ੀ ਠਹਿਰਾਇਆ।
ਅਦਾਲਤ ਨੇ ਉਸਦੀ ਸਜ਼ਾ ਪੂਰੀ ਹੋਣ ਤੋਂ ਬਾਅਦ ਉਸਨੂੰ ਦੇਸ਼ ਨਿਕਾਲਾ ਦੇਣ ਦਾ ਹੁਕਮ ਵੀ ਦਿੱਤਾ। ਰਿਪੋਰਟਾਂ ਵਿੱਚ ਕਿਹਾ ਗਿਆ ਹੈ ਕਿ ਕੁਝ ਦੋਸ਼ੀਆਂ 'ਤੇ ਉਨ੍ਹਾਂ ਦੀ ਗੈਰਹਾਜ਼ਰੀ ਵਿੱਚ ਮੁਕੱਦਮਾ ਚਲਾਇਆ ਗਿਆ। ਕਈ ਦੋਸ਼ੀਆਂ ਨੂੰ ਹਲਕੀਆਂ ਸਜ਼ਾਵਾਂ ਦਿੱਤੀਆਂ ਗਈਆਂ, ਜਿਸ ਵਿੱਚ ਇੱਕ ਸਾਲ ਦੀ ਕੈਦ ਅਤੇ 200,000 AED ਦਾ ਜੁਰਮਾਨਾ ਸ਼ਾਮਲ ਹੈ, ਜਦੋਂ ਕਿ ਤਿੰਨ ਕੰਪਨੀਆਂ ਨੂੰ 50 ਮਿਲੀਅਨ AED ਦਾ ਜੁਰਮਾਨਾ ਲਗਾਇਆ ਗਿਆ ਹੈ।
- PTC NEWS
